Stanap from Wanem Yumi Biliv

Pikja

Amber liquid in three of 4 wine glasses. All four glasses have red roses in them.

Long Franis, militeri seves i wan mas. Yangfala brata blong mi Loik we i gat 20 yia, i bin disaed blong go long skul blong ol lida blong kam wan litenen. Long en blong skul blong hem, i bin gat wan seremoni blong swering blong ol niu ofisa. Wanwan i bin gat janis blong talem moto blong olgeta. Afta hem i blong drink wan glas blong sampein we insaed i gat wan ros—tugeta insaed. Tradisen ia i bin stat wetem Napoleon Bonapat, mo i no bin gat eni ofisa long taem ia i kam we i bin mestem taem i tekpat.

Loik i bin talem long kolonel se ol prinsipol blong relijin blong hem i no bin letem hem blong drink alkohol. Ples i bin kwaet wantaem afta we Loik i no bin wantem drink. Kolonel i stanap. Hem i no bin fosem Loik blong drink sampein, be hem i kongratuletem hem nomo blong stap kipim ol prinsipol blong hem nomata ol hadtaem, mo stap talem se hem i bin praod blong welkamem wan ones man ia long grup blong hem. Oli bin jenisim sampein, mo Loik i joen mo tekpat long swering seremoni.

Pikja

Asian woman sitting at a desk looking very sad and emotional. She looks like she is ready to cry.

Afta kolej, sista blong mi Gres mo mi, mifala i bin wok blong wan kampani wetem sam nara Lata-dei Sein. Ol Bos blong mifala oli no bin memba blong Jos. Taem sista blong mi i rere blong mared, bos blong mifala i bin plan long wan pati blong woman we bae i mared blong hem. Mi hop bae hem i respektem ol standet blong yumi, be no hem i bin odarem alkol, wan boe blong danis, mo wan vidio we i no stret.

Bifo pati ia, mi bin filim smol voes blong Tabu Spirit insaed long mi we i stap leftemap tingting blong mi blong rimaenem bos blong mi from ol standet blong yumi. Mi holem jen blong mi blong Yang Woman mo tingbaot evri hadwok mo ol sakrifaes we mi bin mekem taem mi bin stap long Yang Woman blong finisim Progres blong Miwan. Mi bin prea se bae hem i givhan long mi blong stanap i go moa antap long taem ia. Be, bigfala samting we mi wantem tumas hem i blong mekem Papa long Heven i glad.

Taem pati i stat, bos blong mi i no bin toktok long mi o iven smael long mi. Be, hem i bin kanselem man ia blong danis, mo vidio ia.

Long ol dei afta long pati, bos blong mi i no bin toktok mo laf wetem mi olsem we hem i bin mekem bifo long pati. Be, mi bin filim kamfot from mi bin save se God i bin glad wetem wanem we mifala i bin mekem. Afta wan wik, rilesensip blong mi mo bos i bin gobak nomol. Mi save God i mekem hat blong hem i sopsop mo mekem hem i luksave se mi laef folem wanem mi bilivim.

Pikja

High school sewing class full of young women.

Taem mi bin kasem 18 yia, mi bin tekem wan klas blong somap. Wan dei tri gel we oli no stap longwe tumas long mi, oli stat blong yusum ol strong toktok. Mi no bin save sapos mi mas lego olgeta blong mekem se oli no statem faet o sapos mi mas stanap from ol standet blong mi mo askem olgeta blong stop. Long en, mi talem gud sapos oli save mekem, “?Sori, be plis yu save lukaot long ol toktok blong yu?”

Bigwan long olgeta gel ia i lukluk mi mo talem, “Bae mifala i toktok olsem we mifala i wantem.”

Mi talem, “?Be yu ting se yu rili nidim blong swea? I mekem mi harem nogud.”

Hem i talem, “Olsem yu no lisin nomo.”

Mi bin stap rere blong kros mo talem, “I had blong no stap lisin taem yu stap toktok strong tumas.”

Hem i talem, “Yu fesem.”

Mi bin givhap. Mi bin kros long ol gel ia, be mi kros moa nao long miwan. Mi no save bilivim se mi bin mekem se fasin blong mi blong toktok i bin strong. Ol gel ia oli stap swea yet, mo naoia mifala evriwan i kros.

Afta we tingting blong mi go daon, mi bin luk se ol gel ia oli bin gat hadtaem wetem ol masin blong somap. Mi bin save wanem i rong, from mi bin gat sem problem ia bifo. So mi soem olgeta olsem wanem blong fiksim. Mi bin luk fes blong bigfala gel ia i bin jenis wantaem. “Hei,” hem i talem, “mifala i sore.” Mi no save bilivim—hem i stap talem sori. “Mi sori tu,” mi talem long hem. “Mi no sud kros krangke olsem.”

