2014
Tabu Misin blong Jisas Kraes: Givhan
Septemba 2014

Visiting Tijing Mesej, Septemba 2014

Tabu Misin blong Jisas Kraes: Givhan

Stadi long toktok ia wetem prea mo luklukgud blong save wanem blong serem. ?Olsem wanem nao taem yu andastanem laef mo rol blong Sevya i leftemap fet blong yu long Hem mo blesem olgeta we yu stap lukaotem olgeta tru long visiting tijing? Blong kasem moa infomesen, go long reliefsociety.lds.org..

Fet• Famle • Help

Jisas Kraes i promes se: “Taem mi mi aot long yufala, mi no save lego yufala i stap nomo olsem. Bambae mi mi save kambak bakegen long yufala.” (Jon 14:18). Bae Hem i givim ol gudfala samting long ples blong ol samting nogud, mo bae i givim glad long ples blong krae (luk long Aesea 61:3). From se Kraes i go tru long Atonmen from wanwan long yumi, bae Hem i no fogetem yumi. “Sevya blong yumi i tekem long Hemwan … ol soabodi blong yumi mo ol harem nogud blong yumi, mo ol hadtaem blong yumi blong mekem se Hem i save olsem wanem yumi filim, mo olsem wanem blong givhan long yumi,” Linda S. Rivs, seken kaonsela long Rilif Sosaeti jeneral presidensi i talem.1

Blong save se Kraes bae i givhan long yumi, i save givim pis long yumi, mo i save givim insperesen long yumi blong folem eksampol blong Hem taem yumi stap givhan long ol narawan. Presiden Tomas S. Monson i talem: “Save blong yumi, long saed blong gospel, mo lav we yumi gat long Papa blong yumi long Heven, mo long Sevya bae i givim kamfot mo bae i sapotem yumi, mo bae i tekem glad i kam long hat blong yumi taem yumi stap wokbaot stret mo stap obei long ol komanmen blong yumi. Bae i no gat wan samting long wol ia we bae i save winim yumi.”2

I Kamaot long Ol Skripja

Jon 14:18, 23; Alma 7:11–13; Doctrine and Covenants 101:14–16

I Kamaot long Histri blong Yumi

Ilen L. Jak, namba 12 Rilif Sosaeti jeneral presiden i bin talem: “Long visiting tijing, yumi go aot long wanwan long yumi. Ol han oli toktok long taem we maot i no save toktok. Taem yumi putum han raon long narawan i talemaot bigfala samting. Taem yumi laf tugeta, i mekem yumi kam wan. Wan smol taem blong serem samting i mekem sol blong yumi i laef bakegen. Yumi no save karemaot oltaem hevi samting we i stap long wan we i stap long trabol, be, yumi save leftemap hem blong mekem se hem i save tekem hevi samting ia long gud wei.”3

Ol Rilif Sosaeti sista we oli ol paeonia oli faenem paoa long saed blong spirit long lav mo sore we i stap long wanwan long yumi. … Taem oli bin gotru long ol tes blong sik mo ded, oli bin prea wetem fet from wanwan long olgeta, mo oli bin givhan long wanwan long olgeta. Helen Mar Witni i talem: ‘Lav blong God i pas long wan hat i go long nara hat, kasem taem we hem we i nogud i nomo gat paoa long wok ia blong hem blong kam stap bitwin yumi mo Lod, mo kasem taem we ol nogud spia blong hem oli nomo gat posen long olgeta.’”4

© 2014 i kam long Intellectual Reserve, Inc. Oli holem evri raet. Oli printim long YSA. Oli letem long Inglis: 6/14. Oli letem translesen: 6/14. Translesen blong Visiting Teaching Message, September 2014. First Presidency and Visiting Teaching Messages, Septemba 2014. Bislama. 10869 852

Ol Not

  1. Linda S. Rivs, “Lod I No Fogetem Yufala,” Ensign o Konfrens Ripot, Okt. 2012.

  2. Thomas S. Monson, “Be of Good Cheer,” Ensign o Liahona, May 2009, 92.

  3. Elaine L. Jack, insaed long Daughters in My Kingdom: The History and Work of Relief Society (2011), 119.

  4. Luk long Daughters in My Kingdom, 34.

Tingbaot Hemia

?Olsem wanem nao we taem yu andastanem se Lod i tingbaot yu, i givim glad long hat blong yu?