2018
Kōnono Bwe Kwōj Kea
Pedped ko an Jerbal in Karejar, Tijem̧ba 2018


Pija
ministering

Pedped ko an Jerbal in Karejar, Tijem̧ba 2018

Kōnono Bwe Kwōj Kea

Ekanooj lōn̄ wāween ko jemaron̄ kwaļo̧k ke jej kea, eļaptata ilo iien Kurijmōj. Jemaron̄ ba, jeje ilo talboon, je, leļo̧k, jaketo jaketak, jar kake, kōmatte, al kake, bōkwōj e, ikkure kake, karōk e, ak karreeo ki. Baj kajjieon̄ e.

Kwaļo̧k iakwe n̄an ro jet ej lukkuun aorōk ilo jerbal in karejar eo. Būreejtōnji eo Eutiej an Doulul eo an Kōrā ro Jean B. Bingham eaar ba: “Jerbal in karejar eo em̧ool ej tōprak juon iļļo̧k juon kōn iakwe āinwōt kein kōketak eo. … Kōn iakwe āinwōt kein kōketak eo, menin bwilōn̄ ko renaaj waļo̧k, im jenaaj lo wāween ko n̄an bōktok m̧aan im kōrā ro jeid im jatid ro me “rejaniknik” im karuwaineneik er n̄an gospel eo an Jisōs Kraist.”1

Kōtļo̧k bwe ro jet ren jeļā ke jej kea ej menin aorōk n̄an eddōkļo̧k eo an jemjerā ko an juon make. Bōtaab armej ro reoktak rej bōk naan eo ilo wāween ko reoktak. Kōn menin ewi wāween ad kwaļo̧k ad iakwe ilo wāween eo ekkar n̄an ro jet renaaj meļeļe im kam̧olol e? Erkein jet wāween n̄an kōnono n̄an kwaļo̧k ke jej kea, ippān jet lōmņak n̄an am̧ make ijino kōļmenļōkjeņ.

Ba

Jet iien elōn̄ jet wāween n̄an pinej jenkwan am̧ kwaļo̧k en̄jake eo am̧ kōn juon. Ilo an menin maron̄ meļeļe in ba ļo̧k n̄an juon ke kwoj iakwe, ej bar kobaik kwaļo̧k ta ko rem̧m̧an kake er. Wāween in ej jipān̄ kōkajoorļo̧k jemjerā ko. (Lale Epesōs 4:29.)

  • Pukot juon iien em̧m̧an n̄an kōtļōk bwe kajjojo armej en jeļā ewi jon̄an am̧ nōbar e kōn an kajoor.

  • Bōjrakļo̧k, kooļ, ak ijjiōkļo̧k email, jeje ilo taļboon, ak kaat jiron̄ļo̧k armej eo ke kwoj ļōmņak kake.

Loļo̧k

Bōk iien n̄an kōnono im ron̄jake juon armej ej juon wāween n̄an kwaļo̧k ewi jon̄an am kaorōke. Jekdo̧o̧n n̄e kwoj etal n̄an kapijuknen eo, ilo m̧ōn jar eo, ak bar jabdewōt jikin, elōn̄ armej ro rej aikuj juon eo remaron̄ kōnnaan ippān. (Lale Mosaia 4:26; K&B 20:47.)

  • Kōm̧m̧an juon iien loļo̧k, ekkar n̄an aikuj ko an armej eo. Bōk iien n̄an lukkuun ron̄jake im meļeļe kōn wāween eo eppād ie.

  • Ijoko emaron̄ pen n̄an etal n̄an kapijuknen ko kōnke kōn jon̄an ettoļok in, ekkar n̄an m̧anit, ak bar jet wāween ko, lōmņak in pukot juon iien ippān doon ālkin wōt iien jar ko.

Jerbal kōn juon Kōttōpar.

Ļomņak kōn ta aikuj ko an kajjojo armej ak baam̧le. Leļo̧k jerbal in jipan̄ eļap tokjāer ej kōnono ke kwōj kea. Ej kobaik menin letok ko raorōk an iien im kijejeto eo ļōmņak kake. “Jerbal in jipan̄ ko reddrik remaron̄ ļap aer jālōt ro jet,” Sister Bingham eaar ba.2

  • Leļo̧k jerbal in jipan̄ ko me rej kōkajoorļo̧k kajjojo armej ak baam̧le ko aer, eo āinwōt lale ajri ro bwe ro jinen im jemān ren etal n̄an tam̧pel.

  • Kappukot jet wāweein n̄an kōmeraikļo̧k eddo ko n̄e mour ebaj tarjān jon̄an, ko āinwot kareo ki wuntō ko, etetal kōn kidu eo, ak jipān ilo melaaj in mweo.

Kōm̧m̧ani Men ko Ippān Doon.

Elōn̄ jet armej ro rejjab epaakļo̧k ilo kōnono ko remūlaļ. Ippān jet armej, koba ippān doon ej waļo̧k ilo pukot ta ko remman nan komiro jim̧or, im kōjerbal iien ippān doon n̄an kōm̧m̧ane men kein. Irooj eaar rōjan̄ kōj bwe jen “pād ippāer im kōkajoor” (K&B 20:53) ro jeid im jatid.

  • Etetal ippān doon, karōk juon jota n̄an ikkure, ak kōm̧m̧an e juon iien n̄an ekjerjaij ippān doon.

  • Jerbal ippān doon ilo jukjuk in pād ak jerbal ko an Kabun̄.

