2014
Imaron̄ ke M̧ōņōņō in Kōm̧m̧an Indexing?
June 2014


Jodikdik ro

Imaron̄ ke M̧ōņōņō in Kōm̧m̧an Indexing?

Rijeje eo ej jokwe ilo Veracruz, Mexico.

Ij bōk koņaaō ilo kōttōpar eo an stake eo am n̄an kōm̧m̧an index n̄an 50,000 etan armej ro. Ilo jinoin eaar pen. Ilo baj jet iien bāāj ko iaar download jeje ko ie rekar pen riiti, im jet iaar kōņaan kōro̧o̧l e im bar download i bar juon. Ak iaar kile bwe eļan̄n̄e aolep ekar juon wōt aer ļōmņak, aolep bāāj ko renaaj pād wōt n̄an jem̧ļo̧kin. Iaar maron̄ pijaik ilo kōļmenļo̧kjeņ lōn̄ in ļain in armej ro rej kōttar ilo laļ eo an jetōb, im iaar pepe ippa n̄an kajjieon̄ riiti āt ko im jei ilo aō jab kōm̧m̧an bōd.

Iaar katak n̄an iakwe armej rein. Iaar meļeļe bwe em̧ool relukkuun aikuj jipan̄, im jej barāinwōt aikuj jipan̄ jān er. Iaar jino meļeļe ļo̧k bwe karōk eo ewāppen an Jemedwōj Ilan̄ ej kile aolep. N̄e jej ļoor im̧we eo im kōmeļeļe ko an ritōl ro An kar kālet er, jenaaj kam̧ool An jouj im iakwe eļap.

Jerbal in index eaar juon en̄jake em̧m̧an n̄an n̄a. Iaar katak n̄an kaorōk im iakwe elōn̄ men ko kōn menmenbwij an baam̧le. Iaar barāinwōt bōk menin letok ko raorōk jān Irooj jen pokake juon men eļam̧ waan āinwōt bōk koņaaō ilo kōm̧m̧an indexing.