ព្យាការី​នៅរស់

សូម​សរសេរ​សំណួរ​ដូច​ខាង​ក្រោម​នៅលើ​ក្ដារខៀន ៖ តើ​នរណា​ជា​ព្យាការី​សំខាន់​បំផុត​ចំពោះអ្នក ?

សូម​អញ្ជើញ​សិស្ស​ក្នុង​ថ្នាក់​ឲ្យពិចារណា​សំណួរ​នេះ ហើយស្ដាប់​មើល​ចម្លើយ នៅពេល​ពួកគេ​អាន​សេចក្ដីថ្លែង​ការណ៍​ដូចខាង​ក្រោម​ដោយ​ប្រធាន អ៊ែសរ៉ា ថាហ្វ ប៊ែនសឹន ។​

រូបភាព

ប្រធាន អ៊ែសរ៉ា ថាហ្វ ប៊ែនសឹន

« ព្យាការី​សំខាន់​បំផុត​ចំពោះ​យើង​រាល់គ្នា​ក្នុង​ពេល​នេះ​នោះ​គឺ​ជា​ព្យាការី​ម្នាក់​ដែល​កំពុង​តែ​នៅរស់ក្នុង​សម័យ និង ជំនាន់​របស់​យើង​នេះ​ឯង » (Jesus Christ—Gifts and Expectations »New Era, ខែ ឧសភា ឆ្នាំ ១៩៧៥ ទំព័រ ១៧ ) ។

• ហេតុអ្វី​អ្នកគិតថាព្យាការី​នៅរស់ គឺ​ជា​ព្យាការីសំខាន់​បំផុត​សម្រាប់​យើង ?

បន្ទាប់​ពី​សិស្ស​ឆ្លើយ​រួចហើយ​ សូម​បន្ត​អាន​សេចក្តីថ្លែងការណ៍​របស់​ប្រធានប៊ែនសឹន ៖

រូបភាព

ប្រធាន អ៊ែសរ៉ា ថាហ្វ ប៊ែនសឹន

« នេះ​គឺ​ជា​ព្យាការី​ដែល​មាន​នូវ​សេចក្តីណែនាំ​នាសម័យនេះ ពី​ព្រះ​សម្រាប់​យើង ។… គ្រប់ជំនាន់ មានតម្រូវការចាំបាច់​នូវ​បទគម្ពីរ​ពីបុរាណ បូក​រួម​ទាំង​គម្ពីរ​បច្ចុប្បន្នកាល​មកពី​ព្យាការី​នៅរស់ ។ ហេតុដូច្នោះ​ហើយ ការ​អាន និងការ​ពិចារណា​ដ៏​សំខាន់​បំផុត​ដែលអ្នក​គប្បី​ធ្វើ នោះគឺ​ពាក្យ​ពេចន៍​ដ៏បំផុសគំនិត​ថ្មីៗបំផុត​មកពី​មាត់​នៃ​អ្នក​នាំ​ពាក្យ​របស់ព្រះអម្ចាស់ ។ នោះហើយ​ជា​មូលហេតុ​ចាំបាច់​ដែល​អ្នក​មាន​សិទ្ធិ និង អាន​ដោយ​យកចិត្ត​ទុក​ដាក់​នូវ​ពាក្យ​របស់​លោក នៅក្នុងទស្សនាវដ្តី​ប្រចាំ​ខែ​របស់​សាសនាចក្រ » (Jesus Christ—Gifts and Expectations » ទំព័រ ១៧ ) ។

សូម​ពន្យល់ថា យើងគាំទ្រសមាជិកទាំអស់នៃគណៈប្រធាន​ទីមួយ និង កូរ៉ុម​នៃ​ពួកសាវក​ដប់ពីរ​នាក់​ជា​ព្យាការី អ្នក​មើល​ឆុត និង អ្នក​ទទួល​វិវរណៈ ។ ប៉ុន្តែ ប្រធានសាសនាចក្រ​គឺ​ជា​បុគ្គល​តែម្នាក់​គត់​ដែល​មាន​សិទ្ធិ​អំណាច ដើម្បី​អនុវត្ត​កូនសោ​បព្វជិតភាព​ទាំងអស់​នៅលើ​ផែនដី​នេះ ហើយ​ជា​បុគ្គល​តែម្នាក់​គត់​ដែល​មាន​សិទ្ធិ​អំណាចដើម្បី​ទទួល និង ប្រកាស​វិវរណៈ​សម្រាប់​សាសនាចក្រ​ទាំង​មូល ។

