Ntak Eke Edikpuhɔde Ndaha Unwam Nnyin

Sia enɔde unwam eto ediwak ntak, ukeme nnyin enyene ndito udɔŋ man inwam mbon efen enyene ata nkabare-esit enyuŋ enehede etie nte Andinyaŋa.

Ini emi nnyin imade mbon efen nte Andinyaŋa amade, nnyin iyom ndinwam nte Enye anwamde. Nte Eti Ekpeme-erɔŋ, Enye edi ata uwutnkpɔ eke ata unwam.

Ke ndinam unwam nnyin etie nte eke Esie, ɔfɔn nditi ke ukeme Esie ndima, nyaŋa, nnwam, nyuŋ ndiɔŋ enyene akpan ntak akan ndiyɔ unana eke idaha ini oro. Ntre Enye ɔkɔk, ɔnɔ-udia, efen-ɔnɔ onyuŋ ekpeb mmɔ nkpɔ. Ntre Enye ɔkɔk, ɔnɔ-udia, efen-ɔnɔ onyuŋ ekpeb mmɔ nkpɔ. Edi Enye okoyom ndinam okpon akan ndiyuhɔ nsat-itoŋ eke mfin kpɔt (se ke John 4:13–14). Enye okoyom mbon emi edude ye Enye etiene Enye (se ke Luke 18:22; John 21:22), ediɔŋɔ Enye (se ke John 10:14; Doctrine and Covenants 132:22–24), enyuŋ ekesim edisana ndaha mmɔ (se ke Matthew 5:48). Ukem oro edi akpanikɔ mfin emi (se ke Doctrine and Covenants 67:13).

Ediwak usuŋ odu emi nnyin ikpenwamde mbon efen, edi kini ntak unwam nnyin edide ndinwam mbon efen edidiɔŋɔ Andinyaŋa enyuŋ ekabare etie nte Enye, nnyin iyenam utom ndikisim usen emi nnyin ididuakke ndikpeb mbɔhiduŋ nnyin ete ediɔŋɔ Jehovah koro ofuri nnyin iyediɔŋɔ Enye (se ke Jeremiah 31:34).

Udɔŋ Andinyaŋa Ama Okpon-akan Unana eke Idaha-ini oro

Ediwak mbon owo enam ekesim ndaha ndida ufan mmɔ nsɔk Jesus man ɔkɔk udɔŋɔ akpa-ubeŋ. Ke akpatre Andinyaŋa ama ɔkɔk owo oro, edi Enye ekenehede ekere ndifen mme idiɔknkpɔ esie nnɔ enye (se ke Luke 5:18–26).
Ini emi otuowo edade nnwan emi ekemumde ke efebe esɔk Andinyaŋa, Enye ndikitre ndibiom enye ikpe ama anyaŋa uwem esie ke ikpɔkidem. Edi Enye okoyom ndinyaŋa ukpɔŋ esie nko, ke ndidɔhɔ enye ete “ka, kuyuŋ unam aba idiɔknkpɔ” (se ke John 8:2–11).
Mary ye Martha ekedɔŋ utom esɔk Jesus ete Enye edi man edinyaŋa ufan Esie, Lazarus. Jesus, emi ama ɔkɔkɔk mbon efen ke ediwak ndaha, ama ebighi ndidi tutu Lazarus edikpa. Jesus ama ɔdiɔŋɔ se ufɔkemana oro ekeyomde, edi ke ndinam Lazarus eset ke mkpa, Enye ama ɔsɔŋɔ ikɔ ntiense mmɔ kabaŋa edisana ndaha Esie (se ke John 11:21–27).

Ewe uwutnkpɔ efen ke mbufo ekpesiak edian mi?

Nso ke Nnyin Ikpenam?

Edieke ntak nnyin edide ndinwam mbon efen ekabare etie nte Andinyanga, oro eyekpuhɔ usuŋ nte nnyin inɔde unwam. Ese mme usuk usuŋ mi eke ifiɔk emi edinwamde ukeme nnyin ke ndinwam.

Akpa Ekikere: Edian Unwam Mbufo ye eke Andinyaŋa

Ofuri ukeme nnyin ke ndinam nti nkpɔ ɔfɔn, edi nnyin imekeme ndiyom mme ufaŋ man isɔŋɔ idian utom-unwam nnyin ye eke Andinyaŋa. Nte uwutnkpɔ, edieke ufɔkemana emi mbufo enwamde edɔŋɔde, ndinɔ-udia ɔkpɔfɔn, edi ekpri mbufo ediwut ima ɔfɔn oto ke ikɔ ntiense mbufo kabaŋa ima emi Andinyaŋa enyenede ɔnɔ mmɔ. Utom emi mbufo enamde ke anwa-esien mmɔ ɔfɔn, edi eyenehede ɔfɔn ke enɔde akam itie-oku.

Elder Neil L. Andersen eke Eboho mme Apostle Duopeba ekpeb ete: “Owo eti esit ekeme ndinwam nsin tire nnɔ owo efen, ada mbɔhiduŋ esie ebine dokta, ɔnɔ owo eke ofuhɔde udia-uwemeyo, mme ndisak nyuŋ nkɔm owo man usen kiet ɔfɔn.

