Naan in Katak an Kōrā, Juun 2014
Mijen eo Ekwojarjar an Jisōs Kraist: Rikōm̧anm̧an
Jar im katak ennaan in im pukōt n̄an jeļā ta eo n̄an kwaļo̧k. Ewi wāween meļeļe mour im mijen eo an Rilo̧mo̧o̧r eo naaj kōļapļo̧k tōmak eo am̧ ilo E im kōjeram̧m̧an ro otemjej kwōj oņaaki jen loļo̧k ko an kōrā? N̄an meļeļe ko reļļapļo̧k, etal n̄an reliefsociety.lds.org.
Tōmak, Baam̧le, Deeor
Ilo ad kwaļo̧k n̄an ro jet, jej erom rikaļoor ro rem̧ool an Jisōs Kraist, eo eaar kōm̧m̧an waanjon̄ok n̄an kōj. Būreejtōn Thomas S. Monson eaar ba: “Jej jepooļ kōn ro rej aikuji jipan̄ ko ad. … Jej pā ko pein Iroj ilo laļin, kōn ijjitōn̄ eo n̄an jerbal im n̄an kotak ajri ro Nejin.”1
Linda K. Burton, būreejtōn eo eļap an Doulul eo an Kōrā, eaar katakin: “Jen kamminene, kōj kajjojo maron̄ erom āinwōt Rilo̧mo̧o̧r eo ilo ad jerbal n̄an ajri ro nejin Anij. N̄an jipan̄ kōj [kwaļo̧k n̄an] doon, ikōņaan in kwaļo̧k emān naan ko n̄an keememej: ‘M̧oktata etale, innām jerbal.’ … Ilo ad kōm̧m̧ane menin, jej kōjparok bujen ko ad, im jerbal in jipan̄ ko ad, āinwōt Būreejtōn Monson, naaj kam̧ool in rikaļoor eo ad.”2
Jemaron̄ in jar kajjojo jibbon̄ n̄an kile iien ko rem̧m̧an n̄an jerbal n̄an ro jet. “Jemedwōj Ilan̄ enaaj tōl eok, im enjeļ ro renaaj jipan̄ eok” David L. Beck eaar ba, būreejtōn eo Eļap an Doulul eo an Likao ro. “Naaj lewaj n̄an eok kajoor n̄an kōjeram̧m̧an mour ko im lo̧mo̧o̧ren jetōb ko.”3
Jān Jeje ko Rekwojarjar
Jān Bwebwenato eo Ad
Ilo Oktoba kweilo̧k eo eļap ilo 1856, Būreejtōn Brigham Young (1801–77) eaar kōjjeļļā bwe paineer hancart ko raar kijoone wōt meļaaj ko im bwe kajjojo armej rekar aikuj jipan̄ kobaik menin aikuj ko n̄an er iien eo em̧ōkajtata. Lucy Meserve Smith eaar je bwe kōrā ro “kar likko ko aer lowa [likko ko rekilep], jitokin ko, im aolep men ko remaron̄ kōjparoki, ijeņ ilo Tabernacle eo, im eo̧jeki ilo waikōn ko.”
Ilo an paineer rein raar mour jino itaak tok ilo Salt Lake City, Lucy eaar je, “Ij jamin bar bōk eļap ļo̧k … m̧ōņōņō ilo jabdewōt jerbal iaar kōm̧m̧ani ilo mour eo aō, āinwōt juon en̄jake in errā kōn anjo. Iaar aikuj etal n̄an juon m̧ōn wia im kwaļo̧k ta ko aō aikuj; eļan̄n̄e eaar nuknuk, kar letok n̄an n̄a ilo ejjeļo̧k wōnāān.”4
Būreejtōn George Albert Smith (1870–1951) eaar ba kōn kwaļo̧k n̄an ro jet: “M̧ōņōņō eo ad indeeo enaaj pād ilo juon jem̧jerā ikōtaan ruo men kōn jon̄ok n̄an wāween ad wujlepļo̧k kōj make n̄an jipan̄ ro jet.”5
Ļōmņak kōn Menin
-
Ewi wāween an jar tōl ļo̧k kōj bwe jen erom kein jerbal ko ilo pein Irooj?
-
Ewi wāween an kwaļo̧k n̄an ro jet maron̄ jipan̄ kōj n̄an kōjparok bujen ko ad?
© 2014 jen Intellectual Reserve, Inc. Aolep jim̧we rej pād ippān. Jeje ilo USA. Kōmālim ilo kajin English: 6/14. Kōmālim an ukook: 6/14. Ukook eo an Visiting Teaching Message, June 2014. Marshallese. 10866 874