Poraus seni Fefin Chon Amwa, September 2014
Ewe Popun mi Pin an Jises Kraist: Chon Aururu
Anneaochu me ikiotek usun ekkei mettoch me kutta met kopwe aporausa. Ifa usun om weweiti usun manauan me angangen ewe Chon Amanau epwe tongeni anapano om nuku non I me efeiochu ekkewe aramas ka kan tumunu non om angangen an fefin chon amwa? Ren pwan och poraus, kopwe nengeni reliefsociety.lds.org.
Nuku, Famini, Aninnis
Jises Kraist a pwon, “Usap nikitikemino, nge upwe pwan niwinsefaniti kemi.” (John 14:18). Epwe wano “pwapwa me meseik nge esap noninen” (Isaiah 61:3). Pokiten Kraist a riaffou ren an ewe Achasefan fan itach, Esap menukicheno. Linda S. Reeves, ewe Oruan Chon Aninis non ewe presetensi an ewe Mwichen Fin Anisi Unusan, a apasa, “Ach Chon Amanau mi pwisin angei won … ach kewe riaffou me ach netipechou me osukosuk pwe epwe tongeni sinei met sia mefi me ifa usun epwe echipa kich.”1
Ach sinei pwe Kraist epwe echipa kich mi tongeni wato rech kinamwe me pwari ngenikich ach sipwe tapweno Ach nenien appiru nono ach anisi ekkoch. Preseten Thomas S. Monson a apasa: “Ach sinei usun ewe kapas allim me ach tong ngeni Semach won Nang me ach Chon Amanau epwe wato rech kinamwe me apochokuna kich me wato rech pwapwa non netipach ika sipwe wenechar non ach anneasochisi ekkewe annuk. Ese wor eu mettoch won ei fonufan epwe tufichin akuffu kich.”2
Seni ekkewe Pukfel
John 14:18, 23; Alma 7:11–13; Doctrine and Covenants 101:14–16
Seni Ach Uruo
Elaine L. Jack, ewe engon me oruan presetenin Fin Anisi Unusan, a apasa: “Non ach angangen churi ren osukun sia aninisfengen emon me emon neich. Ach kewe foffor mi tongeni pwari met ach kapas rese tufichin pwari. Ach kirekiroch mi pwari chommong usuch. Ach takirikir fengen mi apochokunafengeni kich. Eu fansoun aninisfengen mi apochokuna ngunuch kewe. Sisap tongeni mwarei osukosuken emon mi netipechou fansoun meinisin, nge sia tongeni apochukuna i pwe epwe tufichin mwareiochu pwisin an osukosuk.”3
Pwich kewe Fin Anisi me nom ra “kuna pochokun non pekin ngun non ar tongfengen me kirekiroch ngeni emon me emon neir. … Non ar riaffou pokiten ekkewe weiresin semwen me mano, ir ra iotek non nuku fan itan emon me emon neir me ra awora kinamwe nefinen emon me emon neir. Helen Mar Whitney a makk, ‘ewe tongen Kot mi chou fetan ngeni emon me emon neich, tori ewe emon mi unusen ngau ese wor pochokun non an angang ne uta nefinen kich me ewe Samon, me an kewe sossot mi efeiengau, fan ekkoch, ir rese awora riaffou.’”4
© 2014 seni Intellectual Reserve, Inc. Meinisin pung mi kawor. A för non Amerika. Kapungunon non fosun Merika: 6/14. Kapungunon chiakun: 6/14. Chiakun Visiting Teaching Message, September 2014. Chuukese. 10869 901
Ekkieki Usun Ei
Ifa usun ach weweiti pwe ewe Samon a chechemeni kich mi tongeni wato rech kinamwe?