• យោងតាម​អ្វី​ដែល​បាន​រៀន​នៅក្នុង​មេរៀនថ្មីៗនេះ តើ​ពេល​ណា​ដែល​ប្រធាន​សាសនាចក្រ​បាន​ប្រកាស​វិវរណៈ​សម្រាប់​សាសនាចក្រ​ទាំងមូល ឬ ប្រកាស​ពី​ការផ្លាស់ប្តូរ​ពិសេសៗ​នៅ​ក្នុងដំណើរ​ការ​នានា​នៃ​សាសនាចក្រ ? ( ចម្លើយ​អាច​រួមមាន ប្រធាន វិលហ្វូឌ វូឌដ្រុព្វ បាន​ចេញនូវគោលនយោបាយ​ស្ដីអំពី​អាពាហ៍ពិពាហ៍​ពហុពន្ធភាព [​ សូមមើល សេចក្ដីប្រកាស​ជាផ្លូវ​ការទី ១] នៅពេល​ប្រធាន យ៉ូសែប អេហ្វ ស៊្មីធ បានប្រកាស​កាលពីមុនអំពីសេចក្ដីពិត​ដែលពុំ​បាន​ដឹងឮពីមុនមក អំពី​ពិភពវិញ្ញាណក្រោយជីវិត​រមែង​ស្លាប់ [សូមមើល គ. និង ស. ១៣៨] និង​នៅពេល​ដែលប្រធាន ស្ពែនស៊ើរ ដបុលយូ ឃឹមបឹល បានប្រកាស​ថា ពរជ័យ​នៃបព្វជិតភាព ត្រូវ​បាន​ធ្វើឡើង​ឲ្យ​មាន​សម្រាប់​សមាជិក​សក្ដិសម​ទាំងអស់​នៃ​សាសនាចក្រ [សូមមើល​ សេចក្ដីប្រកាស​ជាផ្លូវការ​ទី ២]) ។

សូមអញ្ជើញសិស្ស​ម្នាក់​អាន​សេចក្ដី​ថ្លែងការណ៍ដូច​ខាងក្រោម​ដោយ​ប្រធាន ឌៀថើរ អេស្វ អុជដូហ្វ ឲ្យ​ឮៗ ។ សូម​អញ្ជើញ​សិស្ស​ក្នុង​ថ្នាក់​ស្ដាប់​មើល​សេចក្ដីពិត​មួយ ស្ដីអំពី​វិវរណៈ​នៅក្នុង​ជំនាន់​របស់​យើង ។

រូបភាព

ប្រធាន ឌៀថើរ អេហ្វ អុជដូហ្វ

« សារដំណឹង​ដ៏​រុងរឿង​មួយ​នៃ​ការស្តារឡើងវិញ​នូវ​សាសនាចក្រ​នៃ​ព្រះយេស៊ូវគ្រីស្ទ​នៃ​ពួកបរិសុទ្ធ​ថ្ងៃ​ចុងក្រោយ​គឺថា ព្រះទ្រង់​បន្ត​មាន​បន្ទូល​មកកាន់​កូនចៅ​របស់​ទ្រង់ ! ទ្រង់​មិន​លាក់​ទុកនៅក្នុង​ស្ថានសួគ៌​ឡើយ ប៉ុន្តែ​មាន​ព្រះបន្ទូល​នៅ​សម័យ​នេះ​ដូចដែល​ទ្រង់​បាន​ធ្វើ​នៅក្នុង​សម័យ​បុរាណ​ដែរ ។

