Laniyaen’daed ningad Chibiyed e Tomalngin Reb

Mich Tabinaew Ayuw

Gadad be pa’ay Rok Somoel ba ara udakean fare fayleng, u fithik e motochiyel ko pigpig nge chibiy bitir Rok’.Ir e pagan’ ngodaed.¹

 …

²

“Gadadba a’dag ningad ngongoliyed e tamilang ko gospel ningad guyed reb e gidii’ ni woed rogon Tathapeg ufithik e— gol, athap, nge t’ufeg,” ke yoeg Jean B. Bingham, Relief Society General President. “Bay yib fare rran ningan thapeged e nang fan nib polo’ ko reb e gum’racha’ ko gidii’ ngad oeged magar nige pii’ e murnguy ngodad— nap’an ngad oeged e thin nge leam nib gol ngak reb. …

³

Nap’an ngad ayuweged reb ko tomalngin ngad folgaed pi michmich roared, gadadra bin e wo’en ngak Yesus Kristus ninge golnag e gidii’. Elder Jeffrey R. Holland ko fare Ulungi Ragag nge La’agruw Apostle ke fil: “Mu lemnag marung’agen e puluwon nib gaa’ ko fare Kruth nge Bayul, Gube micheg ngom Dabki pii’ keru’ rok ngodad chiney. Nap’an Irba yoeg ngad e gidii’ nib waer ko ya’el, ‘Mu baed ngog,’ Irba weliy’ ni Irmanang e wo’en nga wuru’ ma Irmanang e wo’en nga lane lang. Irmanang fare wo’en bachane Ke milekag ngay. Irmanang bachane I’ir fare wo’en.”⁴