Weliy mornga’agen e Tin nib Tu’uf Roraed

Dam rrin’ e biney ni go’gur. Munon e rayog ni nge ayuwegnem ko tin nib tu’uf ni ngam ayuweg e gidii’.

Ke piningem Got ni ngam machib ngak bee’ fa tabinaew ulan e ward fa branch. Uw rogon ni ngam pir’eg ko mang e pin’em nib tu’uf? Rogon e numon, nike mange n’en ni yibe sap ngay ulan e Galasia, e kiy riy.

Tomuren nikan weliy e n’en ni ngad leam niged i weliy, ma gadaed fa pir’eg e:

Non ngak e Chitamangiy nu Tharmiy.
Non ngak e tabinaew nge cha’an nikan noel ngom ni ngam guy.
Non ngak e cha’an ni gimew.
Mag non ngak e picha’an ni kukun pii’ ngak ta’ab bee’’ nge tabinaew.

Non ngak e pi toygang’ rodaed e kab ga’fan. Numon ni mornga’agen e Machib ulan e Liahona e ran non ngak e pi toygang’ ni woed e murwel ko machib ko biney e murwel.

N’en ni Gadaed be Weliy Mornga’agen

Nang fan e tin nib tu’uf e baga’ fan ni ngan machib gaed ngodaed. Machane mang e tin nib tu’uf, ma ba’ e n’en nib ga’fan ko n’en nib tu’uf ni ngad nanged?

Tin nib tu’uf e rayag ni bo’or rogon. Picha’an ni gadaed be pigpig ngak nibe magawon ni kirbaen’, gafgow ni salpiy, dowef, skul, nge ku bukun ban’en. Boech e tin nib tu’uf e baga’ fan ko boech. Boech e ran pii’ e ayuw ngodaed riy; ma boech e ba tu’uf ni ngad pii’ed rodaed. Murwel rodaed ni gadaed be ayuw i pii’ e tin nib tu’uf, dam pagtilin ni call rodaed ni ngad machib gaed e mu’un i ayuweg e gidii’ ko kanawo’ ni m’ag, fal’eg rogon man thapeg e pi mag ko priesthood nib ga’fan ko falfalen’.

Boech e thin ni mornga’agen e tin nib tu’uf ku bee’’ fa tabinaew, ma thingardi gayed rogon ni ngad filed e tin ni gel rodaed. Mang e n’en ni dani tu’uf e ayuw rodaed riy? Mang e pin’en ni yad ba cheap riy nge tawa’ath ni rayag ni nge fal’eg wa’athan boech e gidii’? Uw rogon ni gaed ba thil nib mangil rogon ni ngar ayuw gaed i toey gil’ilungun Got? Gelngin bee’ e rayag nib ga’fan ningan nang fan ni tin ni tu’uf rok.

Non ngak e Chitamangiy nu Tharmiy

Reb e n’en nib ga’fan ko mich rodaed e Chitamangiy nu Tharmiy e manon ngak Pifaak (muguy ko Kenggin Lekngin e Mich 1:9). Nap’an ni gadaed ra thapeg e murwel nib be’ech ni ngan machib ngak bee’’, thingar di non gaed ngak e Chitamangiy nu Tharmiy ulan e meybil, ni yibe gay e tamilang nge gonop ko tin nib tu’uf roraed nge gelngin raed. Ban’en e numon u dakean e meybil e thingarni ulul ulan e machib rodaed.

Non ngak bee’ nge tabinaew.

Rogon ma we’in e ngad guyed bee’ nge tabinaew nikan pii’ ngodaed ni ngad pigpig gaed ngoraed e be yan u rogon e magawon roraed, machane non ngak bee’ fa tabinaew e baga’ fan i ngongliy e tha’ man nang fan e tin nib tu’uf roraed, nib mu’un rogon ni yad ba adag ni ngan ayuweg raed. Boech e duwer e ba tu’uf ni nge soen nge taw ko ngiyal’ nike fal’ rogon e tha’. Dariy e kanawo’ nib mangil ni ngan rrin’ e binem, mu leam nag e tiney:

Gay ngam nang rogon nge we’in ni yad ba adag ni ngad non ngoraed.
Fill mornga’agen e n’en ni gaed ba’ adag nge mornga’agen raed.
Mu Leam nag e pin’en nrogon ni rayag ni ngam ayuw, mag fith e tafney roraed.

