Magmaisug

“Aron makahimo kita og sakto nga mga desisyon, gikinahanglan ang kaisug—ang kaisug sa pagsulti og dili kon gikinahanglan nato, ang kaisug sa pagsulti og oo kon angay, ang kaisug sa pagbuhat sa matarung nga butang tungod kay kini husto. …

Kaisug sa kaugalingon naglakip sa pagbuhat sa matarung nga butang bisan og kita nahadlok, pagpanalipod sa atong mga gituohan bisan sa risgo nga biay-biayon, ug mopadayon niadto nga mga gituohan bisan hulgaon nga mawad-an og mga higala o kahimtang sa katilingban. …

Samtang kita magpadayon, maningkamot sa pagpakabuhi kon unsay gikinahanglan natong buhaton, sigurado kitang makadawat og tabang gikan sa Ginoo ug makakaplag og kahupayan sa Iyang mga pulong.”

Presidente Thomas S. Monson, “Magmakusganon Ka ug Magmaisug,” Liahona, Mayo 2014, 66, 67, 69.