Kufehe Ndik Ndinam Eti

Ndima ndito-eka mi irenowo ye iban, ami mbon akam mbenge Spirit Jehovah ndidu ye nnyin ke nte ami ntingde iko mfin emi. Esit mi oyoho ye ekom abanga Jehovah, emi edi Ufok Abasi esie, ke edidiong emi nnyin inyenede ito okposong akam, ukworo iko, ye ndikwo nte mme angel ke mbono emi.

Ke Ofiong inang emi ebede mi, President Thomas S. Monson ama okworo iko emi eketukde esit mme owo ke ofuri ererimbot, ye okim nko. Enye eketing abanga odudu eke Nwed Mormon. Enye ama odoho yak nnyin ikpep, ikere ibanga, inyung isin mme ukpepnkpo esie ke edinam. Enye ama onwongo ete ke edieke nnyin ibiatde ini ke usen ke usen ke ndikpep nyung nkere mbanga nyung nnam mme mbet emi odude ke Nwed Mormon, nnyin iyenyene akpan ntiense ibanga akpaniko esie, ndien iko ntiense abangade odu uwem Christ eyenam nnyin iboho ke mme ini afanikong. (Se ke “Odudu eke Nwed Mormon,” Liahona, May 2017, 86–87.)

Nte ediwak mbufo, ami nkop uyo prophet nte uyo Jehovah etingde iko ono mi. Ndien, nte ediwak mbufo nko, ami nkop item eke mme iko oro. Idahaemi, tongo ke ini nkedide ekpri eyen eren, ami mmenyene iko ntiense nte ke Nwed Mormon edi iko Abasi, nte ke Ete ye Eyen ema ewut idem enyung eting iko ye Joseph Smith, ndien ke nkani Apostle ema eka ebine Prophet Joseph ndino ukpohore idaha itie oku eke Ufok Abasi Christ.

Ye iko ntiense oro, ami mmekot Nwed Mormon kpukpru usen ke awakde akan isua Aba-ye-duop. Ke ntak oro ami mkpekekere nte ke iko President Mormon ekenyene owo efen. Edi, nte ediwak mbufo, ami mma nkop nsongo eke prophet ndien ke enwongo esie okot mi ete ntim nsin ifik. Ediwak mbufo ema enam se ami nkenamde: ntim mbong akam, ntim nkere mbanga nwed Abasi, nyung nsin ifik ndinam mkpo nno Jehovah ye ndinam nkpo nno mbon efen ke ntak Esie.

Utit inem esit ami nyenede, ye ediwak mbufo nko, edi se prophet eke onwongode. Nnyin oro ikekopde item esie ke esit ikekop ito spirit nnen-nnen. Nnyin imekop odudu ndibe ke idomo inyung inyene okposong mbuotidem ke Jesus Christ emi ekesetde, ke iko Abasi Esie, ye ke odu uwem Ufok Abasi Esie.

Ke ini emi ekong okponde ke ererimbot, mme iko ntiense oro emi akade iso okori ebin eyihe ye ndik osio onyung ono nnyin emem. Ndikop item President Monson anam ikpo nkpo iba ono mi: Akpa, Spirit emi enye eke onwongode ono osongo abanga se inade ke iso, okposuk edi nte ndutime okpongde ke ererimbot. Ndien, oyoho iba, Jehovah ono mi–ye afo–ekikere ima emi okponde kabanga mbon emi edude ke ukut. Nnyin imenyene akwa udong ndi kenyanga mbon efen. Udong oro edi akpan-nkpo ke utom ye ukpepnkpo President Monson.

Jehovah ama onwongo ima ono mbon efen ye osongo ono Prophet Joseph Smith ye Oliver Cowdery ke ini utom eke anade mmo ke iso eke etiede nte edi ata akamba. Jehovah ama odoho ete ke odudu mmo eyomde edito mbuotidem mmo ke Enye nte itiat mmo:

“Kufehe ndik ndinam eti, ndito irenowo mi, koro se ededi emi mbufo etode, oro nko ke mbufo edidok; ke ntre, edieke otode eti mbufo nko eyedok eti nte utip mbufo.