« ដំបូន្មាន​ដែល​មិន​អាច​កាត់ថ្លៃ​បាន​របស់​ព្រះ​ចំពោះ​មនុស្សលោក​គឺ ត្រូវបាន​រកឃើញ​នៅក្នុង​ព្រះគម្ពីរ​ប៊ីប ព្រះគម្ពីរ​មរមន​គោលលទ្ធិ និង សេចក្តីសញ្ញា និង មុក្ដា​ដ៏​មាន​តម្លៃ​មហិមា ។ ជាងនោះទៀត ព្រះអម្ចាស់​មានបន្ទូល​តាមរយៈ​អ្នកបម្រើ​ទាំងឡាយ​របស់​ទ្រង់ ដូចដែល​ទ្រង់​នឹង​ធ្វើ​ម្តងទៀត​នៅ​ឯ​… សន្និសីទ​ទូទៅ » (« Why Do We Need Prophets ? » Ensign, ខែ មិនា ឆ្នាំ ២០១២ ទំព័រ ៤ ) ។

• តើគោលលទ្ធិអ្វីខ្លះ ស្ដីអំពី​វិវរណៈ​ដែល​ប្រធាន អុជដូហ្វ បង្រៀន​ដល់​យើង ? ( សិស្ស​អាច​នឹង​ប្រើ​ពាក្យ​ផ្សេង ប៉ុន្តែ​ពួកគេ​គួរ​ប្រាប់​អ្វី​ស្រដៀងគ្នា​ទៅនឹង​សេចក្ដីថ្លែងការណ៍​ខាង​គោលលទ្ធិ​ដូច​ខាងក្រោម ៖ ព្រះអម្ចាស់​បន្ដ​មាន​បន្ទូលមកកាន់​យើង​នៅសព្វថ្ងៃនេះ តាមរយៈ​ព្យាការី​នៅរស់​របស់​ទ្រង់ ។ អ្នក​អាច​នឹង​ចង់​សរសេរ​គោលលទ្ធិ​នេះ​នៅលើ​ក្ដារខៀន ) ។

• តើ​យើង​អាច​ស្វែងរក​ពាក្យ​សម្ដី​របស់​ពួកព្យាការី​នៅរស់នៅទីណា ? ( ចម្លើយ​អាច​រួម​មាន​សន្និសីទ​ទូទៅ ទស្សនាវដ្តីនៃសាសនាចក្រ គេហទំព័រ, LDS.orgនិង mormonchannel.org) ។

ដើម្បីជួយ​សិស្ស​ឲ្យ​យល់​ពី​សារៈសំខាន់ ដែល​ព្រះអម្ចាស់បន្តមាន​បន្ទូល​មក​កាន់​ព្យាការី​នៅរស់​របស់​ទ្រង់ សូម​អញ្ជើញ​សិស្ស​ម្នាក់​ឲ្យ​អាន​សេចក្តីថ្លែងការណ៍​ខាង​ក្រោម​នេះ​ដោយ​ប្រធាន យ៉ូហាន ថេលើរ ឲ្យ​ឮៗ ។ សូម​ឲ្យ​សិស្ស​ក្នុង​ថ្នាក់​ស្ដាប់រក​មូលហេតុ ដែល​វិវរណៈ​បន្ត​មាន​តាមរយៈ​ព្យាការី​នោះ​សំខាន់អ្វី​ម្ល៉េះ ។

