2018
Ndzɛmba Ebiasa Ibɛkaa
February 2018

Mbabun

Ndzɛmba Ebiasa Ibɛkaa

Kasafua kaa puei wɔ Mormon Nwoma no mu mpɛn pii. Nephi hyɛɛ no nuanom mbanyin no nkuran dɛ wɔnkaa mbrɛ Nyankopɔn esi agye hɔn egyanom. Ɔhen Benjamin serɛɛ no nkorɔfo no dɛ wɔnkaa Nyankopɔn ne kɛseyɛ no. Na Moroni kyerɛɛkyerɛ n’akenkanfo dɛ wɔnkaa mbrɛ Ewuradze si yɛ ehumbɔbɔr.

Yɛrikaa Agyenkwa no hia tsitsir—yedzi ahyɛmu mpo dɛ yɛbɛkaa No aber biara a yedzi sacrament no. President Eyring to nsa frɛ hɛn dɛ yɛnkaa ndzɛmba ebiasa yinom sacrament ber.

  1. Kaa Jesus Christ: Kenkan kyerɛwsɛm wɔ mbrɛ Agyenkwa no sii somee na ɔkyerɛɛ ɔdɔ maa nkorɔfo ho asɛm. Isi dɛn tse No dɔ nkã? Ibesi dɛn botum asom na akyerɛ dɔ ama binom tse dɛ ma Agyenkwa no yɛe no?

  2. Kaa dza ihia ma abɛyɛ papa no: Fa nnuhu akoma dwendwen wo dapɛn a abasen no. San mu yi adze kor a ibotum asesã, na kyerɛw mbrɛ ibesi ayɛ mpontu no to hɔ. Fa wo botae no to beebi a ibɛtaa ehu.

  3. Kaa mpontu no a ereyɛ no: Serɛ Nyankopɔn ma ɔmboa wo ma nhu mpontu papa a ereyɛ no. Kyerɛw mbrɛ isi tse nkã.

Yenndzi mu, naaso Agyenkwa no nyim dɛm. Dɛm ntsi na Ɔserɛ hɛn dɛ yɛnkaa No. Yɛrekaa No ma hɛn enyidado na ɔboa hɛn ma yenya pɛ dɛ yebotu mpon. Ɔtɔ mber bi na sɛ yɛfom dɛ yɛbɛkaa No mpo a, President Erying se, “Ɔkaa wo aber nyina.’’