2018
E 5 rāveʼa nō te haʼapiʼi mai na roto mai i te ʼāmuiraʼa rahi
’Ātopa 2018


E 5 rāveʼa nō te haʼapiʼi mai nā roto mai i te ʼāmuiraʼa rahi.

Te ʼāmuiraʼa rahi ʼo te hōʼē ïa taime māere nō te ʼāpiti atu i te mau melo ʼo te ʼĒkālesia nā te ao tāʼātoʼa nei nō te faʼaroʼo i te feiā faʼatere o te ʼĒkālesia ʼe ʼia fāriʼi i te arataʼiraʼa nō ō mai i te Fatu ra. Nā te mātaʼitaʼiraʼa, te faʼaroʼoraʼa, ʼe te taiʼoraʼa i te mau poroʼi nō te ʼāmuiraʼa rahi e ’āfaʼi mai i te Vārua i roto i tō ʼoutou oraraʼa ʼe e tauturu i te patu i tō ʼoutou ʼiteraʼa pāpū. ʼO te hōʼē ïa taime nō ʼoutou ʼia fāriʼi ʼe ’ia rave i te ʼohipa i muri aʼe i te fāriʼiraʼa i te heheuraʼa nō ’outou iho.

Teie e pae rāveʼa e nehenehe tā ʼoutou e ha’api’i mai nā roto mai i te ʼāmuiraʼa rahi.

1. E pāpaʼi i tā ʼoutou mau uiraʼa hou ’a haʼamata ai te ʼāmuiraʼa rahi.

E rave i te taime nō te pāpaʼi i tā ʼoutou mau uiraʼa hou ’a haʼamata ai te ʼāmuiraʼa, ʼe ʼa haʼapaʼo maitaʼi i muri iho i te mau pāhonoraʼa ʼo te tae mai ia ʼoutou ra i roto i te ʼāmuiraʼa. E nehenehe tā ʼoutou mau pure ʼe mau uiraʼa e pāhonohia ’a haʼapaʼo ʼe ’a faʼaroʼo ai ʼoutou i te Vārua.

2. E ʼimi i te haʼapiʼi mai nō niʼa i te Mesia.

Hōho’a
Image of Christ

Fa’ata’ara’a nō roto mai Te Mesia ʼe te auvaha ture ʼona, nā Heinrich Hoffman

Tē faʼaʼite nei te mau peropheta i tō rātou ʼiteraʼa pāpū ʼe tē haʼapiʼi nei rātou nō niʼa i te Faʼaora (hiʼo Te mau ʼOhipa 10:43). ’A faʼaroʼo ai ʼoutou i te mau poroʼi nō te ʼāmuiraʼa, e nehenehe ʼoutou ’ia feruri i te mea tā te mau taʼata aʼo e haʼapiʼi nei nō niʼa ia Iesu Mesia. E nehenehe atoʼa tā ʼoutou e hāmani i te hōʼē tāpura i roto i tā ʼoutou mau mea i pāpaʼi.

3. E hiʼo i te mau tumu parau.

Hōho’a
colored pencils

Mau hōhoʼa nā Getty Images; hōhoʼa o te hōʼē taureʼareʼa tāne i niʼa i te tupua’i mouʼa nā Joshua Earle/Unsplash

I muri aʼe i te mātaʼitaʼiraʼa i te tahi o te mau ʼāmuiraʼa rahi, e ʼite paha ʼoutou ē ʼua faʼaroʼo ʼoutou i te hōʼē tumu parau tei faʼahitihia hau atu i te hōʼē taime. Te mau hiʼoraʼa tā ʼoutou i ʼite o te hōʼē paha rāveʼa e tauturu ai te Vārua ia ʼoutou ʼia ʼite i te tahi mea e tiʼa ia ʼoutou ʼia haʼapiʼi mai.

4. E haʼapaʼo i te faʼahitiraʼa o te Buka a Moromona.

Hōho’a
Book of Mormon

E nehenehe tā ʼoutou e haʼapiʼi mai nā roto i te haʼapaʼo-maitaʼi-raʼa i te mau pāpaʼiraʼa moʼa tā te feia faʼatere o te ʼĒkālesia e faʼahiti, te Buka a Moromona ihoa ra, te « ʼōfaʼi tāpeʼa o tā tātou haʼapaʼoraʼa faʼaroʼo » (’ōmuaraʼa o te Buka a Moromona). E hiʼo, mai te mea e nehenehe ia ʼoutou ’ia tāpaʼo i te mau taime atoʼa e faʼahitihia te reira i roto i te ʼāmuiraʼa rahi. E māere ʼoutou i te mea tā ʼoutou e ʼite mai !

5. ’Ia ʼanaʼanatae ʼe ʼia faʼauruhia ʼoutou i te rave i te ʼohipa.

Hōho’a
young man on mountaintop

ʼA pāpaʼi i te mau poroʼi ʼe te mau faʼahitiraʼa parau tei faʼauru ia ʼoutou ʼaore rā tei ani ia ʼoutou ’ia rave i te ʼohipa. E nehenehe te reira e tauturu ia ʼoutou ’ia faʼaʼohipa i te mea tā ʼoutou i haʼapiʼi mai- ʼe e tauturu te reira ia ʼoutou ʼia haʼamanaʼo e aha ra tō ʼoutou mau manaʼo i muri mai ’ia hinaʼaro anaʼe ʼoutou i te faʼahaʼamanaʼo !