រូបភាព

ប្រធាន យ៉ូហាន ថេលើរ

« យើង​តម្រូវ​ឲ្យ​មាន​ដើម​ឈើ​ដែល​មាន​ជីវិត—ប្រភពទឹក​រស់—បញ្ញា​ដែល​រស់​រវើក ដែលចេញ​មក​ពី​បព្វជិតភាពដែលកំពុងមានជីវិតនៅឋានសួគ៌ តាមរយៈ​បព្វជិតភាពដែល​កំពុង​នៅរស់​នៅលើ​ផែនដី​នេះ ។… ហើយ​ចាប់តាំងពីពេល​ដែល​អ័ដាម​បាន​ទទួល​ទំនាក់ទំនង​ដំបូង​ជាមួយ​ព្រះ … វា​ត្រូវបានតម្រូវ​ឲ្យ​មាន​វិវរណៈ​ថ្មីៗ សមស្រប​ទៅនឹង​កាលៈទេសៈពិសេសេៗ​នេះ​ដែល​សាសនាចក្រ ឬ បុគ្គល​ម្នាក់​ៗ​ត្រូវ​បាន​ដាក់​ឲ្យ​រស់នៅ​នោះ ។ វិវរណៈ​របស់អ័ដាម​ពុំ​បាន​ណែនាំ​ណូអេ​ឲ្យ​សង់សំពៅ​ទេ ហើយវិវរណៈ​របស់​ណូអេ ពុំបាន​ប្រាប់​ឡុត​ឲ្យ​បោះបង់​ចោល​ទីក្រុង​សូដុំមដែរ ហើយវិវរណៈទាំងនេះ​ក៏​ពុំ​បាន​និយាយ​អំពី​ការ​ធ្វើដំណើរ​របស់​កូនចៅ​អ៊ីស្រាអែល​ឲ្យ​ចាកចេញ​ពី​អេស៊ីព្ទ​ដែរ » ( នៅក្នុង The Gospel Kingdom​ជ្រើសរើស​ចេញ​ដោយ G. Homer Durham [ ឆ្នាំ ១៩៨៧ ] ទំព័រ ៣៤ ) ។

• យោងតាម​ប្រធាន​ថេលើរ​ហេតុអ្វី​យើង​ត្រូវការ​ព្យាការី​នៅរស់ ? ( តាមរយៈ​ព្យាការី​នៅរស់ នោះ​ព្រះ​បាន​ប្រទាន​ការណែនាំ​ជាក់លាក់ចំពោះ​សេចក្តីត្រូវការ និង កាលៈទេសៈតាមកាលវេលា ) ។

• តើ​ការយល់​ដឹង​ពី​ភាព​ចាំបាច់​នៃ​ការ​បន្ត​មាន​វិវរណៈ អាច​ជះឥទ្ធិពល​លើ​របៀប​ដែល​អ្នក​ស្តាប់ ឬ អាន​ប្រសាសន៍​របស់​ព្យាការី​នៅរស់​យ៉ាង​ដូចម្តេច​ ?

ដើម្បី​ជួយ​សិស្ស​ឲ្យ​ពិភាក្សា​គ្នា​ពី​ការទូន្មាន​របស់​ព្យាការី​នៅរស់ សូម​ជ្រើសរើស​យក​សុន្ទរកថា​សន្និសីទ​ទូទៅ​មួយ ឬ ច្រើន​ជាង​នេះ​ដែល​បាន​ផ្តល់​ឲ្យ​ដោយ​ប្រធាន​សាសនាចក្រ​កាល​ពី​ឆ្នាំ​មុន ។ សូម​ផ្ដល់​ច្បាប់​ចម្លង​នៃសុន្ទរកថា​នោះ​ទៅ​សិស្ស​ម្នាក់​មួយ​ច្បាប់ ។ សូម​ទុក​ពេល​ឲ្យ​សិស្ស​ស្វែងរក​គោលលទ្ធិ និង គោលការណ៍​ដែល​ព្យាការី​នៅរស់​កំពុង​បង្រៀន​បច្ចុប្បន្ន​នេះ ។

បន្ទាប់ពីសិស្ស​មានពេល​គ្រប់គ្រាន់​ដើម្បី​អាន​ហើយ សូម​ឲ្យ​ពួកគេ​ធ្វើ​ជា​បញ្ជី​គោលលទ្ធិ និង គោលការណ៍​ដែល​ប្រធានសាសនាចក្រ​កំពុង​បង្រៀន ។ សូម​គិត​ពីការអញ្ជើញ​សិស្ស​ម្នាក់​ឲ្យ​សរសេរ​ចម្លើយ​របស់​ពួកគេ​នៅលើ​ក្តារខៀន ។

ដើម្បីជួយសិស្ស​យល់ និង ដឹងពីសារៈសំខាន់​នៃគោលលទ្ធិ និង គោលការណ៍​ទាំង​នេះដែល​ពួកគេ​បាន​រកឃើញ សូម​សួរ​សំណួរមួយចំនួន ឬ ទាំងអស់​ដូច​ខាង​ក្រោម ៖

• តើគោលការណ៍ ឬ គោលលទ្ធិ​ណាមួយ​ដែល​អ្នក​ទទួល​អារម្មណ៍​ថា​វា​ទាក់ទងយ៉ាង​ពិសេសជាមួយ​នឹង​អ្នក ? ហេតុអ្វី ?

