Pag-ilaila sa Akong Lola
Ang tagsulat nagpuyo karon sa Virginia, USA.
Alang sa usa sa akong mga proyekto sa Young Women, miboluntaryo ko sa pagtabang sa akong lola nga makit-an ang iyang mga katigulangan pinaagi sa pagtan-aw sa microfilm sa family history center sa Mesa, Arizona, USA. Samtang nagtupad kami sa paglingkod ug nagsiksik sa among pamilya, nagsugod ako sa paghunahuna: “Nakaila ba gayud ako sa akong lola nga nia sa akong tupad?”
Among makita ang daghang sakop sa pamilya, miandam sa ilang impormasyon, ug miadto sa Mesa Arizona Temple sa pagpahigayon sa ilang bunyag ug kumpirmasyon. Wala madugay, ang akong lola mihatag nako og binugkos nga koleksyon sa iyang family history.
Tungod kay siya nag-antus sa rheumatoid arthritis, sakit kaayo alang sa akong lola ang pag-type. Akong gikalipay ang pagtabang niya sa computer. Kaming duha, mosulat sa mga istorya sa iyang kinabuhi alang sa espirituhanong kaayohan sa among pamilya. Ganahan ko sa usa ka bahin sa iyang kinabuhi ug nagkat-on og maayo sa kasaysayan sa Simbahan samtang kami naghan-ay niini nga mga proyekto.