2014
Ewe Popun mi Pin an Jises Kraist: Nenien Appiru
July 2014


Poraus seni Fefin Chon Amwa, July 2014

Ewe Popun mi Pin an Jises Kraist: Nenien Appiru

Kopwe iotek usun ekkei mettoch me tingor pwe kopwe sinei met mi namwot om kopwe aiti aramas. Ifa usun om sinei usun manauan me popunan ewe Chon Amanau epwe anapano om nuku non I me efeiochu ekkewe ir ka wisan tumunu non om wisan fefin chon amwa? Ren pwan ekkis poraus, kopwe nengeni reliefsociety.lds.org.

Nuku, Famini, Aninis

Jises Kraist inai nouch Chon Peni ren ewe Sam. Ewe kapas chon peni mi wor nepoptuan seni Latin “emon mi tungor fan itan emon.”1 Ewe Samol a tingor mau fan itach, ren sineiochun, pungeoch, me umoumouch. Ach sinei en a tongeni aura kich ren tong me kinisou ren An Angangen Achasefan.

“Ausening ngeni [Jises Kraist] ion ewe a tingor nefinom me ewe Sam, ion a tingor pwetete fan itom mwen—

Apasa: Sam, nengeni riaffoun me manon ewe emon ion esap mo wor tipisin, non I ka men menemen ren; nengeni chaan noum we At a surutiw, ewe chaan ewe emon ka fangeno pwe en pwisin kopwe ningeno;

Ina minne, Semei, kose mochen amanua pwi kei ir mei achifoua non itei, pwe ir repwe feito rei o epwe wor rer manau esemuch (D&C 45:3–5)

Pwe Kraist nouch Chon Peni Kich, Elter D Todd Christofferson seni ewe Mwichen Engon me Ruemon Aposel a era: “A men eu mettoch mi auchea me rei, non ese nifinifin fansoun me non sokkopaten napanap non iotek ua tongeni feino ngeni nenien motun king mi umoumoch, pwe Semei won Nang epwe rongorong ai tingor, pwe nei Chon Peni ei, ewe ese wor tipisin, ion ewe chaan a surutiw, epwe tingor fan itei.”2

Seni ekkewe Pukfel

{Mosaia 15:8–9; Moronai 7:28; Doctrine and Covenants 29:5; 110:4

Seni Ach Uruo

Me non uruon an ewe Samon Mwichefen, fefin chon tapweno mwirin Jises Kraist ra tapweno mwirin An nenien appiru. Esther inai emon chon peni mi nukunuk me a men pochokun. Tettenin mongean we Mordecai a tini ngeni I echo kapi an ewe King annuk pwe ekkewe chon Jews meinisin repwe tatano, me a tingor ngeni I “epwe feino tingor ngeni ewe king an epwe umoumoch ngeni noun kewe aramas.” A apachata: “Me ion a sinei pwe ka feito iei ngeni ei muu ren ewe chok mettoch usun chok iei?” (Esther 4:8, 14.)

Ina mwo feiengauan an epwe tingor fan itan aramasan kewe, Esther a tipeu ngeni: “upwe feino ngeni ewe king, ina mo ika ua atai ewe annuk: ika upwe mano pokiten ai atai, upwe chok mano”(Esther 4:16).

Esther a fos non tekison ngeni ewe king me “A turuno ren pechen o a kechiw …pwe epwe aukano ewe rawengaw… fanasengisin ekkewe chon Jews” A apachata, “Epwe ifan usun upwe tongeni nikitiw tanon aramasei?” (nengeni Esther 8:3, 5–6). Netipan ewe king a pwetete, me a mutata mochenin.3

Esinesin

  1. Nengeni Russell M. Nelson, “Jesus Christ—Our Master and More” (Brigham Young University fireside, Feb. 2, 1992), 4; speeches.byu.edu.

  2. D. Todd Christofferson, “I Know in Whom I Have Trusted,” Ensign, May 1993, 83.

  3. Nengeni Daughters in My Kingdom: The History and Work of Relief Society (2011), 180.

Ekieki Ei

Ifan usun an angangen nefinanin Jises Kraist epwe anisi kich ne ngeni umoumouch me omusano ekkewe ekkoch?