Ua tavini faahou vau

I te hoê mahana, i muri a‘e i te otiraa te hoê ohipa tauturu, te haere avae ra vau na piha‘i iho i ta matou fare pureraa e ua ite atu vau e piti na tuahine te tamâ ra i te fare pureraa. Parau noa’tu ra vau e : « Tuahine mâ, e hinaaro anei orua i te tauturu ? » Ua ataata maira te hoê o raua ia’u e ua parau maira e, ua tae mai au i te taime tano no te mea o raua ana‘e teie e tamâ ra e ua rohirohi roa raua. Ua parau maira oia e, ua pure oia ia tono mai te Fatu i te hoê taata no te tauturu. Ua oaoa roa vau i te riroraa ei pahonoraa no ta’na pure. No faaoti noa mai nei au i te tautururaa i te tahi taata, e ua rohirohi atoa, tera râ ua pee au i to’u aau e ua pûpû ia tavini hau atu.

E faaueraa ia ohipa ma te oaoa (hi‘o PH&PF 24:7). Ia roaa ana‘e ia tatou te hinaaro ia tavini i te mau taime atoa, e nehenehe tatou e tauturu ia tupu te mau semeio i roto i te oraraa o te tahi atu mau taata. E riro to tatou oraraa ei mea faufaa atu â ia tavini ana‘e tatou. Ua here mau te Fatu ia tatou, e tauturu Oia i Ta’na mau tamarii tata‘itahi, e e horo‘a Oia ia tatou i te puai no te tavini.