“Ke ntre, kufehe ndik, mkpri ufene; enam eti; yak isong ye hell ediana kiet ke ndinwana ye mbufo, koro edieke ebopde mbufo ke enyong itiat mi, mmo idikanke.

“Sese, ami mbiomoke mbufo ikpe; eka usung mbufo enyung etre ndinam idiok; esuk ibuot enam utom emi ndongde mbufo.

“Ese mi ke kpukpru ekikere; ekuyihe, ekufehe ndik.

“Ekam ese unan ke nkang mi, ndien nko ye mbon ukwak ke ubok ye ikpat mi; enyene mbuotidem, enim ibet mi, ndien mbufo eyenyene obio ubong heaven.” (D&C 6:33–37).

Jehovah ama odoho mbon ekedade iso ke Edifiak-mmen-ndi, ndien Enye odoho nnyin, ete ke edieke idade ye mbuotidem ke enyong itiat Esie, eyihe ye ndik ekure; udong ndinam eti okori. Nte nnyin inyimede ikoot President Monson ke ndito ke esit nnyin iko ntiense Jesus Christ, nnyin inyene odudu, udong, ye nsongo ndika nkenyanga mbon efen ikereke ibanga idem nnyin.

Ami mmokut mbuotidem ye nsongo oro ediwak ini ke ini mme ndisana Owo ke Ukperedem Usen emi enimde ke akpan iko enyenede mfina. Nte uwutnkpo kiet, ami nkedu ke Idaho ke ini Teton Dam eke obomode ke June 5, 1976. Ibibene mmong ama oduo ke isong. Ediwak tosin mme owo ema efehe ekpong ufok mmo. Ama osobo ediwak tosin ufok ye mbubehe. Ke utibe-utibe usung, mbon owo emi ekekpade ema ekpri ekan Efut.

Se ami nkekutde do, edi se nsikutde ke ini ekededi emi mme ndisana Owo ke Ukperedem Usen esongode eda ke itiat ntiense Jesus Christ. Koro mmo minyeneke eyihe Enye ekpeme mmo, ndik okpong mmo. Mmo ekpong ukut mmo eka ndinwam mbon efen. Ndien mmo enam emi eto ke ima mmo enyenede eno Jehovah, ibupke iyom usiene.

Nte uwutnkpo, ke ini Teton Dam eke obomode nnwan ye ebe eke mme ndisana Owo ke Ukperedem Usen ekeka isang, ke ayan usung ekpong ufok mmo. Ke ini mmo ekekopde mkpo ntibe emi ke radio, mmo esop efiak enyong eka Rexburg. Utu ke mmo eka ekese mme ufok mmimo owure, mmo esanga eyom bishop mmo. Enye okodu ke ufok ekenimde nte itie nduok odudu. Enye ekenwam ndino nda usung ke abanga mme tosin owo emi ekesangade ke uto-uto moto ndito ufoknwed edi do man enwam ke utom.

Nnwan ye ebe oro esanga ebine bishop ekedoho ete, “Idaha oro ke inyong idi. Bishop, mmong ke ana nte nnyin ika man ikewam?” Enye ama ono mmo enyin mbon ufokemana kiet. Ebe ye nnwan oro efop mmong ye mbat esio ke ufok kiet kiet. Mmo enam utom tongo ke usenubok tutu mbubreyo ke ediwak usen. Mmo ke akpatre ema ebo nduok odudu man eka ekese ufok mmo. Ufok mmo ama oduo owure osop ke mmong-ukwo oro, nkpo ikosuhoke se anade nte ekwok. Ke ntre mmo enwongore ete yak ika ibine bishop mmimo. Mmo ebup ete, “Bishop, ndi emenyene owo emi anade nte nnyin inwam?”

