Ol Fren raon long Wol
Mi mi Babra blong Jile
Man we i raet i stap long Yuta, YSA.
!Hola, amigo!*
Babra i stap long Jile, wan kantri long wes kos blong Saot Amerika. Hem i longfala mo i tintin mo sep blong hem i olsem wan riben. Sam eria i hot mo drae (olsem Atakama Deset), mo sam ples oli tropikol mo wetwet (olsem Ista Aelan). Hem i stap long kapitol blong Jile, Santiago.
Mi mi wan memba nomo blong Jos long skul mo klas blong mi. Hemia i givim janis blong mi blong talem long ol fren blong mi abaot Jisas Kaes mo Buk blong Momon. Wan taem bes fren blong mi i askem mi blong tijim hem olsem wanem blong prea. Mo mi mekem. Afta mitufala i prea i mekem wan prea long lanj long skul.
Mi mi gat naen yia mo gat tu yangfala brata. Mi traem blong stap wan gudfala bigfala sista mo helpem lukaotem olgeta mo pleplei ol gem wetem tufala. Mi laekem lukaotem ol pikinini. Mi wantem kam wan tija taem bae mi bigwan.
Long 2013, mi bin gat eit yia papa blong mi i bin baptaesem mo konfemem mi. !Mi bin glad tumas! Hem i bin wan spesel eksperiens we bae mi tingbaot oltaem.
Mifala i selebretem ol holidei we mi laekem long Jile. 18 Septemba hem i Indipenden Dei, mo long 19 hem i Dei blong ol Ami. Long tufala dei ia, mifala i danis long ol nasonal danis blong mifala we oli singaotem “La Kueka” mo kakae ol naesfala mit we oli rusum we oli singaotem empanadas.
Long ol wiken, famle blong mi i lavem blong go long fo wil trak mo klaem i go long hil kolosap hom blong mifala. Mifala i laekem tu blong go long solwota.
Mifala i gat wan spesel Krismes kakae—tomato wetem tuna. Long Jile, Papa Noel i kam long midnaet stret long Krismes Iv. !Iven bae mifala i wekap nomo i stap kasem we hem i kam!
Raet: pikja blong basket we i kam long Tomas S. Jael