Mga Ordinansa sa Priesthood ug Buhat sa Templo Nagpanalangin sa Akong Pamilya

Midagan si Karl ngadto sa dunggoanan sa sakayan, ganahan na nga makakita sa iyang papa. Ang amahan ni Karl usa ka mangingisda, ug si Karl sa kasagaran modagan ngadto sa sakayan aron mosugat kaniya sa inig tapus sa adlaw.

“Pagdali, Papa!” Tawag ni Karl. “Gusto kong mopakita nimo sa litrato nga akong gi-drowing alang nimo karon!”

“Maayo kaayo!” Miingon si Papa. “Pero kinahanglan pa nakong higtan ang sakayan.”

Nagtan-aw pag-ayo si Karl samtang si Papa naghigot sa sakayan ngadto sa dunggoanan ginamit ang dako nga pisi. “Nganong hugton man gyud kaayo nimo sa paghigot?” Nangutana si Karl samtang si Papa mibira sa dakong pisi.

Mitudlo si Papa sa usa ka sakayan sa baybayon nga dunay dakong lungag sa ilawom. “Kana nga sakayan wala tarunga sa paghigot. Sa miaging bagyo, natangtang kini ug nabangga sa mga bato.”

Misiga ang mga mata ni Karl.

“Makahunahuna ka ba kon giunsa sa Langitnong Amahan sa pagtabang nato nga pabiling mahigot ngadto Kaniya aron kita luwas?” nangutana si Papa.

“Ang mga kasulatan?” Tag-an ni Karl.

“Sakto kana,” miingon si Papa. “Mihatag usab Siya kanato sa mga ordinansa sa priesthood sama sa bunyag ug sa sakrament. Si Mama ug ako naminyo sa templo aron ang atong pamilya mabugkos hangtud sa kahangturan.”

Gigunitan ni Karl ang pisi ug mitabang ni Papa sa katapusang pagbira. “Mahimo nato ang pinakahugot nga paghigot sa tanan!”