Utibe odudu ye ima oro—edisana ima Christ—edi se enamde ke ediwak isua ye ke ofuri ererimbot. Ama etibe ke idiok eyo ukobo ye idomo ke ini Prophet Joseph Smith ke Missouri. Ama etibe nte Brigham Young ekedade udim owo oworo okpong Nauvoo ndien enye okot ikot Abasi ete ekpong ebiet mmo ke edem usoputin ke United States, ete enwam kiet eken ndibop Zion nno Jehovah.

Edieke mbufo okotde se mme ada iso oro ekewetde ke journal, mbufo eyekut nte utibenkpo eke mbuotidem ebinde eyihe ye ndik osio. Ndien mbufo ekot ebanga nte mme ndisana owo ekpongde mfina mmo eka ekenwam owo efen eno Jehovah, mbemiso mmo eka ebine erong mmo mme ndika nketo inwang mmo.

Ami mma nkut ukem ukem utibenkpo emi usen ifang emi ekebede mi ke ini Hurricane Irma ke Puerto Rico, Saint Thomas, ye Florida, emi mbon Latter-day Saints edianade ye mbon Ufok Abasi efen, mbon eboho ke obio, ye mme nka ke idut man etongo utom edinam nkan-nkuk asana.

Nte mme ufan mi eke Rexburg, ebe ye nnwan kiet eke midighe mbon Ufok Abasi nnyin ke Florida ema enam utom ndinwam obio nte etrede ndinam eke ufok mmo. Kini ubak mbohoidung mbon Latter-day Saints enode unwam ke nte ikpo eto iba okoduode abaha usung, ebe ye nnwan emi edoho ete ke esit ama enem mmimo anam mmimo iworo idi man idinwam mbon efen, inyene mbuotidem ete ke Abasi eyeno unwam emi mmimo iyomde ke ufok mmimo. Ndien ebe eketing mbemiso mbon Ufok Abasi ekedisim ye ndino unwam, ete ke mmimo ikedu ke akam. Ke mmimo ima ibo iboro ete ke unwam eyedi. Unwam oro ama edi ke ufot ini nsongonda oro.

Ami mmekop etop ete ke ubak owo etongo ndikot mbon Latter-day Saints emi esinede utouto ofong Helping Hands emi nte “mme Uto-uto Angel.” Owo Ufok Abasi nnyin kiet ekemen moto esie aka ndidiong, ndien erenowo emi akanwamde enye eting abanga “ifiok-ukpeb spirit” emi enye ekenyende kini mme owo emi esinede utouto ofongidem esiongode mme eto ke anwa-esien esie ndien ekem, “mmo ekwo mme ikwo eno enye ebanga ndidi eyen Abasi.”

Owo efen emi odungde ke Florida—nko idighe owo Ufok Abasi nnyin—eting abanga nte mbon Latter-day Saints ekedide ufok esie kini enye akanamde utom ke anwa esien esie emi akabiarade nte enye okopde inemesit, ufiop, ndien ekpere nditua. Enye eting ke iko esie ete, mme anam utom emi, ekenam, “ata utibe nkpo.” Mmo iketingke enyin inam utom kpot, edi nko ke esasak ye inua imam, ndien iyomke udori ndomokiet.

Ami mma nkut ntingenyin nnyung nkop uyo inua imam oro kini, ke mbubreyo Saturday kiet, ami mma nkese mbon ufok Abasi ke Florida. Mme anam utom emi ema etre utom man eyak mi nkom mmo ubok. Mmo ema edoho ete ke mbio Ufok Abasi mmo Anang-ye-duop eke stake mmo ke Georgia ema enyene uduak ndidiana ke utom uwam emi ke Florida ke okoneyo mbemiso mmo edaha.

Mmo ekekpong Georgia ke nkanika Inang usiere, ewat ke ediwak ini, enam utom ke ofuri usen oro ebe eduk okoneyo ndien ebengeidem ndinam utom efen ke edem usen oro.

