Mga Ideya sa Family Home Evening

“Ang Mahimayaong Adlaw sa Pagpahiuli sa Priesthood,” pahina 24: Ikonsiderar ang pagpasabut kon sa unsa nga paagi ang priesthood gipasa pinaagi sa pag-drowing og yanong linya gikan sa usa ka tawo ngadto sa lain, sugod ni Adan ug padayon hangtud sa ubang mga propeta sa Daang Tugon ug dayon gikan ni Jesukristo ug sa Iyang mga Apostoles ngadto ni Joseph Smith. Mahimong sulayan ninyo sa pagsag-ulo ang mga pulong nga gipamulong ni Juan Bautista sa dihang gitugyan ang Aaronic Priesthood ngadto ni Joseph Smith ug Oliver Cowdery, sumala sa narekord sa Doktrina ug mga Pakigsaad, ug paghisgot sa kaimportante sa maong hitabo.

“Ang Pagpamatuod ni Mia,” pahina 74: Human mabasa pagdungan ang artikulo, mahimo ninyong hisgutan ang “sa unsa nga paagi” makaangkon og pagpamatuod: pag-ampo, pagbasa sa mga kasulatan, pagpaminaw sa mga propeta ug mga apostoles, pagpaminaw sa mga pagpamatuod sa ubang mga tawo, paghatag sa inyong kaugalingong pagpamatuod, uban pa. Hisguti kon sa unsa nga paagi nga ang mga pagpamatuod sama sa usa ka kahayag. Ang mga ginikanan makahatag dayon sa ilang mga pagpamatuod ug modapit sa ilang mga anak sa pagpakigbahin usab sa ilang mga pagpamatuod o mga pagbati kon gusto sila.