Lima na Ka Era Dau Cakava na Dauvakarorogo Vinaka

Eso na tamata ena gadreva na gauna me ra sokumuna nodra vakasama ni se bera ni ra vosa. Solia vei ira na gauna ni se bera ni ra vosa vakakina ni ra sa tukuna oti e dua na ka (raica na Jemesa 1:19). Ni ra sa vosa oti e sega ni kena ibalebale ni ra sa tukuna kece sara na veika era via tukuna. Kua ni dau rerevaka na galu (raica na Jope 2:11–3:1 kei na Alama 18:14–16).

E totolo cake noda vakasama mai na nodra vosa eso. Vorata na veitemaki mo via kila na ka e vakasamataka se mo sa vakasamataka rawa na ka mo tukuna ni sa oti o ira (raica na Vosa Vakaibalebale 18:13). Ia, vakarorogo ena inaki mo kila. Ena vinaka cake nomu sauma baleta ni ko sa vakaiyaragitaki tu ena kila ka cecere cake.

Kakua ni rere ena taro me matata kina e dua na ka o sega tiko ni kila vinaka (raica na Marika 9:32). Ni qarai na matata ena vakalailaitaka na veilecayaki ka vakaraitaka nomu kauwaitaka na ka e tukuni tiko.

Vakalekataka na ka o rogoca kei na nomu nanuma baleta na ivakarau ni yalona e dua tale. Oqo ena vukea me ra kila kevaka sa kilai na ka era tukuna ka solia vei ira na madigi me ra vakamatatataki ira.

O na sega beka ni duavata ena veika kece e tukuni, ia vakadonuya na ka e rawa me kakua ni vakatanitaka na nomu nanuma. Na duavata e rawa ni vukea me kautani na nanamaki kei na veisaqasaqa (raica na Maciu 5:25).

E dua na italanoa nei Elder Holland e vakaraitaka na mana ni vakarorogo:

“A draivataka mai vakamalua noqu itokani o Troy Russell nona lori mai nona qaraji. … A vakila ni kabata cake e dua na ka nona taya e muri. … A sobu mai ka raica ni sa davo vakatoboicu tu ena simede na luvena tagane yabaki ciwa vakamareqeti o Austen. … Sa takali o Austen.

Ni sa sega ni rawa me moce se sega ni rawa me kunea na vakacegu, sa sega ni vakayalovinakataki rawa o Troy. Ia ena loma ni gauna mosimosi oqori a yaco mai o John Manning.

“Au sega dina ni kila se na ituvatuva cava erau dau sikova kina nodratou vale na Russell o John kei na nona itokani gone. … Na ka ga au kila ena vulaitubutubu sa oti a dolele sobu kina o Baraca Manning ka tomiki koya cake mai na vakacalaka ena icurucuru ni motoka oya me vaka ga ni sa tomiki Austen lailai cake tiko. Me vaka na … vakavuvale se tacina ena kosipeli sa dodonu me vakakina, a colata o John na veimaroroi kei na veikauwaitaki vakamatabete vei Troy Russell. A tekivu ena nona kaya, ‘Austen e vinakata o Troy, mo tucake tale e yavamu—okati kina na rara ni basketbol—au na dau tiko eke ena veimataka ena 5:15. Vakarau tu. …’

“‘Au a sega ni via lako,’ a qai tukuna vei au e muri o Troy, ‘baleta ena veigauna kece keirau dau lako vata kei Austen. … Ia a cike toka ga o John, au sa mani lako. Ena imatai ni siga oya ka lako yani, keitou veivosaki—au a vosa—ka vakarorogo o John. A dredre taumada, ia ni toso na gauna au qai kila niu sa kunea na noqu igu mai vei [John Manning], o koya a lomani au ka rogoci au me yacova ni sa qai cabe tale na matanisiga ena noqu bula.’”⁴