—Famle Histri— Mi stap mekem

Kipim wan jenol i no isi. Oltaem, yumi talem long yumiwan se yumi bisi tumas o taed tumas o we i nogat gud samting long laef blong raetem. Mi luksave sam yia i pas se kipim jenol i no wan samting we oli mekem blong i had mo we mi save gro blong lavem.

Mi stat blong raetem wan samting long wan dei. I nomata sapos i long tumas o i gud. Mi jes raetem wanem we i bin stap long maen blong mi o wanem we i bin hapen long dei ia. I blesem laef blong mi finis.

Wan dei, wan long ol famle blong mi i bin traehad mo mi no bin sua wanem blong talem long hem, be afta mi bin filim blong ridim wan stori insaed jenol blong mi. Mi bin save serem wan smol pis blong mi we mi bin rekodem long smol blak jenol ia, mo mi bin luk olsem wanem i bin help blong kamfotem hem.

Mi promes se sapos yu stat blong raetemdaon wan samting long wan dei, bae i blesem laef blong yu. Nomata i smol o bigwan olsem wanem, raetem daon ol blesing long laef blong yu i save helpem yu blong tingbaot olgeta.

Pikja

A young woman and elderly woman looking at family history papers.

Taem mi bin baptaes, mi bin harem plante abaot famle histri, be mi no bin save olsem wanem blong mekem o sapos mi save mekem. Mi bin disaed blong prea abaot, mo mi bin filim se mi mas stat blong wok long hem naoia. Mi filim se ol bubu blong mi we oli ded finis oli wari long mi blong stat mo we bae oli helpem mi faenem infomesen we i nidim blong mekem ol odinens.

Mi bin stat blong tekem wan fmale histri kos, mo wan sot taem afta, oli bin singaotem mi blong stap wan famle histri konsalten. Mi bin wari tumas from mi no bin save tumas abaot wok ia, be mi bin akseptem koling ia.

Wan dei, mi bin visitim sista blong apuwoman blong mi, we hem i gat ol pepa blong bigfala apuwoman. Hem i no wantem serem plante long ol infomesen from oli gat wan tradison blong no tokbaot ol famle we oli ded finis. Hem i talem se long nekis dei hem i aniveseri blong bigfala apuwoman blong mi taem hem i ded, mo hem i wantem bonem ol pepa ia. Mi aksem sapos mi save karem sam infomesen long ol pepa fastaem, mo hem i letem mi. Mi bin save se Papa long Heven bae i wantem helpem mi gohed blong lukaot moa.

Taem mi wok insaed long famle histri senta kolosap tempol, mi gohed blong faenem moa abaot famle blong mi. Mi bin lanem se apuman mo apuwoman blong tu long ol bigfala apuwoman blong mi oli blong Itali we oli muvaot mo gat fam kolosap Sao Paulo, Brasil. Famle blong mi i bin lusum kontak wetem ol famle long fam, be mi bin faenem wan kasen we i bin raetem wan buk abaot jenealoji blong famle blong mifala. Hem i bin givim mi wan buk, we i bin tekem hem naen yia blong raet. Hem i talem se hem i no bin save from wanem hem i mas raet, be hem i bin filim se bae i helpem wan man long fiuja. Mi save se hem i bin spirit blong Ilaeja we i givim hem insperesen.

Ol eksperiens blong mi i bin tijim mi se yumi stap mekem ol tabu wok. Ol bubu blong yumi we oli ded finis oli stap wet long help blong yumi mo oli stap long saed blong yumi blong helpem yumi.

Pikja

Youth at the Preston England Temple.

