ថ្នាក់​សិក្ខាសាលា
សេចក្តីណែនាំ​ស្ដីពី​ចំណេះចំណានខគម្ពីរ


សេចក្តីណែនាំ​ស្ដីពី​ចំណេះចំណានខគម្ពីរ

ថ្នាក់​សិក្ខាសាលា និង ថ្នាក់​វិទ្យាស្ថាន​សាសនា​បាន​ជ្រើសរើស​វគ្គ​ចំណេះ​ចំណាន​ខគម្ពីរ​ចំនួន ២៥ សម្រាប់​ថ្នាក់​សិក្ខាសាលា​នីមួយៗ​នៃ​វគ្គសិក្សា​ថ្នាក់​សិក្ខាសាលា​ទាំងបួន​វគ្គ ។ វគ្គ​ខគម្ពីរ​ទាំង ១០០ ផ្តល់​សារៈសំខាន់​ជា​មូលដ្ឋានគ្រឹះ​មួយ​ខាង​បទគម្ពីរ សម្រាប់​ការយល់ដឹង និង ការចែកចាយ​ដំណឹងល្អ​ព្រមទាំង សម្រាប់​ការពង្រឹង​ដល់​សេចក្តី​ជំនឿ ។

អ្នក​ត្រូវបាន​លើកទឹកចិត្ត​ឲ្យ​ទន្ទេញ​ចាំ​ចំណេះ​ចំណាន​ខគម្ពីរ​ទាំងនេះ ។ ការទន្ទេញ​ចាំ​ចំណេះ​ចំណាន​ខគម្ពីរ​រួម​មាន​ដូច​តទៅ ៖

  • ការរកឃើញ​ទីតាំង ខគម្ពីរ​ទាំងឡាយ​ដោយ​ការដឹងពី សេចក្តីយោង​ព្រះគម្ពីរ​ដែល​ទាក់ទង​គ្នា

  • ការយល់ពី​បរិបទ និង មាតិកា​នៃ​វគ្គបទគម្ពីរ

  • ការអនុវត្តន៍​តាម គោលការណ៍ និង គោលលទ្ធិ​ទាំងឡាយ​នៃ​ដំណឹងល្អ ដែល​បាន​បង្រៀន​នៅ​ក្នុង​វគ្គ​បទគម្ពីរ​នោះ

  • ការទន្ទេញចាំ​នូវ​វគ្គបទគម្ពីរ​ទាំងឡាយ

នៅ​ក្នុងសេចក្តីណែនាំ​ការសិក្សា​ទាំងនេះ អ្នក​នឹង​សិក្សា​អំពី​ចំណាន​ខគម្ពីរ​ចំនួន ២៥ ខណៈដែល​លេច​ឡើង​នៅ​ក្នុង​វគ្គសិក្សាគោលលទ្ធិ និង សេចក្តីសញ្ញា និង ប្រវត្តិ​សាសនាចក្រ ។ ការទន្ទេញ​ចាំ​នូវ​វគ្គ​បទគម្ពីរ​ទាំងឡាយ តម្រូវ​ឲ្យ​មាន​ការប្រឹងប្រែង ។ ការប្រព្រឹត្ត​ដោយ​ទៀងទាត់ និង ដដែលៗ​ក្នុង​ការរៀន​ចំណេះ​ចំណាន​ខគម្ពីរ នឹង​ជួយ​អ្នក​ឲ្យ​ចងចាំ​សេចក្ដីពិត​នានា​បាន​យ៉ាង​យូរ​ទៅ​ពេល​ខាង​មុខ ។ អ្នក​អាច​សម្រេចចិត្ត​ចំណាយ​ពេល​ពីរ​បី​នាទី​រាល់​ថ្ងៃ សិក្សា​វគ្គ​ចំណេះចំណាន​ខគម្ពីរ ។ សូម​ស្វែងរក​ឱកាស​ប្រើ ចំណេះចំណាន​ខគម្ពីរ​ទាំងនោះ នៅ​ពេល​អ្នក​ពន្យល់​អំពី​គោលលទ្ធិគ្រឹះ​នៃ​ដំណឹងល្អ​ទៅ​ដល់​មនុស្ស​ទូទៅ ។