• តើ​អ្នក និង គ្រួសារ​របស់​អ្នក​កំពុង​ព្យាយាម​ធ្វើ​តាម​ការទូន្មាន​របស់​ព្យាការី​តាមរបៀប​ណា​ខ្លះ ?

• ហេតុអ្វី​អ្នក​គិត​ថា​វាសំខាន់ ដែល​យើង​ត្រូវ​សិក្សា ហើយ​អនុវត្ត​នូវ​អ្វី​ដែល​ប្រធាន​សាសនាចក្រ​បច្ចុប្បន្ន​នេះ​កំពុង​បង្រៀន ?

សូមសរសេរ សំណួរ​ខាង​ក្រោម នៅលើ​ក្ដារខៀន ហើយ​អញ្ជើញ​សិស្ស​ឲ្យ​ឆ្លើយ​សំណួរទាំង​នេះ​នៅ​ក្នុង​សៀវភៅ​កំណត់ចំណាំ​ក្នុង​ថ្នាក់ ឬ កំណត់ហេតុ​ការ​សិក្សា​ព្រះគម្ពីរ​របស់​ពួកគេ ៖

សូម​លើក​ទឹកចិត្ត​សិស្ស​ឲ្យ​អនុវត្ត​អ្វី​ដែល​ពួកគេ​បាន​សរសេរ ។ សូមថ្លែងទីបន្ទាល់​ថា​នៅពេល​ពួកគេ​ធ្វើ​ដូច្នេះ នោះពួកគេ​អាច​មាន​ទំនុក​ចិត្ត​ថា​ព្រះវរបិតាសួគ៌​នឹង​ប្រទានពរ​ដល់​ពួកគេ ។ សូម​លើក​ទឹកចិត្ត​សិស្ស​ឲ្យ​បន្ត​សិក្សា និង អនុវត្ត​ការបង្រៀននានា​របស់​ព្យាការីនៅរស់ឲ្យបានជាប់លាប់ ។

សូមអញ្ជើញសិស្សឲ្យ​ចែកចាយ​ទីបន្ទាល់​របស់​ពួកគេ​អំពី​ព្យាការី​នៅរស់ ។

នៅពេល​បញ្ចប់​ថ្នាក់​សិក្ខាសាលា​ឆ្នាំសិក្សា​នេះ សូម​លើក​ទឹកចិត្ត​សិស្ស​ឲ្យ​បន្ត​សិក្សា​ព្រះគម្ពីរ​រៀងរាល់​ថ្ងៃ ។ បើពួកគេ​នឹង​ចូល​រៀន​ថ្នាក់សិក្ខាសាលា​វគ្គ​ក្រោយទៀត អ្នកអាច​នឹង​ផ្ដល់​យោបល់​ថា ពួកគេ​ចាប់ផ្ដើម​ការ​សិក្សា​ព្រះគម្ពីរ​សញ្ញា​ចាស់ ។ អ្នកអាច​នឹង​អញ្ជើញ​សិស្ស​ម្នាក់​ឲ្យថ្លែង​ទីបន្ទាល់​អំពី​ពរជ័យ​ដែល​គាត់​បាន​ទទួល​ដោយ បន្ដ​ការអាន​ព្រះគម្ពីរ​ប្រចាំ​ថ្ងៃ ទោះជា​ពេល​ដែល​ថ្នាក់សិក្ខាសាលា​ពុំ​មានក្នុង​រដូវកាល​នោះក្ដី ។