Mi mi wan konvet mo miwan nomo mi memba blong Jos long famle blong mi. Mi bin lanem se wan long ol tabu odinens hem i baptaes blong olgeta ded. Mi bin go long tempol long wan tua, mo taem mi lisin long olgeta we oli hostem tua i tokbaot ol odinens, mi bin filim wan tintin, smol voes we i talem mi blong go long famle histri senta blong sabmitim wan tempol odinens rikwes blong mama blong mi, we i bin ded finis. Mi bin glad tumas taem FamilySearch akaon i konfemem afta se tempol wok blong hem, oli mekem finis. Hem i mekem testemoni blong mi i kam strong moa, mo mi save se wan long ol risen from wanem yumi stap long ples ia long wol i blong helpem ol apu blong yumi we oli ded finis blong kasem tru gospel blong Jisas Kraes.

Pikja

Family members together at a table looking at a photo album.

Afta we mi graduet long hae skul, mi gat filing ia blong visitim evri fofala apuman mo apuwoman blong mi. Mi bin gat sam fri taem, mo mi luksave se ating bae mi nomo save gat janis ia bakegen, mekem se mi spendem wan wik wetem wanwan long tufala kapol.

Mi spendem taem blong mi blong go tru long ol olfala bokis, ridim ol olfala leta, mo stap lukluk ol olfala pikja. Mi bin rekodem laef stori blong ol apuwoman mo apuman blong mi, mo bin wokbaot raon long gref, mo bin visitim wea apuman mo apuwoman mo ol famle blong tufala oli bin stap mo wok long hem. I fan tumas! Mi lanem plante abaot ol bubu blong mi we oli ded finis, ol apu, papa mama blong mi mo miwan. Mi bin luksave se bae mi no save gat laef ia we mi gat tedei sapos i no bin ol bubu blong mi we oli ded finis.

Afta long trip blong mi, mi bin kambak wetem kolosap 1,000 nem blong ol bubu we oli ded finis mo mi bin save mekem tempol wok blong plante long olgeta. Folem filing ia we i kam long Tabu Spirit mo visitim apuman mo apuwoman i bin wan long ol bes desisen we mi bin mekem.

Pikja

Indexing, UK Army war records screen, Wales, UK

Taem mi bin askem papa blong mi abaot sam tingting long famle histri blong mi save komplitim Progres blong Miwan, hem i eksplenem se hem i faenem sam famle nem sam yia i pas be hem i no bin rere long ol nem blong olgeta blong tekem i go long tempol hemwan from hem i nogat taem. Help blong mi bae i save mekem hemia i posibol blong ol famle memba ia blong kasem ol tempol blesing.

Blong ol nekis manis, mi bin spendem ol Sandei aftenun mo naet blong putum ol nem i go long kompiuta mo stap lanem ol famle stori long papa blong mi. Mifala i odarem tu maekro-filim blong fanem moa infomesen. Samtaem taem i had blong ridim ol olfala filim ia, bae mi mekem wan prea kwaet nomo mo afta tekem pepa blong makem ol pikja ia. Aot long tudak, ol nem i stap kamaot.

Long en bae mi putum tugeta wan bigfala koleksen blong ol famle nem, mo ol yut long wod blong mifala bae oli help blong mekem ol baptaes. Papa mo mama blong mi mo ol memba blong wod bae oli tekem ol nem long kad afta, blong komplitim ol nara tempol odinens.

I luk olsem i wan sot taem nomo we i jes pas bifo mi stap rere long miwan blong go long tempol blong endaomen blong miwan. Mi bin glad tumas be wari tu.

Taem mifala i kasem tempol, papa blong mi i bin eksplenem se hem i bin faenem sam long ol famle nem kad we mi rere long hem blong Progres Buk blong Miwan. Sam i bin stap olbaot, mekem se hem i bin karem ol nem kad ia blong mama blong mi, boefren blong mi, mo hem blong finisim. Hem i serem ol nem blong olgeta, mo mi bin tingbaot olgeta blong projek blong mi.

Taem mi bin mekem ol tabu kavenan long tempol, mi bin filim se olgeta we mi lavem long tugeta saed blong vel oli raonem mi. Mi filim wan bigfala pis, we i save mekem famle blong mi i yunaet blong wan taem we i no save finis.