Konsiltasyon konsènan Bezwen Yo

Konprann bezwen yo esansyèl pou nou ka sèvi youn lòt. Men ki fòm bezwen sa yo ka pran, epi èske gen yon bagay anplis nou dwe chèche konnen?

Bezwen ka vini sou plizyè fòm. Moun n ap sèvi yo kapab fè fas ak defi ki emosyonèl, finansye, fizik, edikasyonèl, ak plis. Kèk bezwen gen pi gwo priyorite pase lòt. Kèk ladan yo nap gen mwayen pou ede; lòt ka oblije nou mande èd pou tèt nou. Nan efò nou pou ede reponn ak bezwen lòt moun, pa bliye apèl pou sèvi a gen ladann ede lòt moun pwogrese sou chemen alyans lan, ap prepare pou resevwa òdonans prètriz ki esansyèl pou egzaltasyon.

Anplis konsiltasyon konsènan bezwen yon moun oubyen fanmi l nou dwe chèche konnen pwenfò yo. Ak kisa yo pa bezwen èd? Ki abilite ak don yo genyen ki ka beni lòt moun? Nan ki fason yo gen kapasite inik pou ede konstwi wayòm Bondye a? Li kapab enpòtan pou nou konprann fòs yon moun menmjan ak bezwen l yo.

Youn nan fasèt santral lafwa nou sèke Papa nou ki nan Syèl la pale ak pitit Li yo (gade Atik Lafwa 1:9). Lè nou resevwa yon nouvo asiyasyon pou nou sèvi yon moun, nou ta dwe konsilte ak Papa nou Ki nan Syèl la nan lapriyè, pou nou chache ide epi konprann bezwen ak fòs yo. Pwosesis konsiltasyon sa atravè lapriyè ta dwe kontinye pandan tout asiyasyon sèvis nou an.

Fason ak kilè nou apwoche moun ak fanmi nou aple pou nou sèvi yo kapab varye depann de sikonstans yo, men konsiltasyon dirèk avèk moun nan oubyen fanmi an esansyèl pou bati yon relasyon epi konprann bezwen yo, enkli kijan yo ta vle resevwa èd. Gen kèk kesyon ki ka bezwen tann jiskaske yon relasyon serye devlope. Pandan pa gen yon sèl fason korèk pou fè sa, konsidere bagay sa yo:

Lè nou bati konfyans, konsidere diskite bezwen endividyèl ak familyal yo. Poze kesyon jan Sentespri a enspire w. ¹ Paregzanp:

Sonje ofri yo èd spesifik, tankou, “Ki apremidi nou kapab pote manje pou ou semèn sa a?” Yon òf vag tankou, “Fè nou konnen si gen nenpòt bagay nou ka fè,” pa vrèman itil.

Paske ou menm ak konpanyon w gendwa pa toujou ansanm lè ou nan entèaksyon ak moun nan oubyen fanmi an, li enpòtan pou kowòdone epi konsilte ansanm pou chache enspirasyon kòm konpayon. Men kèk kesyon pou ou konsidere:

Li ka yon bon bagay tanzantan pou pale ak lòt moun ki gen tach pou vizite menm moun oubyen menm fanmi nou genyen yo.

Elder Chi Hong (Sam) Wong nan Swasanndis la aplike yon istwa ki soti nan Mak 2 ak jou nou yo pou ilistre kijan konsiltasyon ansanm rann sa posib pou kat moun jwenn kijan pou yo pèmèt yon nonm ki gen paralizi vin nan prezans Jezi.

Elder Wong te di, “Sa siman te pase konsa.” Kat moun t ap ranpli yon tach evèk yo te ba yo pou y al fè vizit nan fwaye yon mesye ki te gen paralizi. … Nan dènye konsèy pawas la, apre yo te fin pale sou bezwen ki genyen nan pawas la, evèk la te ba yo tach pou yo t al “pote sekou.” Kat moun sa yo te gen tach pou yo t al ede mesye sa. …

“[Lè yo te rive nan kay kote Jezi te ye a,] chanm nan te twò boure. Yo pa t ka rantre nan pòt la. Mwen sèten yo te fè tout sa yo te kapab panse, men yo pa t ka antre. … Yo te konsilte ansanm pou yo te konnen kisa pou yo te fè—kòman yo ta pral mennen mesye sa a bay Jezi pou l te geri li. … Yo te deside yon plan—se pat yon plan fasil, men yo te aplike li.

“… ‘ Yo te dekouvri twatikay kote l te ye an: Apre yo te fin kraze l, yo te glise desann kabann kote nonm ki te gen paralizi la te kouche a (Mak 2:4). …

“… ‘Lè Jezi te wè lafwa yo, li te di nonm ki gen paralizi a, Pitit mwen, peche ou yo padonnen.’ (Mak 2:5).”²

Elder Dieter F. Uchtdorf nan Kolèj Douz Apot yo te di, “Fè konsiltasyon ansanm, itilize tout resous ki disponib, chèche enspirasyon Sentespri a, mande Senyè a konfimasyon Li, epi apresa, twouse manch nou epi al travay.

“M fè nou yon pwomès, si nou suiv modèl sa a, n ap resevwa direksyon pou konnen presizeman kimoun, kisa, kilè, ak ki kote pou nou rann sèvis nan fason Senyè a.” ³