Ta’ermadliy ni Ngam Rung’ag Laman Got

Be weliy President Uchtdorf tomuren Got nike sunmiy pumm’on nge ppin nike non ngak nge pii’ ngorow gonop nge midil ni thabi ga’ fan nge thabi fel’. Gadad be thapeg ta’ab e tawa’ath ulan April nge October napan general conference, napan tiyugang’ ko Galasia ra non ngodad nge fil ngodad e pi’nen Somoel ni ba’adag ni ngad rungan’ed.

Kam rungag’ fare laman Got ufithik e tapigpig Rok napan general conference? Kam thamiy bay ta’areb e mulwol ni key fulweg ni kam gay rogon ni ngam piri’eg? Ulan e babyor rom, rangam yol tiney nge urogon nike ayuwegem. Nge ta’ermadliy ni ngam rungag laman Somoel ko biney e conference napan ni ngam yol e duwer nge fil ufithik fapi chep nib thothup. Meybil ngak Chitamangiy nu Tharmiy, fith ngak ni ra ayuwegem nge gonop ko conference. Napan ni ngam motoyil nga fapi tapgipig rok Somoel, mu lemnag marunga’agen e thamiy fa thogthog. Mang ni kam fil? Urogon ni thamiy ere e rogon ni ngam thilyeg? Mu yoloey biney e thogthog ney bachaen fare Kan Thothup ra non ngom!

Mu puguran ni Chitamangiy nu Tharmiy ba’adagem gubin e rran nge ra powi’iyem nga kanawo’ nib mataw. Napan ni ngam gay rogon e rayog rom ni ngam motoyil Laman udakaen pi tapigpig Rok, rangam thapeg e to’owath nge fil gonop.