Leļo̧k juon Menin Leļo̧k

Jet iien ak iien ko rem̧m̧an n̄an kōnono ippān doon elon̄ jon̄an. Ilo elōn̄ m̧anit ko, leļo̧k menin leļo̧k ko ej kōkaļļe in kea im tūriamo. Men̄e ejjab aolep iien, menin leļo̧k eo eļam waan emaron̄ kwaļo̧k ikdeleel n̄an kalōk juon jemjerā eo em̧m̧anļo̧k. (Lale Jabōn Kōnnaan Ko 21:14.)

  • Bōkļo̧k kōm̧aolaļ eo enno̧ tata ippāer.

  • Kwaļo̧k juon kout, eoon jān jeje ko rekwojarjar, ak bar jet ennaan kwoj en̄jake ke remaron̄ jeraam̧m̧an jen e.

Juon Jerbal in Iakwe

Ilo am̧ jeļāļo̧k kajeen ro kwoj jerbal im ro kwoj pukot im̧we eo n̄an er, kwonaj katak eļapļo̧k kōn wāween kōnono kōn iakwe eo am̧ kab am̧ kea kōn er kajjojo.

Kimberly Seyboldt jān Oregon, USA, ej kwaļo̧k bwebwenato in pukōtļo̧k im̧weo eo im leļo̧k men in leļo̧k ko n̄an kwaļo̧k iakwe.

“N̄e n̄aij lo ke mour ej lelaļļo̧k eō, n̄aij jutak lōn̄ tak im kōm̧m̧an zucchini pilawe, ekkā wōt rualitōk ļoob ko. IIōk eo aō ejenolo̧k ej jar eo aō ij kōm̧m̧ane ilo aō kōmat n̄an jeļā wōn ej aikuji ļoob in pilawe ko. Ikar maron̄ in jeļā em̧m̧anļo̧k ro rūturu ipelaakū ilo an pilawe zucchini ko remeņāān aō kein karuwainene n̄an m̧ōko̧ m̧weer im mour ko aer.

“Juōn raan emāņāāņ ilo iien rak, Iaar bōjrak ļo̧k iturin juon baam̧le rej wiakake blackberry iturin wōt iaļ eo. Iaar jab aikuj blackberry, bōtaap ļaddik eo em̧m̧an dettan, e wūdrik ej jutak ijo im lukkuun m̧ōņōņō in lo eō, lomņak ke n̄aij juōn ruwia. Iaar wiaik jet blackberry, bōtaap ekar bar lōn̄ aō mennin leļo̧k n̄an ļaddik eo. Iaar leļo̧k n̄an ļaddik eo ruo ļoop in pilawe. Eaar oktakļo̧k n̄an jemān n̄an bōk mālim, innām ba, ‘Lale, Baba, kiiō elōn̄ kijed n̄an rainin.’ Iaar lukkuun obrak kōn kam̧m̧oolol kōn iaļ in n̄an kwaļo̧k iakwe ilo juōn wāween eļam waan.”

Elder Jeffrey R. Holland jān Doulul eo an Jon̄oulruo Rijilōk ro eaar ba “ej bwe kajjojo em̧m̧aan im kōrā ro—likao im jiron̄ ro—renaaj likūt kweilo̧k in eļap kōn wūjļepļo̧k eļap n̄an kea kōn doon, em̧akūt kōn iakwe eo erreeo an Kraist n̄an kōm̧m̧an āindein. … Jen jerbal kōjaan doon ippān Irooj ilo jikin kallib eo, leļo̧k n̄an Anij im Jemed aolepān juon pein jipan̄ ilo jerbal im uwaaki jar ko, kaenōm̧m̧an, irļo̧k kōm̧jaļļaaļ ko, im kōkajoorļo̧k bukwe ko remōjņo.”3

Jisōs Kraist ej Kea

Ālkin an Jisōs Kraist kar kōjerkakpije Lazarus jen mej, “Jisōs eaar jan̄.

“Innām riJu ro raar ba, Lo ewi jon̄an an iakwe ļeo!” (Jon 11:35–36).

“Ewōr Aō tūriam̧okake kom̧,” Kraist eba n̄an riNipai ro. Innām Eaar kūr n̄an rinan̄inmej im rim̧ōjņo̧ ro aer, im aer riakā, im kōn ripilo ro aer, im “ Eaar kōmour er” (lale 3 Nipai 17:7–9).

Rilo̧mo̧o̧r eo eaar kōm̧m̧ane waanjon̄o̧k eo n̄an kōj ke E ej kea kōn ro jet. Eaar katakin kōj:

“Kwōn yokwe Irooj am̧ Anij kōn aolepen būruom̧ im kōn aolep am̧ im kōn am̧ ļōmņak otemjej.

“En̄in ej kien eo eļap im m̧oktata.

“Im eo kein karuo āinwōt in, Kwōn yokwe ri turum̧ im āinwōt kwe.” (Matu 22:37–39).

Wōn ej aikuj am̧ kea? Ewi wāween am̧ kwaļo̧k n̄an er ke kwōj kea?

Kakeememej ko

  1. Jean B. Bingham, “Jerbal in Karejar āinwōt an Rilo̧mo̧o̧r eo kar Kōm̧m̧ane,” Liaona Māe 2018, 106.

  2. Jean B. Bingham, “Jerbal in Karejar āinwōt an Rilo̧mo̧o̧r eo kar Kōm̧m̧ane,” 104.

  3. Jeffrey R. Holland, “Pād Ippāer im Kōkajoor Er,” Liaona Māe 2018, 103.