Visiting Tijing Mesej, Ogis 2014
Tabu Misin blong Jisas Kraes: Mesaea
Stadi long toktok ia wetem prea mo luklukgud blong save wanem blong serem.?Olsem wanem nao taem yu andastanem laef mo misin blong Sevya i leftemap fet blong yu long Hem mo blesem olgeta we yu stap lukaotem olgeta tru long visiting tijing?Blong kasem moa infomesen, go long reliefsociety.lds.org..
Fet• Famle • Help
Skripja i tijim se yumi save stap long fes blong God “(2 Nifae 2:8). Mesaea hem i wan toktok blong lanwis blong Arab mo Hibru we i minim ‘hemia we oli jusum’…Long NiuTesteman oli singaotem Jisas se Kraes, we long lanwis Grik I semmak olsem Mesaea. I minin se hemia we oli jusum olsem Profet, Pris, King mo Man blong mekem ol man i fri.”1
Elda Jefri R. Holan blong Kworom blong olgeta twelef Aposol i testifae: “Mi save [Jisas Kraes] hem i Tabu Wan blong Israel, Mesaea we bae i kambak bakegen wan dei blong las taem, blong rul long wol ia olsem Lod blong olgeta lod mo King blong olgeta king. Mi save se i nomo gat wan nara nem we oli givim andanit long heven we bae i save sevem ol man [o woman]”2
“[Jisas Kraes] i Sevya mo Ridima blong wol” Presiden Dita F. Ukdof, Seken Kaonsela long Fas Presidensi i talem,. “Oli bin promes se Hem nao i Mesaea. Laef blong Hem i stret fulwan mo Hem i bin pemaot ol sin blong yumi. Bambae Hem i stap long saed blong yumi oltaem. Bae Hem i go faet blong yumi. Hem i hop blong yumi; hem i sevem yumi, Hem i rod.”3
Sam moa Skripja
I Kamaot long Ol Skripja
Ol woman disaepol blong Kraes oli bin witnesem wok blong Hem olsem Mesaea. Meri Magdala hem i bin wan disaepol blong Jisas Kraes. Hem i faswan blong luk “ston ia we i blokem maot blong hol ya, hem i kamaot finis” long eli moning long dei we Kraes i girap long ded. Hem i “stanap afsaed long hol ya i stap krae” taem hem i luksave se bodi blong Kraes i nomo stap long ples ia.
Hem i tanem hem mo “i luk Jisas i stap stanap long ples ya. Be hem i no save se Jisas.
“Nao Jisas i askem long hem se, ‘Woman. Yu yu stap krae from wanem? Yu stap lukaot hu? Be woman ia i stap ting se man ya i man blong luakot long plantesen blong tri ya olif, nao hem i talem long hem se, ‘Sipos yu karemaot bodi blong hem, mo yu putum hem samples, plis yu talem long mi, blong mi save go karem hem.’
“Nao Jisas i talem se, ‘Meri.’ Meri i tanemraon i luk hem, nao i talem se, ‘Raboni!’ Hemia i lanwis blong ol laen blong Isrel, we i minim se ‘Tija’” (Jon 20:16). Luk long Jon 12:1–3.
© 2014 i kam long Intellectual Reserve, Inc. Oli holem evri raet.Oli printim long YSA. Oli letem long Inglis: 6/14. Oli letem translesen: 6/14. Translesen blong Visiting Teaching Message, August 2014. Bislama. 10868 852
Tingbaot Hemia
?From wanem hem i impoten blong save wok blong Sevya olsem Mesaea?