Ol Kworom we Oli Jenisim

Wod (o branj) kworom blong grup blong ol hae pris mo blong ol elda, naoia bae oli kombaen long wan kworom blong ol elda nomo, Presiden Russell M. Nelson i bin anaonsem long taem blong prishud sesen blong jeneral Konfrens. Stek presidensi bae i gohed blong stap olsem presidensi blong stek kworom blong ol hae pris, be kworom ia bae i tekem nomo olgeta hae pris we oli stap mekem wok insaed long stek presidensi, long bisoprik, long hae kaonsel, mo ol petriak we oli holem wok i stap.

Kworom blong ol elda, bambae wan presidensi i lidim, mo insaed i gat ol elda mo ol hae pris. Presiden blong kworom blong ol elda bae i ripot i go long stek presiden mo i mit fulap taem wetem bisop. Ol prishud ofis oli stap semmak nomo. Wod (o branj) presidensi blong kworom blong ol elda we i stap naoia, mo lidasip blong grup blong ol hae pris, bambae oli rilisim olgeta naoia, mo stek presiden bae i singaotem wan niu presidensi blong kworom blong ol elda.