Rere bifo Yu Prea

Presiden Aering i rimaenem yumi se prea “i wan tu wei komunikesen bitwin God mo ol pikinini blong Hem.” Tekem taem blong rere from ol prea blong yumi, i save mekem tu wei komunikesen ia i hapen. Yu save yusum jenol blong yu blong spendem sam minit blong stap rere blong prea evri dei. Yu save mekem ol lis blong ol blesing we yu wantem talem tangkyu long Papa long Heven from, ol pipol we oli nidim prea blong yu, mo ol kwestin we ating yu nidim blong kasem ansa long hem. Afta, invaetem Spirit taem yu singsing wan hym o ridim sam ves long skripja. Taem yu prea, lisin gud long olsem wanem Tabu Spirit i lidim yu long wanem yu mas talem, mo lisin gud long ol filing mo tingting blong yu (luk long D&C 8:2–3). Gat tingting ia blong rekodem ol eksperiens blong yu long jenol blong yu mo stap rivium ol ansa we yu kasem. Yu save yusum ol aktiviti long ol pej ia 95–97 blong Prijim Gospel blong Mi: Wan Gaed long Misinari Seves blong helpem yu jekem ol prea blong yu mo lanem blong luksave Tabu Spirit.