Masumasu ena Barivatu
Ena yabaki sa oti keitou a cabe ulunivanua kei tamaqau kei na ganequ. Keitou cabe sara yani vakatitobu ki na loma ni barivatu. Sa tekivu me keitou lakova yani e dua na gaunisala. Keitou kunea eso na qaranivatu lelevu kei na veitukai tua rairai totoka. Keitou cabe tiko ga yani ki cake ka titobu sara tiko na vanua keitou sa cabeta, na veivatu kei na delana cere eso.
Ni oti e dua na gauna lekaleka keitou sa yali. Keitou sa sega ni kila na sala me keitou muria me rawa ni keitou yaco yani ki na botoni barivatu. Keitou sa mai tao tu ena veikau loa, ka keitou sa sega ni raica na delana kei na botoni barivatu. Sa tekivu meu sa rarawa. Au sa sega ni kila na vanua meu muria, ka vakatalega kina o tamaqu!
Sa tekivu me buto ka batabata, ka sa sega ni kilai me keitou na gole tani vakacava ena barivatu oqo. Au kila ni kila tu na Tamada Vakalomalagi na sala me muri.
Au kaya sara, “Kevaka eda via lako tani mai ike, e gadrevi meda masu!” Keitou sa tekiduru ena masu, ka kerea na Tamada Vakalomalagi me liutaki keitou mai na barivatu oqo.
Ni keitou sa tekivu taubale tiko, au sa vakila ni tukuna e lomaqu, ena gauna au raica kina e dua na vunikau balavu, meu vuki ki na imawi. Niu vuki ki na imawi, au sa raica na neitou motoka. Au sa kila ni sa vukei keitou na Tamada Vakalomalagi me keitou kunea neitou sala mai na barivatu oya. E sauma na neitou masu na Tamada Vakalomalagi, ka keitou lako tani bula mai na vanua oya—ena gauna sa dromu tiko kina na matanisiga.
Au vakavinavinaka vakalevu ena kaukauwa ni masu vakakina na Tamada Vakalomalagi ena daligana dau vakarorogo.