Na ivakadinadina e levu cake li mai na vakila walega?

iVakatakilakila

young woman reading the Book of Mormon

Na ivakadinadina sa ka e tukuna tiko na iVakabula ni kaya vei Pita, “Ni sa sega ni vakatakila vei iko na lewe kei na dra, na Tamaqu ga sa tiko mai lomalagi” (Maciu16:17). Sa ikoya oqo na kilaka mai vua na Kalou e vakatakilai mai na Yalo Tabu.

Na Yalo Tabu e vosa ena domo eda vakila cake vakalevu mai na noda rogoca, ia e lako ruarua mai “ki na nomu vakasama kei na vu ni yalomu” (V&V 8:2; ivakabibi e kuri)—na noda vakasama kei na noda vakila talega.

E vakamacalataka na Parofita o Josefa Simici na yalo ni ivakatakila e vakila ni “kilaka savasava ka drodro tiko ki lomamu, ka solia tiko vakasauri na iserau ni vei vakasama” (Nodra iVakavuvuli na Peresitedi ni Lotu: Josefa Simici [2007], 132).

Ni da vukica na noda vakasama kei na lomada—noda vakanananu, na vakila, kei na gagadre—vua na Kalou, ena rawa ni vosa O Koya ki noda vakasama kei na lomada ena domo lailai e vinaka ni Yalo Tabu. Ni taura tiko na yaloda O Koya, na vakila deivaki kei na vakanananu e vaka me taladrodro mai vei keda. Oqo na ivakadinadina e solia O Koya vei keda.