Mi bin gobak long masin blong somap blong mi mo no bin harem wan rabis toktok bakegen. Eksperiens ia i bin tijim yumi se ol toktok blong yumi i no save jenisim fasin blong ol nara man, be i save jenisim kaen fasin mo seves.

Mi bin joenem Jos taem mi bin gat 19 yia, nambatu long tri pikinini mo mi wan nomo mi wan Lata-dei Sent insaed famle blong mi. Smol taem afta we mi bin baptaes, mi stat blong filim se mi wantem mekem misinari wok. Afta long wan yia, Spirit i bin talem long mi se mi mas go. Mi bin toktok wetem mama blong mi, we hem i bin filim se i no stret blong mi go. Mi pusum blong wan nara yia, be tingting ia blong wantem mekem misinari wok i stap oltaem long mi. Long wan yia ia, mi bin stadi olgeta skripja, sevem mani blong mi, mekem rere ol pepa blong mi, mekem evri medikol eksam, mo—afta we evri nara samting i finis—mi wet long Lod. Afta sam taem, mi kasem leta blong mi blong go mekem misinari wok long Bresil Kampinas Misin.

Papa mo mama blong mi oli agensem yet tingting ia. Mi bin livim kakae mo prea moa stret, mo talem long Papa long Heven abaot evri samting we i mekem mi fraet. Mi askem Hem blong tajem hat blong papa blong mi long wol ia. Hem i bin mekem. Mi sapraes, we papa blong mi i bin atendem wan las pati we ol fren blong mi oli bin mekem rere blong mi long Satedei, dei bifo mi flae. Mo long Mandei ia, papa blong mi i bin tekem mi go long eapot.

Long taem blong misin blong mi, mi bin filim lav blong God taem mi prijim gospel. Mama blong mi i no bin stop blong stap wan mama, mo taem mi kambak hom, hem i bin faswan blong haggem mi.

Mi bin lanem se misinari wok i moa bitim wan wok nomo; hem i wan bifala janis mo gudfala taem blong gro mo blong lan.

Pikja

High school classroom. Oriental students

Olsem wan we i niu long top yunivesiti long kantri blong mifala, mi filim strong blong mekem bes blong mi. Hadtaem i kam, mo mi stat blong kwestinim bilif blong mi long gospel taem plante long ol tija oli eksplenem moa wanem we oli tijim se hem i “tru.” Plante long ol fren blong mi long klas oli bin harem nogud. Ol tijing ia i bin mekem i had tumas blong stanap strong folem ol Kristin valiu. Mi bin tingting blong kamaot be afta mi ting se i moa gud blong stap. Mi ting se sapos i bin gat sam nomo we oli bin kwalifae blong kam long yunivesiti ia, mo long medel blong sam ia, i gat sam Lata-dei Sent nomo, olsem mi mas stap mo stanap from trutok.

Baeoloji tija blong mi, we i biliv long hemwan nomo, i bin tijim saens mo nogat bilif se i gat wan God we i krietem ol samting. Be moa mi harem, moa i givim strong tingting long mi se i gat wan Hae Man—God, Papa blong yumi—we i krietem evri samting ia. Ol narawan oli rao se tingting ia i no stret nating. Storian raon blong mifala i stat blong go moa. Mi bin glad blong leftemap han blong mi mo eksplenem se mi biliv long God olsem wan Krieta.

Taem i kam blong givim ol komen. Long skul blong mi, i bin nomol blong ol pipol blong klapem han, singaot strong, o singaot buuu long olgeta we oli givim tingting blong olgeta. Mi bin stanap stret mo talem klia long wanem oli no agri long hem: “Blong Biliv long God ating i no minim wan samting long yu naoia, be wan dei bae i minim wan samting long yu mo bae i klia gud olsem we i klia long mi naoia.”

Stat long taem ia, mi nomo kasem ol singaot blong buuu taem mi stanap from ol bilif blong mi. Long taem ia kasem naoia, mi progres long saed blong skul, long laef, mo long saed blong spirit. Mi stat blong kam aktiv long ol aktiviti blong ol studen, mo oli bin elektem mi long sam long ol ofis blong skul.

Mi bin lanem se blong stanap from trutok, iven sapos hem i wantaem nomo, i afektem ol desisen blong yumi blong fiuja.