ʼAnaʼana-māite-raʼa i roto i te Repūpirita Tchèque

Hōho’a

Shining Bright in the Czech Republic

E mau tamariʼi Paraimere mātou i roto i te Repūpirita Tchèque Teie te huru e ʼanaʼana māite ai mātou i roto i tō mātou fenua.

I te hōʼē taime ʼua moʼe tōʼu rimarima au-roa-hia e au. ʼUa ʼoto roa vau. ʼUa pure māua tōu metua vahine, ʼaita rā te reira i ʼitehia mai e māua. ʼUa tāmata vau e fa’a’ohipa i te faʼaroʼo. Hōʼē hepetoma i muri mai, ʼua ʼite tōʼu teina iti i tōu rimarima i niʼa i te porōmu. E pāhono te Atua i tā tātou pure. ’Ua here au iāna, ’e ʼua ʼite au e tē ora nei ’oia !

Andre W., 9 matahiti

Tē vai nei tōʼu mau hoa i te fare haʼapiʼiraʼa e ʼere i te melo nō te ʼĒkālesia, tē faʼatura nei rā rātou i tōʼu mau tiʼaraʼa. I te hōʼē taime ʼua parau vau e tiʼa ia tātou ʼia pure, ʼe ʼua fāriʼi rātou ! ʼUa oaoa roa vau.

Ivana A., 11 matahiti

Tē pou ra tōʼu mau hoa ʼe ʼo vau i raro I tō mātou taeraʼa i te ʼēʼa uira [ascenseur], ʼua tupu mai te manaʼo hepohepo i roto iāʼu ʼe ʼua ani au i tōʼu mau hoa ʼeiaha ʼia faʼaʼohipa i te reira. ʼUa faʼaoti rātou i te haere atu. ʼUa haere au nē te ʼēʼa I tōʼu taeraʼa atu i raro, ʼaita tōʼu mau hoa i tae mai. ʼUa mau te ʼēʼa uira ! E mea maoro hou rātou ’a haere mai ai i rāpae’au. ʼUa ʼoaʼoa vau e ʼaita te tahi ʼati i tupu. ʼUa ʼoaʼoa atoʼa vau nō te mea ʼua peʼe au i te Vārua Maitaʼi.

Amalie N., 10 matahiti

I te pae tātahi, ʼua haʼamata te raʼi i te faʼarumaruma. ʼUa paʼa’ina te mataʼi ʼe ʼua pūai te miti ! ʼUa tupu mai te pātiri, te uira, ʼe te ua paʼari. ʼUa horo pāʼātoʼa te ta’ata nō te pāruru ia rātou. ʼAita mātou i pēpēhia e te vero. I tō mātou hoʼiraʼa atu i te fare, ʼua ʼite mātou e toru ānuanua. ʼUa ʼite mātou ē ʼua tauturu ʼe ʼua pāruru te Atua ia mātou.

Jakub B., 10 matahiti

I te fare haʼapiʼiraʼa tē vai nei tōʼu hō’ē hoa e ʼaita roa atu te hōʼē pīahi e hinaʼaro i te faʼahoa atu iāna. ʼUa haʼamata te tahi atu mau tamariʼi i te parau i te mau parau ʼino ʼo tei faʼaʼinoʼino iāna. ʼUa parau atu vau i tōʼu ʼorometua haʼapiʼi ʼe ʼua ani au i tōʼu hoa ʼia ha’uti nā muri iāʼu. ʼUa faʼaʼoaʼoa vau i tōu hoa !

Ludmila V., 8 matahiti

ʼUa riri au i tōʼu metua vahine nō te mea ʼaita vau i hinaʼaro i te hopu i te pape ʼe i te haere e taʼoto. I te poʼipoʼi aʼe, ʼua ʼoto vau nō tāʼu māʼitiraʼa ʼino. ʼUa parau mai māmā ē e nehenehe tā tātou e pure ʼe e ani i te Metua i te Ao ra ’ia faʼaʼore mai i tā tātou hape. ʼUa tūturi ʼe ʼua pure māua. ʼUa huru maitaʼi aʼe au. ʼUa haʼapiʼi mai au ē e nehenehe tā tātou e tātarahapa, e maoti ʼo Iesu Mesia, e nehenehe tā tātou mau hara ʼia faʼaʼorehia.

Samuel H., 5 matahiti

ʼUa faʼaʼite au i tōʼu ʼiteraʼa pāpū i te fare pureraʼa. ʼUa tiʼa iāʼu ’ia itoito ! Mai taua taime ra ʼua ʼite au i te Vārua.

Eliska K., 11 matahiti

I te taime ʼua roʼohia tāʼu nei fānau’a pua’a i te maʼi, ʼua pure au nōna. ʼUa māuruuru vau i te Metua i te Ao ra nō te tautururaʼa mai ia mātou.

Aneta P., 10 matahiti