Tabu Misin blong Jisas Kraes: Bred blong Laef

Stadi long toktok ia wetem prea mo luklukgud blong save wanem blong serem. ?Olsem wanem nao taem yu andastanem laef mo misin blong Sevya i leftemap fet blong yu long Hem mo blesem olgeta we yu stap lukaotem olgeta tru long visiting tijing? Blong kasem moa infomesen, go long reliefsociety.lds.org.

Fet, Famle, Help

Pikja

Jesus Christ seated at a table with His apostles. The apostles are watching Christ as He breaks bread and offers it to them in remembrance of His body and blood. The painting depicts the institution of the Sacrament at the Last Supper.

Moa ditel long In Remembrance of Me, we i kam long Wolta Ren

Jisas i talem, “Mi nao, kakae ya we i laef, we i aot long heven i kamdaon long wol. Man we i kakae kakae ya, hem bambae i laef gogo i no save finis” (Jon 6:51). “Jisas i tijim yumi, ol disaepol blong Hem, blong yumi mas luk long God evri dei from bred ia—olsem help mo kakae—we yumi nidim long spesel dei ia,” Elda D. Tod Kristofeson blong Kworom blong Olgeta Twelef Aposol i talem. “Invitesen blong Lod … i tokbaot wan God we i gat lav, i save long ol evri dei smol nid blong ol pikinini blong Hem mo glad blong givhan long olgeta, wanwan. Hem i talem se yumi save askem long fet blong long Papa ia, “we i save givim long hem, from we fasin blong God, hem i no save tok nogud long man we i askem samting long hem, hem i stap givim ol samting long ol man long gladhat blong hem’ (James 1:5).”¹ Olsem we yumi save se Jisas Kraes bae i provaedem ol nid blong yumi, bae yumi go long Hem from ol kakae long saed blong spirit.

Elda Jefri R. Holan blong Kworom blong Olgeta Twelef Aposol i invaetem mifala “blong joen long wan stadi blong ol eli disaepol blong Kraes we olgeta tu oli bin nidim bred blong laef ia—olgeta we oli no gobak be oli bin kam long Hem, stap wetem Hem, mo oli bin luksave se blong stap sef, i nomo gat wan nara wei o nara man blong oli save go long hem bakegen.”²

Moa Skripja

Jon 6:32–35; Alma 5:34; 3 Nifae 20:3–8

I Kamaot long Ol Skripja

Jisas Kraes i bin stap tijim ol pipol we oli moa long 4,000 pipol. Afta long tri dei, Hem i talem long ol disaepol blong Hem: “Mi mi sore tumas long ol man ya. Oli … no moa gat kakae:

“Mo sipos mi sanem olgeta oli gohom we oli no kakae, bambae oli hafded long rod. …

Nao ol man blong hem oli talem long hem se, “?Bambae yumi tekem kakae blong olgeta olsem wanem? Ples ya i wan trabol ples ya.”

“Nao Jisas i askem bakegen long olgeta se, “?Yufala i gat hamas bred?” Oli talem se, “Seven.”

Nao Jisas “i tekem ol seven bred ya, i talem tangkiu long God from, noa i brebrekem, i givim long ol man blong hem blong oli givimaot long olgeta man; …

“Mo oli gat sam smol fis tu. Nao Jisas i mekem prea bakegen long ol fis ya, nao i talem long ol man blong hem blong oli seraot ol fis ya tu long olgeta man ya.

“Nao olgeta oli kakae we oli fulap gud. Mo biaen, ol man blong hem oli fulumap ol hafkakae ya we i stap, i go long seven basket.” (Luk long Mak 8:1–9.)