2018
Michael Isaac—Bydgoszcz, Poladi
2018 ni Okotova


iYaloyalo ni Vakabauta

Michael Isaac

Bydgoszcz, Poladi

“Na tauvimate e rawa ni cakava e levu na ka,” e kaya o Michael, ka tauvimate nona ate vuso. Baleta ni sa vakalevutaka na nona vakavinavinakataka na kosipeli na nona tauvimate, e kaya o koya, “ni veivakatovolei vinaka.”

Les Nilsson, dauveitaba

iVakatakilakila
Michael Isaac

Au sucu mai Ethiopia ena 1942 ka lako ki Poladi meu vuli ena 1965. Ena 1991, au sotavi rau na daukaulotu ka lewena na Lotu. Au sa veiqaravi oti vaka peresitedi ni tabana ena loma ni tolu veimama na yabaki. Au veiqaravi vakadaunivakasala ena mataveiliutaki ni kaulotu ena 12 na yabaki. Au a peresitedi tale ni tabana ka qai peresitedi ni tikina. Ka qai tauvimate na noqu ate vuso.

Ena gauna oqo au rawa ni cakava ga e vica na ka ena Lotu. Au dau saga meu tiko ena Sigatabu.

Taumada au a cudru.

“A cava me caka kina vei au?” Au a masu. “Au sa veiqaravi vei kemuni, Turaga.” Ni oti ga vakalailai, sa qai vakaibalebale mai vei au. Na nona yalayala kina na Turaga sai koya “Ia ko koya sa vakabauta niu na vakabulai koya, ka sa sega ni lewai me mate, ena bula ga” (V&V 42:48;).

E tukuna na tikina oqo nida na vakabulai kevaka e sega ni nakiti meda mate.

Era dau masulaki au na lewe ni Lotu, ia e sega tiko ga ni vinaka na noqu bula. Era nanuma ni sa sega ni rogoci na nodra masu, ia era sa rogoci baleta nira sa tamata vinaka cake kina vakakina niu vakila na nodra loloma era vakaraitaka vei au.

Kevaka au a bulabula tu, ena vakacava beka na gauna e vo tu ena noqu yabaki ni bula? E vuqa na ka e se tiko qo e mataqu.

Au dau taleitaka meu goleva na ivolanikalou ka vakasaqarai ira na qaqa era vukei au. Ena gauna au a bulabula tu kina ka veiqaravi tiko, au dau taleitaka na vakamuri Nifai, ia ena vica na gauna au bau vakananumi Jope kina. E tamata vinaka, ka sotava talega o koya na rarawa. E tu dina na na inuinui ena kosipeli.

Ena vanua vakataki Bydgoszcz, kevaka au via sikova na turaga ni tauni, ena sega ni rawa baleta niu sa rui lailai. Ia ena kosipeli, e dola tu ga na katuba meu kaciva na Kalou. Sai koya oqo au taleitaka kina na noqu lotu.

Sa tiko vei au na Lotu. Sa tiko na sala meu veisemati kei na Kalou ena masu, ena lolo, kei na veika kecega eda cakava. Na cava tale au sa gadreva?

Ena so na gauna au dau kaya lo, “Sai koya beka oqo au tauvimate kina—me rawa niu kila vinaka na veika au sa sotava tiko oqo, sa dua dina na inaki cecere oqo.”

Au raica, ni sa daurarawa na watiqu o Renata, baleta niu tauvimate. Au sega ni vinakata me yaco tiko, ia na rarawa e tiki ni kena kilai na loloma. Kevaka e sega ni loloma, ena sega ni rarawa. Na loloma e vukei iko ena nomu vakila ni o sega ni tiko taudua ka tiko o ira na kauwai tiko.

E sega ni dua na ka na mate. Na tamata kece ena mate. E vakatau ena noda rai baleta na mate. Au kila ni bula tiko na Kalou. E lomani keda kece—o au talega. Oqori e vakavuna na noqu rawa ni kaya.

iVakatakilakila
Michael sitting with his wife

Na tauvimate nei Michael e dua na veivakatovolei dredre vei watina, o Renata. “Au raica, ni sa daurarawa na watiqu o Renata, baleta niu tauvimate,” e kaya o koya. “Ia na rarawa e tiki ni kena kilai na loloma. Na loloma e vukei iko ena nomu vakila ni o sega ni tiko taudua ka tiko o ira na kauwai tiko.”

iVakatakilakila
Michael talking to a man at church

E dina ga ni vakaiyalayalataka na veika e rawa ni cakava o Michael na nona tauvimate, ia, e dau kunea na sala o Michael me qaravi ira ka laveti ira na tiko wavoliti koya.

iVakatakilakila
Michael sitting at church

E dau kunea o Michael na veidusimaki kei na inuinui ena ivolanikalou. Ena gauna e bulabula tu kina ka veiqaravi tiko, e dau taleitaki Nifai. “Ia ena gauna oqo au dau vakasamataki Jope ena vuqa na gauna,” e kaya o koya. “E tamata vinaka, ka sotava talega o koya na rarawa.”