2018
Ramase Sara mai Czech Republic.
2018 ni Okotova


Vakacaudreva na Nomu Rarama

Ramase Sara mai Czech Republic

Vakarautaka o Sharon Goodrich, Mekasini ni Lotu

iVakatakilakila
Shining Bright in the Czech Republic

Sai keimami na gone ni Lalai ena Czech Republic Oqo na sala keimami a ramase sara kina ena neimami vanua.

Dua na gauna a yali na noqu qaniliga vakamareqeti. Au a rarawa sara ga. Keirau a masu kei tinaqu, ia keirau a sega ni kunea. Au tovolea me tiko vei au na vakabauta. Ni oti e dua na macawa, a qai kunea na qaniliga o taciqu lailai e gaunisala. Na Kalou sa dau sauma na noda masu. Au lomani Koya, kau kila ni bula tiko o Koya.

Andre W., yabaki 9

Era tu na noqu itokani e koronivuli era sega ni lewe ni Lotu ia era doka na noqu itovo ni bula. Dua na gauna au a kaya me keimami masu, ka ra vakadonuya. Au a marau sara ga.

Ivana A., yabaki 11

Keimami a lako sobu tiko vaka veitokani. Ni keimami sa yaco ena eleveita, sa vaka meu taqaya mai ka kerei ira me keimami kua ni vodo kina. Era sa mani vodo ga kina. Au sa qai vakayagataka ga na ikabakaba. Niu sa yaco e ra, e ratou a sega ni tu kina na noqu itokani. A tao na eleveita o ya. A taura toka e dua na gauna mera qai lako tani mai kina. Au a marau ni sega ni dua na ka levu a yaco. Au a marau talega niu a muria na Yalo Tabu.

Amalie N., yabaki 10

Ena baravi, sa tekivu me buto mai na lomalagi. Sa liwa mai na cagi ka tubu kina na biau lelevu! A vadugu mai na kurukuru, lidi na yaseyase, ka tubu na cava. Sa veiciciyaki na tamata me ra vakaruru. A sega ni rawai keimami na cava. Ena ilakolako lesu i vale, keimami a raica e tolu na drodrolagi. Keimami kila ni sa vukei keimami na Kalou ka taqomaki keimami.

Jakub B., yabaki 10

E dua na noqu itokani e koronivuli era sega ni vinakata na gone me nodra itokani. Era dau vosavakacataki koya eso na gone ka dau yaloluluqa sara kina o koya. Au a kaya vei noqu qasenivuli ka sureti noqu itokani oqo me keirau mai qito vata. A marau sara kina o noqu itokani.

Ludmila V., yabaki 8

Au a cudruvi tinaqu baleta niu sega ni via sili ka laki moce. Ena siga e tarava au a rarawataka na noqu digidigi cala o ya. A kaya o tinaqu ni sa rawa meda masu ka kerea vua na Tamada Vakalomalagi me vosoti keda. Keirau a tekiduru ka masu. A vakacegu na lomaqu. Au sa kila ni da rawa ni veivutuni, ka vosoti, ena vuku ga i Jisu Karisito.

Samuel H., yabaki 5

Au a cavuta na noqu ivakadinadina ena lotu. E gadrevi na yaloqaqa! Sa tekivu mai kina, meu dau vakila na Yalo.

Eliska K., yabaki 11

Ena gauna sa tauvimate kina na noqu vuaka lailai, au a masulaki koya. Au sa vakavinavinaka vakalevu vei Tamada Vakalomalagi ni a vukei keitou.

Aneta P., yabaki 10