”Edi owo emi anamde akpa mbet eyenehede anam efen nkpɔ adian ke mme akpan utom unwam emi.”¹

Udiana Ekikere: Ewuk-enyin ke Usuŋ Ediomi

Ke nditiŋ ikɔ nnɔ mbon Ufɔk Abasi ke akpa ini nte Adaibuot eke Ufɔk Abasi, President Russell M. Nelson ete, “Edu ke usuŋ ediomi.” Ndinam ye ndinim ediomi “eyeberede usuŋ ɔnɔ ofuri edidiɔŋ spirit ye ifet eke odude.”²

Nte mbon Latter-day Saints, nnyin imebo uduɔk-mmɔŋ, ndori-ubɔk, inyuŋ ibɔ enɔ Edisana Spirit. Irenowo emi edotde ema ebɔ itie-oku. Nnyin ika temple ikebɔ endowment man idiana ɔtɔkiet nte ufɔkemana ke nsinsi. Mme edinam erinyaŋa emi ye ediomi ekesaŋade do edi akpan-nkpɔ ɔnɔ nnyin ke ndikabare ntie nte Enye man nnyin ikeme ndidu ye Enye.

Nnyin imekeme ndinyene akpan ubiɔŋ ndinam ke ndinwam mbon efen ke usuŋ oro ke nte nnyin inwamde mmɔ ndinim ediomi mmɔ nyuŋ mbeŋe mmɔ idem ndinam mme ediomi kini iso.³ Didie ke mbufo edinwam owo kiet-kiet mme ufɔkemana emi mbufo enwamde ebɔ edinam ikɔ-Abasi efen emi mmɔ eyomde? Emi ekeme ndiwɔrɔ ndinwam mbeŋe ete idem man onim eyen-anwan esie baptism, ndinam ediomi efen emi editienede anwaŋa, mme ndibuana mme usuŋ man enyene ata ifiɔk-ukpeb ke ndifiak nam ediomi nnyin ke ndidia udia-Ɔbɔŋ.

Ɔyɔhɔ Ekikere Ita: Ekot enyuŋ enɔ Nsɔŋɔ-nda

Ke nte odotde, eneme ye mbon emi mbufo esede enyin kabaŋa nkabare-esit ye ukeme mmɔ ke ndinehede nam-nkpɔ nte Christ. Enam mmɔ ediɔŋɔ ɔsɔŋɔ emi mbufo ekutde enyuŋ emade ke idem mmɔ. Eduŋɔre ese ebiet emi mmɔ ekemede ndinam ɔfɔn enyuŋ eneme ebaŋa nte mbufo ekemede ndinwam. (Ke ndifiɔk awak kabaŋa ndinɔ-item ɔtɔkiet ye mbon emi mbufo enwamde, se ke “Eteme kabaŋa Unana Mmɔ,” Liahona, Sept. 2018, 6–9.)

Ekukop ndik ndikot mmɔ ete etiene Andinyaŋa enyuŋ enyime man Enye anwam mmɔ ke ndisim edisana ndaha mmɔ. Ikoot emi ekeme ndidi ata edikpuhɔ-nkpɔ ke uwem, kini asaŋade ye mbufo ediwut ɔsɔŋɔ-uko ye mbuɔtidem mbufo nnɔ mmɔ.

Mme Usuŋ Itiokiet emi Nnyin Ikemeke Ndinwam Mbon efe Ekɔri ekesim Christ.

Mme ekikere eketienede mi edi se idinwamde mbon efen ke ndinam uwem ɔfɔn nyuŋ ɔkɔri ke usuŋ ediomi. (Se ke Preach My Gospel, chapter 11, for more ideas.)

Euana Enam akpanikɔ enyuŋ esɔŋɔ-eda kini ebuanade nte Andinyaŋa akanwamde mbufo ke nte mbufo ekenwanade ndidu mkpere Enye ke ndinam ukpebnkpɔ ikɔ Abasi ke ufɔt ini ubiɔŋɔ.
Edidiɔŋ emi ekenwɔŋɔde. Mme owo enyene ntak ndikpuhɔ emi okponde akan ntak emi mmɔ mikpekpuhɔke. Ndinam mme edidiɔŋ emi asaŋade do anwaŋa ye utom ekeme ndinɔ ata ɔsɔŋɔ udori (se ke Doctrine and Covenants 130:20–21).
Ekot. Ndinam ukpebnkpɔ ikɔ Abasi eyeda ikɔ ntiense emi edide akpanikɔ edi (se ke John 7:17) onyuŋ ada ekesim ata edikabare-esit.⁴ Ofuri nneme ekeme ndisine esisit ikoot ndinam nkpɔ emi edinamde mmɔ enyene ekɔri.
Enam uduak ɔtɔkiet. Nso iditibe man mmɔ ekut unen ke ndinam ubiere mmɔ ke ndikpuhɔ? Didie ke mbufo ekpenwam? Ndi enim ini enɔ ndinam oro?
Unwam Kini ekemede, etɔŋɔ mboho unwam eke mme owo emi ekemede ndinwam owo oro ɔbɔ unwam onyuŋ okut-unen. Kpukpru nnyin imoyom adausuŋ.
Efiak ekese. Ebuana nkɔri kini-kini. Eyiri ke se ekeduakde ndinam edi efiak enam ɔfɔn edieke anade nte enam ntre. Enyene ime, eyiri, enyuŋ enɔ nsɔŋɔ-nda. Edikpuhɔ-nkpɔ ekeme ndida ini.

Ikoot man Anam-nkpo

Ekere-ebaŋa usuŋ ukeme mbufo ke ndinwam—akamba ye ekpri—ekemede ndinwam mbon efen ndisɔŋɔ nkabare-esit mmɔ nyuŋ nkabare ntie nte Andniyaŋa.

© 2018 otode Intellectual Reserve, Inc. All rights reserved. Ekeming ke USA. Enyime edikabare ke Ikɔ Mbakara: 6/18. Enyimme Ndikabare: 6/18. Edikabare eke Ministering Principles, January 2019. Efik. 15762 553