Mmo eketing ebanga kpukpru nkpo emi eno mi ye inua imam. Nkukure mfina ami nkekutde ekedi ke mmo ekeyom etre ndikom mmimo man mmimo ikan ika iso ye utom. Stake president ama afiak emen engine usiak eto esie onyung aka iso ndisibe eto emi okoduode ndien bishop kiet eketang mbio eto osio nte nnyin idukde moto ndika nkese mbon unwam efen.

Ke usenubok oro, ke nte nnyin iwatde iworo ke ebiet utom efen, erenowo kiet ama asanga ekpere moto nnyin ayarade itam esie, onyung okom nnyin nte inode mme owo edinwam mmimo. Enye odoho ete, “Ami ndihe owo ufok Abasi mbufo. Osong mi idem ndinim se mbufo enamde eno nnyin. Abasi odiong mbufo.” Mbon utom LDS emi ekedade ekpere enye ye utouto ofongidem esie esak enyung etuk eye ke afara nte enye ikpedotke ndibo ekom.

Ke ini mme anam utom eketode Georgia ekedide ndiwam owo emi mikinimke, udim ikie mbon ufok Abasi emi eketode ata obio oro mfina ekisimde ke Florida ema eka usuk ke itiat mme ikie ke ikpehe Florida efen emi mmo ekekopde ke eke mmo ama odiok akan eke mmimo.

Usen oro ami nti nyung ntim ndiongo ete ke iko prophecy eke Prophet Joseph Smith odohode ete: “Owo emi oyohode ye ima Abasi, iyuhoke ke ndidiong ufok esie ikpong, edi asanga ke ofuri ererimbot, ye udong ndiong ubon owo” (Ukpebnkpo eke mme Adaibuot ke Ufok Abasi: Joseph Smith [2007], 426).

Nnyin imikut uto ima emi ke uwem mbon ufok Abasi ke kpukpru ebiet. Ini kiet ekededi emi unomo odude ke ebiet ekededi ke ererimbot, mbon ufok Abasi eno unwam ima edian ye eke ufok Abasi. Isidihe tutu ekpekpe owo ubok. Ke akpaniko, ke usuk ini, esina nte nnyin idoho mbon edinode unwam ebet tutu mme adausung ke utom emi ebenge idem ebanga mmo.

Udong ndinwam oro edi mfri mbon oro emi enyenede iko ntiense Jesus Christ, iko Abasi Esie, Ufok Abasi Esie emi ekefiakde emen edi, ye prophet Esie. Ke ntak oro ikot Jehovah inyeneke eyihe inyung ifeheke ndik. Ke ntak oro ke mme missionary ekworo iko ke kpukpru itung ye inuk ke ererimbot. Ke ntak oro ke mme ete ye eka ediana ye ndito mmo ebong akam eno mbon efen. Ke ntak oro ke mme adausung edoho mme iwaad eda ebenge eke President Monson ndisin idem nkot Nwed Mormon nte akpan nkpo. Mfri oro ikedihe ke mme adausung ekpekde ekpek mbufo edi edi ke mme iwaad ye mbon Ufok Abasi emi enamde utom ke mbuotidem. Mbuotidem oro, eke emende esin ke edinam, emi oyomde ke nwaidem, adada nkabare esit emi ayakde mmo ekop ima Abasi edi.

Edi, esit nnyin okpuho ke ini nnyin isikade iso ndikop item prophet. Edieke itrede ke ima iketonge, ukpuhore oro eyekpa.

Nti mbon ufok Abasi enam mbuotidem mmo ke Obong Jesus Christ okori, ke Nwed Mormon nte iko Abasi, ye ke edifiak mmen ukpohore idaha itie oku ndi ke ufok Abasi akpaniko Esie. Mbuotidem oro ono nnyin nsongo ye ekikere abanga ndito Abasi efen. Edi idomo ye mfina emi odudu ke iso eyeyom kpa se ikponde ikan emi.

