Ek Dusre Ke Bojh Ko Baatne Ke Liye Tayaar Rahana

Vishwaas Parivaar Sahayak

“Hum unke ird-gird hai jinko hamari prothsaahan, hamari madad, hamari dilaasa, hamari dayalupan ki humse zaroorat hai,” Pradhaan Thomas S. Monson ne kaha. “Hum yaha dharti par Prabhu ke haath hai, Uske bachchon ko sewa aur upar utha dene mein adesh dene ke liye. Wah hum sab par nirbhar raheta hai.”¹

Pradhaan Henry B. Eyring, Pratham Adhyakshta mein Pratham Salhakaar ne kaha: “Ek bhaari parivartan huwa tumhare hriday mein jab tum is Girjaghar mein aaye the. Tumne ek vachan liya tha, aur tumne ek vaada paaya jisse tumhare andar badlaao aana shuru huwa. …

“… Tumne vaada kiya tha ki tum Prabhu ki sahayta karoge ki unke bojh halke ho aur unhe sahanbhuti mile. Tumhe shakti mili thi sahayta karne ki in bojhon ko halka karne mein jab tumne Pavitra Aatma ke uphaar ko paaya tha.”²

“Hum susamachaar ke prakaash ka istemaal karna chahate hai auron ko Uddhaarkarta ke tarah dekhne ke liye—sahanubhuti, aasha, aur dayaluta ke saath,” Jean B. Bingham, Sahayak Sanstha ki Maha Adhyaksh ne kaha. “Woh din aaega jab hamare paas auron ke dilon ki puri samajh hogi aur abhaari honge hum daya paakar—jis tarah se hum dayalu vichaar aur shabd is jiwan mein auron ko dete hai. …

“Hamara kartavvye aur saobhaagye hai sabke pragati ko apnaana Uddhaarkarta, Ishu Maseeh ke jaisa banne ke liye.”³

Jab hum ek dusre ke bojh ko uthathe hain aur apne vyade ko nibhate hain, hum Ishu Masih ko dusro ko changa karne ki rah kholte hain. Elder Jeffrey R. Holland Barah ke Parishad ka ne sikhlaya: “Praeschit ke anumaan se bahar ki keemat ko dhyaan rakthe hue, mai vyada karta hoon ki weh humare prathi apna peet nahi dikhayenge. Jab Weh kamzor aatma waalo se kahate hain ‘Mere paas ao,’ Unka arth hai ki Woh upar aur bahar ka raasta jaanthe hain. Wah jaanta hai kyonki Wah uspar chal chuka hai. Wah Raasta jaanta hai; sahi mein, Wah hi raasta hai.”⁴