Nap’an ni ran pagan’ ngodaed, man weliy e n’en nib tu’uf rok bee’ fa tabinaew. Mfith e pi duwer nibe pii’ fare Kan ni Thothup.¹ Boed e:

Mang e pi magawon ni gaed be yaen u fithik?
Mang e pi n’en ni ba adag fa tabinaew roraed? Boed ni, yaed ba adag ni nge mangil rogon e mu’ulung roraed nifen e tabinaew ko balayal’, fa ngar cheag gaed?
Uw rogon ni rayag ni ngad ayuweged raed ko pi gol nge pi magawon roraed?
Mang e pi gam’ing ko gospel nibe yib nga lane yafos roraed? Uw rogon ni rayag ni ngad ayuweged raed nge fal’ rogon raed?

Dam pagtilin ni ngam pii’ e ayuw, ni woed e, “Bin ngan e balayal’ e rayag ni nggu pii’ e gan ngom ko biney e wik?” Ayuw ni dani mangil, ni Boed e, “Mu non ngomaed nggu ninged ko fa’anra bay ban’en ni rayag ni nggu rrin’ed,” e dani mangil.

Non ngak e Cha’an ni Gadaed

Gur nge cha’an ni gimew e rayag ni gathi gubin ngiyal’ ma gimew bay u ta’abang nap’an ni gimew be non ngak bee’ fa tabinaew, baga’ fan ni ngan non u ta’abang nap’an ni gimew be gay e ayuw ni nge yib. Ba’aray boech e duwer ni ngan leam nag:

Uw rogon nge uw urngin yay ni ngam non gow ngomew?
Uw rogon ni rayag ni ngam murwel ko gelngim ni ngam pii’ e tin nib tu’uf ko tabinaew fa bee’?
Mange pin’en nikam fil, mange pin’en nike buch rom, nge mange pin’en nikam thapeg ko bin tomur nikam weliy mornga’agen facha’ fa tabinaew?

Non ngak Boech nikan Pii’

Rayag nib mangil boech ni ngan non ngak e picha’an ni ku un pii’ e murwel ngak ni nge ayuweg ta’ab gidii’ fa tabinaew ni gabe ayuweg.

Non ni ngan Pithig e pi Magawon

Elder Chi Hong (Sam) Wong ko fare Medlipi Ragag e weliy ba welthin ni yib ko Mark 2 ko rran rodaed ninge gay rogon e non u ta’abang nike ayuweg aningeg e gidii’ ngan nang rogon ni ngan page ba mo’on nibay e draw rok ninge yib nga pow’chen Yesus.

“Rayag ninge buch ni aray rogon,” e yoeg Elder Wong. “Aningeg e gidii’ e be rrin’ e murwel roraed nikan ko bishop ningan guy, ba mo’on, nga tabinaew rok nib m’ar ko draaw. … Lan fabin mu’ulung ward ni kaffini m’ay, tomuren nikan non u ta’abang ni mornga’agen e tin nib tu’uf ulan e ward, me pii’ e bisof e murwel ningan ‘ayuweg’ e gidii’. Aningeg e pi n’ey e kan pii’ ni nge ayuweg e biney e pumo’on. …

“[Nap’an nra taw gow ko fare nu’un ko gin ni i moy Yesus riy,] ma kaygi sug ko gidii’. Dabyog ni ngar thap gaed u langan e maab. Gumanang ni ri gayed urngin e kanawo’ ni rayag, machane dabyog ni ngar thap gaed. … Ri noned ko mang e bin migid ningan rrin’— ko rogon ningar feked fare pumo’on iyan ngak Yesus ningan gol nag. … Kar nanged ko mang e ngar rrin’ed—ni dani moem, machan e rrin’ed.

“… ‘Ri binged e chig ko gin ni bay riy: ma nap’an ni ri binged, mar paged fare beet nibay fare m’ar ko draaw u dakean’ (Mark 2:4). …

“… ‘Napan ni guy Yesus e mich rorad, me ga’ar ngak e cha’an nib m’ar ko draaw, Fakaag, ke m’ayfan e denen rom’ (Mark 2:5).”²

Pong ni ngan Mithmith Riy

Elder Dieter F. Uchtdorf ko fare Ulung ko fare Ragag nge L’agruwi Apostle e ga’ar, “Noned u ta’abang, murwel ko gubin talne murwel ni bay, ning e ayuw rok fare Kan ni Thothup, fith Somoel, mag teta’aer pa’ e kenggin rom mag yan ko murwel.

“Gube micheg ngom: fa’anra ga’ar fol ko biney e kanawo’, ma gara thapeg e kanawo’ ko mini’, mang, we’in, nge u uw ni yibe pii’ ko wo’en Somoel.”³

© 2018 rok Intellectual Reserve, Inc. Gubin mabay mat’won. Kan yoloey u Meriken. Kan micheg nag ko thin nu Ngalis: 6/17. Micheg i pilyeg: 6/17. Pilyeg ni thin ko Ministering Principles, September 2018. Yapese. 15052 905