Ha’apotora’a nō te 188ra’a o te ’āmuira’a rahi nō ’Ēperēra

I tō tātou ti’ara’a i ni’a ’e te pāturura’a i te hō’ē perophera ’e te peresideni, ’aita tō tātou rima i ’āfa’ihia i ni’a i tai’ohia e te hō’ē noa a’e parau tāpa’ora’a ; ’ua tāpa’ohia rā i te ra’i ’ei hō’ē fafaura’a e te Atua.

I te roara’a o te ’āmuira’a, ’ua ’ite tātou i te mau fa’a’itera’a ē ’o te ’Ēkālesia a te Fa’a’ora, arata’ihia e āna nō roto i tāna mau tāvini. ’Ua riro tātou ’ei mau ’ite nō te ti’ara’a o te hō’ē peropheta ora nō tō tātou aura’a tāta’itahi—e’ita e ti’a i ropu ’ia tātou ’e te Fa’aora e ti’a rā i tō tātou pae ’e e fa’a’ite i te ’ē’a haere ti’a i te Fa’aora ra. ’Ua fāri’i tātou i te rāve’a nō te fāri’i i te « hō’ē ’itera’a pāpū o te ta’ata hō’ē ē te pi’ira’a o te peresideni Nelson nō ’ō mai i te Atua ra » ’e te ha’amaura’a i tō « tātou vārua i te Fatu ia Iesu Mesia [nā roto i te] fa’aro’ora’a i te feiā tāna i tono mai » (hi’o Elder Neil L. Andersen i te ’api 26).

Hau atu i te pāturura’a i te peresideni Nelson, ’ua pāturu ato’a tātou hau atu i te 70 feiā fa’atere ’āpī.

’Oi i te hi’ora’a a te mau peropheta, ’ua fa’aarahia te mau tauira’a i roto i te ’āmuira’a « teie te mau hi’ora’a nō te heheura’a [nō ’ō mai i te Atua] o tei arata’i i teie ’Ēkālesia mai te ha’amatara’a mai », ’ua parau o Elder Jeffrey R. Holland (hi’o ’api 101).

Nō te ha’apāpū i tā « mātou parau poro’i i tō te ao nei » ’o « tā mātou e ani manihini nei i te mau tamari’i ato’a a te Atua i nā pae e piti o te pāruru ’ia haere mai i tō tātou Fa’aora ra, ’ia fāri’i i te mau ha’amaita’ira’a o te hiero mo’a, ’ia fāri’i i te ’oa’oa vai māoro, ’e ’ia fāri’i i te ora mure ’ore », ’ua fa’aara te peresideni Nelson e hitu hiero ’āpī.