’Eiaha e mata’u i te hāmani Maita’i !

Iaorana ! ’O Claudia vau ’e te ’ora nei au i Auteraria. Tē fa’a’ana’ana nei au i tō’u māramarama nā roto i te hāmani-maita’i-ra’a ia vetahi ’ē.

Tē ti’a nei nō vetahi ’ē.

Tē vai nei te hō’ē tamāroa i roto i tā’u piha ha’api’ira’a e fifi nei i te ha’api’i mai. E pāruru vau iāna ’ia fa’a’ō’o ana’e te mau ta’ata iāna, ’e e tauturu vau iāna i roto i te piha ha’api’ira’a ’ia hina’aro ana’e ’oia i te tauturu. ’Ua parau tō’u ’orometua ha’api’i ē teie ana’e te matahiti i ’ite ai ’oia ē ’e tufa’a ’oia nō tāna piha ha’api’ira’a.

Tā’u pea na’ina’i

I te taime ’ua pohe te metua tāne fēti’i o tō’u ’orometua ha’api’i, ’ua ’oto roa ’ōna. ’Aita ’oia i ’ite i te parau nō ni’a i te ’Ēkālesia, nō reira i parau ai au iāna ē tē here nei te Metua i te Ao ra iāna. ’Ua hāmani au nāna i te hō’ē tāreta ’e ’ua parau atu vau ē, e ’ite fa’ahou ’oia i tōna metua tāne fēti’i. ’Ua hōro’a vau nāna i tā’u nei pea na’ina’i nō te tauturu iāna i roto i teie tau ’oto.

Mau hoa maita’i

E fifi tō tō’u ta’ata tupu ’o Olivia i te haere, i te paraparau, ’e i te fa’aro’o. ’Ua parau mai te māmā ’o Olivia ē e tanora’a tō Olivia i te fāri’ira’a i te hō’ē hoa mai iā’u nei. E tanora’a ato’a tō’u !

Hīmenera’a ’e te Vārua Maita’i

Mea au nā’u ’ia hīmene i te mau hīmene mai roto mai i te buka Chants pour les enfants. ’Ua parau mai tō’u ’utuāfare ē, e tauturu te reira ia rātou ’ia ’ite i te Vārua Maita’i. E hōro’a mai te Vārua Maita’i ia’u i te mana’o māhanahana i roto iā’u.