Elda Kyle S. McKay

Afta long famli blong hem mo Jos, Elda Kyle S. McKay i laekem tumas blong ron long hos long ol maonten.

“Hemia i no relijin blong mi,” hem i talem, “be i tru se hemia i bin mekem fet blong mi i kam strong moa.” Wan dei mi go long maonten blong Lod, mo nara dei mi go long maonten blong haos blong Lod. Hem i stap kam luk mi long tugeta ples.”

Elda McKay i stap komperem ol maonten antap long Hanstvil, Yuta, YSA, long ol wota mo ol dakbus blong Momon, mo hamas oli bin impoten long ol pipol blong Alma—ol maonten ia oli ol ples we, taem hem i yangfala, hem i kam blong save Ridima blong Hem.

Elda McKay i bon long 14 Febwari 1960, long Jikago, Ilinoa, YSA, mo papa mo mama hem i Barrie Gunn McKay mo Elaine Stirland McKay; hem i talem se tufala i mekem hem i kam huia hem tedei.

Hem i stop smol blong stadi long Brigham Yang Yunivesiti long 1979, blong go long wan fultaem misin long Kobe, Japan. I no longtaem afta we hem i kambak long misin blong hem blong finisim digri blong hem long Inglis, Elda McKay i mitim Jennifer Stone, we i jes kambak long Inglan Bristol Misin. Hem tu i stadi long Inglis. Tufala i bin mared long Okland Kalifonia Tempol long 12 Jun 1984.

Wetem famli we i stap long medel blong laef blong hem, Elda McKay i talem se hem mo Sista McKay, glad blong tufala i kamaot long ol pikinini blong tufala. Tufala McKay, tufala i stap long Keisvil, Yuta, YSA, be tufala i spendem plante taem wetem ol naen pikinini blong tufala long Hantsvil, ples we ol bubu blong hem oli kam stap long hem long eli yia 1860.

Elda McKay i graduet long wan juris dokta digri long 1987, long J. Ruben Klak Loa Skul long BYU, mo stret afta, hem i akseptem wan wok wetem wan bigfala loa kampani long Potlan, Oregon, YSA. Afta long hemia, hem i gobak long Yuta blong wok bakegen wetem wan nara loa kampani bifo hem i akseptem wan posisen wetem Kroger Kampani. Hem i bin wok olsem wan vaes presiden blong Smith mo Fry, tufala pat blong Kroger kampani long Yuta mo Arisona, YSA, stat long 2000 kasem 2017.

Elda McKay, i bin wan bisop, wan hae kaonsela, stek presiden, mo wan Eria Seventi.