Nnyin ikanke ikut mme mkpri nkpo odongode, edi nnyin imidiongo nte editiede. Nnyin imidiongo ete ke akpatre usen, ererimbot eyedu ke mfina. Nnyin imidiongo ete ke ufot idomo eke ekpededi, Jehovah eyed anti mbon ufok Abasi usung ke ndida iko Abasi Jesus Christ nka kpukpru obio, idut, usem, ye mme owo. Ndien nnyin imidiongo ete ke nti ikot Abasi eyedot enyung ebengede idem eno Enye ke ini Enye edifiakde idi. Inaha nte nnyin ifehe ndik.

Ke ntre, sia nnyin ima inyene mbuotidem ye nsongo ke esit nnyin, Jehovah oyom se ikponde ikan emi oto nnyin—ye ubon nnyin emi edide ke iso. Ana nte mmo esong odudu ekan nnyin koro mmo eyenam ikpo ye mkposong nkpo ekan se nnyin ikanamde. Ndien mmo eye ekut akamba idomo eto usua ukpong nnyin.

Jehovah ama ono usung ke nnyin ndinyene nsongo nte ikade iso: “Se mi ke kpukpru ekikere; kuyik, kufehe ndik” (D&C 6:36). President Monson ama odoho nnyin nte idinamde oro. Ana nte nnyin ikere ibanga inyung isin Nwed Mormon ye iko mme prophet ke edinam. Bong akam kpukpru ini. Nim ke akpaniko. Nam nkpo nno Jehovah ke ofuri esit, odudu, ekikere, ye ukeme nnyin. Akam edidi ukpohore nko man nnyin idibo eno ndima iko Abasi inyung ikeme ndima Christ (se ke Moroni 7:47–48). Ndien ke akande oro, ana nte nnyin ituak-ida inyung iyire ke ndikop item eke prophet nnyin.

Ke ini usung osongde, nnyin imikeme ndidori enyin ke enwongo Jehovah—enwongo emi President Monson etide nnyin abanga ke ini enye esiwakde nditing iko Andinyanga: “Owo ekededi emi enyimede mbufo, do nko kea mi ndidu, koro nyeka ke iso mbufo. Ami nyedu ke ubok nnasia ye ubok ufien mbufo, ndien Spirit mi eyedu ke esit mbufo, ndien mme angels mi ekanare mbufo ekuk, ndikpeme mbufo” (DC 84:88)

Ami mmetie ntiense nte ke Jehovah eyebem mbufo iso ke ini ekededi emi mbufo ekade utom Esie. Usuk ini mbufo eyedi angel oro emi Jehovah onode ndimenere mbon efen ke enyong. Usuk ini mbufo eyedi enye emi mme angel ekanare ekuk ndikpeme mbufo. Edi kpukpru ini mbufo eye enyene spirit Esie ke esit mbufo, nte enwongode eno mbufo ke kpukpru mbono udia-Obong. Mbufo enyene ndinim mme mbet Esie ikpong.

Mme usen efonde ekan edu ke iso eno obio ubong Abasi mi ke isong. Usua eyenam mbuotidem nnyin ke Jesus Christ okori, nte ekedide tongo ke eyo Prophet Joseph Smith. Kpukpru ini mbuotidem akakan ndik. Edidiana kiet anam mboho odu. Ndien akam eke mbufo ebongde eno mbon unana obo iboro oto edima Abasi. Idem imemke Enye ndien Enye nko idehe idap.

Ami nno iko ntiense mi nte ke Abasi Ete odu ke uwem ndien ke Enye oyom mbufo enyong edi ufok ebine Enye. Emi edi akpaniko ufok Abasi eke Jesus Christ. Enye odiongo mbufo, Enye ama mbufo, Enye ke ekpeme mbufo. Nditiene Enye ke uwem mbufo ye ke utom unwam mbufo nno mbio efen edi nkukure usung ndinyene nsinsi uwem. Ami nno iko ntiense mi ndien nyak edidiong mi ye ima mi nno mbufo.

Ami nno iko ntiense mi ndien nyak edidiong mi ye ima mi nno mbufo. Ke edisana enyin Jesus Chrst, amen.