Michelle D. Craig

I te 16ra’a o tōna matahiti, ’ua ha’api’i te tuahine Michelle D. Craig ē, e fa’anu’u atu tōna ’utuāfare mai Provo, i Utah (Marite) i Harrisburg, i Pennsylvania (Marite), ’ia tāvini tōna metua ’ei peresideni misiōni i reira.

’Ua ’oa’oa ’oia e haere e tōna ’utuāfare, ’ua « vai ’ōtahi » noa rā Michelle iti i te roara’a o tāna e piti matahiti hope’a i te ha’api’ira’a tuarua.

« E mau matahiti ha’api’ira’a rahi te reira », ’ua parau te tuahine Craig. « Nō te mono i te mau hoa, ’ua tūru’i au i ni’a i tō’u ’utuāfare ’e tō’u ’itera’a pāpū, ’e ’ua riro mai te ’ēkālesia ’ei taura fa’aora nō’u. » ’Ua ha’afaufa’a rahi ’oia i tōna aura’a ’e te Metua i te Ao ra ’e ’e te Fa’aora.

’Ua fānauhia Michelle Daines Craig i te 13 nō Tiurai 1963 i Provo, i Utah, ’e ’o ’oia te matahiapo o nā tamari’i e hitu a Janet Lundgren ’e Robert Henry Daines i’iI. ’Ua pa’ari ’oia i Provo ē tae roa i te fa’anu’ura’a tōna ’utuāfare i Pennsylvania. Piti matahiti i muri mai, ’ua ho’i mai te tuahine i Provo nō te haere i te fare ha’api’ira’a Brigham Young University, i reira te noa’ara’a tāna parau tū’ite Licence nō te ’ohipa ha’api’ira’a tamari’i. I te matahiti 1984, ’ua fāri’i ’oia i te pi’ira’a e tāvini i roto i te misiōni nō Dominican Republic Santo Domingo.

« E tamāhine ti’aturi iho ā vau », tē parau nei te tuahine Craig, tei pāturuhia ’ei tauturu mātāmua i roto i te peresidenira’a rahi o te Feia ’Āpī Tamāhine i te 31 nō Māti 2018. « Mai tō’u ’āpīra’a tō’u ’itera’a ē, e tamāhine au nā te Atua. Tē ha’amana’o nei rā vau [i roto i tā’u misiōni] ē, i te mau taime ato’a e fa’a’ite atu vau i tō’u ’itera’a pāpū nō te peropheta Iosepha Semita, e putapū vau i te Vārua. E ha’apāpūra’a tei ha’apa’ari i tō’u ’itera’a pāpū. »

Tau mahana noa i tōna ho’ira’a mai tōna taea’e paraura’a iāna ē, e arapae ia Boyd Craig, e hoa nōna i roto i te misiōni. Va’u ’āva’e i muri mai, ’ua mōmo’a rāua. ’Ua fa’aipoipo rāua i te 19 nō Titema 1986, i roto i te hiero nō Roto Miti. E toru tā rāua tamari’i ’e e ono mo’otua.

E rave rahi pi’ira’a tāna i tāvini atu, ’e tae noa atu ’ei rave ’ohipa i te hiero nō Provo (Utah) ’e ’ei ’orometua ha’api’i ’evanelia. I te pi’ira’ahia ’oia i roto i te peresidenira’a rahi o te Feiā ’Āpī Tamāhine, tē tāvini ra ’oia i roto i te ’āpo’ora’a fa’atere rahi o te Paraimere.