Aprili 2015

Yaliyomo
Rais Monson Ahimiza Ujasiri
- Sara wa Mtu Mwingine
  McKenzie Miller
- Ujasiri katika Maandiko
Sifa za Yesu Kristo: Bila Hila ama Unafiki
Nguvu ya Imani
Amber Barlow Dahl
Jioni ya Familia Nyumbani — Unaweza Kuifanya!
Amefufuka
David O. McKay
Ushawishi wa Kiroho wa Wanawake
Starla Awerkamp Butler
Si dhambi kuwa Mdhaifu.
Wendy Ulrich
Dini Safi
W. Christopher Waddell
Nina Haja Nawe Kila Saa
Jonathan H. Westover
Huduma ya Mwokozi Isiyo na Ubinafsi na Takatifu
Boyd K. Packer
Sauti za Watakatifu wa Siku za Mwisho
Vijana Wazima
- Songa Mbele katika Imani
  Elder Anthony D. Perkins
Vijana
Watoto
Miaka100 ya Jioni ya Familia Nyumbani
Umaizi
Mawazo ya Jioni ya Familia Nyumbani

Yesu Amponya Mkoma

Aprili 2015

Wakati waa Maandiko

Yesu amponya Mwenye Ukoma

Na Erin Sanderson

Mwandishi anaishi Utah, Marekani.

Jifunze kuhusu Agano Jipya pamoja mwaka huu!

Fikiria wakati ulipokuwa mgonjwa. Je! Mtu alifanya jambo lolote la wema ili kukusaidia kujisikia vyema zaidi?

Katika Agano Jipya, tunasoma kuhusu jinsi Yesu alivyoonyesha ukarimu kwa watu waliokuwa wagonjwa. Siku moja mtu aliyekuwa na ugonjwa mkali wa ngozi unaoitwa ukoma alimwendea Yesu. Alijua kuwa Yesu alikuwa na uwezo wa kuponya kila mtu aliyekuwa mgonjwa. Aliamini kuwa Yesu angemponya. Yesu akamgusa mkoma na akamwambia, “Nataka takasika!” (Marko 1:41). Mara Yesu alipokuwa amenena, yule mtu aliponywa.

Tunaweza kufuata nyayo za Yesu kwa kuwa wema na wenye upendo kwa wengine walio wagonjwa au wenye huzuni.

Jifunze zaidi: Injili

Agano Jipya lina vitabu vinne maalum vinavyoitwa injili ambavyo viliandikwa na baadhi ya wanafunzi wa Yesu. Injili zinasimulia kuhusu wakati Yesu Kristo alipokuwa akiishi duniani. Hadithi kuhusu kuponya mwenye ukoma ipo kwenye injili tatu. Ipo kwenye Marko 1:40–42 na pia kwenye Mathayo 8:2–4 na Luka 5:12–14.

Mawazo kwa ajili ya Hotuba ya Familia

Unaweza kutumia michoro ya maandiko katika ukurasa wa 74 ili kusimulia hadithi kutoka Marko 1:40–42. Kisha unaweza kusoma Yuda 1:22 na kupanga jinsi ya kufanya kitu kama familia ili kuleta tofauti katika maisha ya mtu fulani. Pengine mnaweza kumhudumia mtu fulani kwa siri!

Wimbo: “Tell Me the Stories of Jesus” (Children’s Songbook, 57)

Maandiko: Mark 1:40–42

Video: Nenda Biblevideos.org ili kutazama “Jesus Heals a Lame Man on the Sabbath” na “Jesus Heals a Man Born Blind.”

Kufuata Nyayo za Yesu

Pamoja na familia yako, igiza jinsi ambavyo ungeweza kuonyesha upendo kwa wengine katika hali hizi? Tunga baadhi ya hali zako mwenyewe!

Familia moja imehamia katika eneo lenu.
Watoto wengine wanamkejeli mtoto mwingine shuleni.
Mgeni asiyemjua yeyote Kanisani amekuja kwenye masomo ya Watoto.
Kaka au dada yako mdogo hana mtu wa kucheza naye.
Mtoto mchanga analia na mama yako anajaribu kuandaa chakula cha jioni.
Mtu katika kata yako au tawi ni mgonjwa na hawezi kutoka nyumbani.

Dokezo la maandiko: Kupekua Neno

Kwenye Marko 1:41 neno huruma limetumiwa. Wakati mwingine kuna maneno makubwa kwenye Biblia ambayo unaweza kushindwa kuyaelewa. Unapopata neno usilolielewa, unaweza kutumia Mwongozo wa Maandiko ili kukusaidia! Kwa mfano unaweza kuangalia “Huruma” ili kujua lina maana gani na kutafuta maandiko mengine yanayolitumia. Ni maneno gani mengine unayoweza kuangalia katika hadithi juu ya Yesu akimponya mwenye ukoma?