Fa’a’āpīra’a i te pū fa’a’eta’etara’a tino

Ia te peni, te mau purūmu peni ’e te mau ruro tei hōro’ahia mai e te pū fa’a’eta’etara’a tino nā te u’i ’āpī nō Magenta, ’ua peni te feiā ’āpī ’e tō rātou feiā fa’atere nō te mau titi nō Dumbéa ’e Riviére-Salée i te patu o te pū fa’a’eta’etara’a tino tei pāpa’ipa’i-haere-hia i Noumea.

’Ua ’ahu mai rātou i te piriaro re’are’a « Rima tauturu Momoni », ’ua’ite-’oi’oi-hia mai te pupu e te tahi atu mau feiā ’āpī nā pīha’i iho, e rave rahi o rātou tei ’āmui mai i te ’ōpuara’a tāvinira’a, ’ua tāta’i piti te ta’ata rave.

’Ua parau ’o Didier D. Moriniére, ’ēpisekōpo nō te pāroita i reira, « ’ua tono mai te Fatu i te mau rima hau nō te turu mai, ’e ’ua oaoa roa mātou nō te reira ».

’Ua haru ato’a mai teie ’ohipara’a i te mau ve’a pāpa’i o te fenua, mai te ve’a Les Nouvelles Calédoniennes, tei pāpa’i, « ma te hi’ora’a mai nā roto i te māramarama o tō rātou fare, ’ua uiui te mau ta’ata, e aha te mea e fa’a’ana’anatae ra i teie mau feiā ».

’Ua mana’o te mau ti’a fa’atere o te ’oire e maha a’e hora e tītauhia nō teie ’ōpuara’a, nō te rahi rā o te pupu, ’ua oti te ’ohipa i roto noa i te afa o tera hora.

« E piti matahiti tō’u ravera’a i te ’ohipa nō te huira’atira ’e o te taime mātāmua tō’u ’itera’a e rave rahi ta’ata tei hina’aro e ’āmui mai, » ’ua parau o Emmanuel Wejiéme, hō’ē ti’a fa’atere nō te piha ’ohipa ’a te tāvana ’oire, i te ve’a o te fenua iho.