Ndzɛmba Enum a Etsiefo Pa Yɛ

Iritsie ara yie no bɔboa wo ma ehu mbrɛ ibesi bɔboa nkaafo ma hɔn nsa akã hɔn sunsum mu na honandua mu ehiadze dɛ mbrɛ ma Agyenkwa no bɛyɛ no.

Elder Jeffrey R. Holland a ɔkã Duebien no hɔn Quorum ho no kãa dɛ; Dza ohia kãa dɛ: “Dza ohia mpo kyɛn irikasa nye iritsie. … Sɛ yetsie ɔdɔ mu a, dza ɔwɔ dɛ yɛkã no, onnkehia dɛ ɔbɛyɛ hɛn dzen. Sunsum no dze—bɛma hɛn.”¹

Iritsie yɛ dza wɔwea ho a yebotum esũa. Yɛritsie kyerɛ hɛn dɔ ma nkaafo, ɔboa ma hɛn nkitahodzi mu yɛ dzen, na ɔtwe Sunsum no ma ɔdze nhunmu akyɛdze no hyira hɛn ma yetum tse nkaafo hɔn ehiadze ase.² Akwan ahorow enum a yebotum dze etu mbrɛ yesi tsie no mpon no nye yi.

1. Ma Hɔn Mber

Nkorɔfo pii hia mber kakra dze adwen ana wɔakasa. Ma hɔn mber ma wɔmfa ndwen dza wɔbɛkã ho ansaana, nye wɔakã ewiei no (Hwɛ James 1:19). Hɔn ano atɔ no nnkyerɛ dɛ wɔakã dza ɔsɛ dɛ wɔkã no nyina ewie. Mma nnsuro kommyɛ (hwɛ Job 2:11–3:1 na Alma 18:14–16).

2. Yɛ Aso

Yɛdwen ntsɛntsɛm kyɛn mbrɛ binom kasa. Kõ tsia nsɔhwɛ no dɛ ibɛyɛ ntsɛm ebua anaa ebɔdwen dza ebɛkã asɔw hɔn asɛm no do ansaana hɔn ano atɔ (hwɛ Mbɛbusɛm 18:13). Mbom, tsie na yɛ adwen dɛ ibɛtse no ase. Wo mbuae beye koraa osiandɛ nna enya ho ntsease ara yie.

3. Kyerɛkyerɛmu

Mma nnsuro dɛ ibebisa nsɛmbisa a ɔbɛkyerɛkyerɛ biribi a nntse ase mu (hwɛ Mark 9:32). Irekyerɛkyerɛmu no brɛ menntse moho ase adze na ɔkyerɛ w’enyigye wɔ dza wɔrekã no mu.

4. Dwendwen ho

Twa dza atse no tsia na kyerɛ wo ntseasee wɔ onyia no ne nkã-tse ho. Iyi boa hɔn ma wohu dɛ ɔatse hɔn ase na ɔma hɔn kwan ma wɔkyerɛkyerɛ mu.

5. Hwehwɛ Adwen Saa

Nnyɛ biribiara a wɔakã na enye hɔn bɛyɛ adwen kor, mbom gye dza ibotum to mu a ɔnnsakyer warankasa wo nkã-tse. Enye hɔn yɛ adwen a otum boa ma ɔbrɛ atseetsee na aperper adze (hwɛ Matthew 5:25).

President Russell M. Nelson kyerɛkyerɛɛ dɛ ɔsɛ dɛ “yesũa dɛ yebetsie, na yetsie dze sũa adze fi hɛnho nkorkor hɔ.”³ Ber a itsie na iyɛ adwen dɛ ibosũa binom hɔn ho nsɛm no, ibegyina gyinabew yie a ibɛtse hɔn ehiadze ase na atse nkenyan a ɔfa mbrɛ ibesi botum bɔhwɛ hɔn a wɔabɔ wo ho aprɔw no, tse dɛ, mbrɛ Agyenkwa no bɛyɛ.

Iritsie yɛ Adɔyɛ

Asɛm bi a Elder Holland kãa kyerɛ tum a ɔwɔ iritsie mu:

“Me nyɛnko Troy Russel twuuw ne hɛn nyaa fii ne garage. … Ɔtsee dɛ ne taaye ekyir dze no afa biribi do. … Onnkopue a, ne mfe-akron-dɔ babanyin, Austen na n’enyim da famu nsamdo no do no. … Austen efir mu.

“Nna wɔdwedwe Troy a, ɔnnyɛ yie, onntum nda, onntum nnya asomdwee. … Naaso ɔhaw yaayaw yi mu na John Manning … bopue hɔ. …

“Ampaara, minnyim dza nna John na ne fɛfo kumaa no wɔahyehyɛ a wɔdze baa Russell fie no. … Ma minyim nye dɛ ndaansa fefɛw ber no, Onuabanyin Manning tseen ne nsa dze maa Troy Russell do fii ne kaar kwan do abɛbrɛsɛ no mu, tse dɛ ma ɔrema Austen kumaa nankasa do. Tse dɛ … kyerɛwsɛm no mu nua wɔdɛ ɔyɛ no, John faa asɔfodzi asodzi na Troy Russell no nhwɛdo too no do. Ahyɛse noara ɔkãa dɛ, ‘Troy, Austen pɛ dɛ isan gyina w’anan do—a baskɛtbɔl agordzibea kã ho—ntsi anapa biara dɔnhwer 5:15 mebɛba ha. Yɛ krado. …’

Ekyir no, Troy kãa kyerɛɛ me dɛ, ‘“Nna memmpɛ dɛ mobɔkɔ, osiandɛ ber biara menye Austen na yɛkɔ. … Naaso John enntsie, ntsi mokɔree. Ofi da no a odzi kan no, yɛkasae—anaa emi mbom na mekasae na John tsiei. … Ahyɛse no nna ɔyɛ dzen, naaso mber rugu mu no, muhun dɛ menya m’ahoɔdzen wɔ [John Manning] a ɔdɔɔ me no mu na otsie me kesii dɛ ewia hyɛɛ ase puei bio wɔ m’abrabɔ mu.’”⁴