មេរៀនទី ៨២ ៖ កិច្ចការ ១:៩-២៦

មេរៀនទី ៨២

កិច្ចការ ១:៩-២៦

សេចក្ដីផ្ដើម

បន្ទាប់ពីការណែនាំដល់ពួកសិស្សរបស់ទ្រង់អស់រយៈពេល ៤០ ថ្ងៃ នោះព្រះយេស៊ូវគ្រីស្ទបានយាងត្រឡប់ទៅស្ថានសួគ៌វិញ ។ ពួកសាវក និងអ្នកដទៃទៀតបានរួបរួមគ្នានៅក្នុងការអធិស្ឋាន និងការទូលអង្វរ ។ តាមរយៈការបំផុសគំនិត ម៉ាត់ធាស ត្រូវបានហៅឲ្យបំពេញក្នុងតំណែងទំនេរ នៅក្នុងកូរ៉ុមនៃពួកសាវកដប់ពីរនាក់ដែលបន្សល់ទុកពីការក្បត់ និងការស្លាប់របស់យូដាសអេស្ការីយ៉ុត ។

យោបល់សម្រាប់ការបង្រៀន

បង្កើតបរិយាកាសដែលពោរពេញដោយសេចក្តីស្រឡាញ់ ការគោរព និង គោលបំណង ។

សូមស្វែងរកវិធីនានាដើម្បីបង្កើតបរិយាកាសរៀនសូត្រមួយ ដែលប្រកបដោយសេចក្ដីស្រឡាញ់ ការគោរព និងគោលបំណងដោយខ្ជាប់ខ្ជួន ។ សូមជួយសិស្សឲ្យមានអារម្មណ៍កក់ក្តៅនឹងគ្នាទៅវិញទៅមក ដោយការលើកទឹកចិត្តពួកគេឲ្យរៀនអំពីចំណាប់អារម្មណ៍ ទេពកោសល្យ ឧបសគ្គ និងលទ្ធភាពរបស់គ្នាទៅវិញទៅមក ។ វិធីមួយដើម្បីបង្កើតបរិយាកាសបែបនេះបាន គឺការអញ្ជើញសិស្សឲ្យចែកចាយពីបទពិសោធន៍ និង ទស្សនៈដែលចេញមកពីការសិក្សាព្រះគម្ពីរផ្ទាល់ខ្លួនរបស់ពួកគេជាមួយគ្នា ។

កិច្ចការ ១:៩-១២

ព្រះអង្គសង្គ្រោះយាងឡើងទៅស្ថានសួគ៌

សូមសរសេរសំណួរខាងក្រោមនេះដាក់លើក្ដារខៀន ៖ ត្រូវ ឬខុស ?

សូមអានសេចក្ដីថ្លែងការណ៍ដូចខាងក្រោម អំពីការយាងមកជាលើកទីពីររបស់ព្រះយេស៊ូវគ្រីស្ទ ។ សូមអញ្ជើញសិស្សឲ្យចង្អុលបង្ហាញថា តើសេចក្ដីថ្លែងការណ៍នោះ ត្រូវ ឬខុស ។ (កំណត់ចំណាំ ៖នៅក្នុងមេរៀនត្រង់ចំណុចនេះ សិស្សពុំចាំបាច់ស្គាល់ចម្លើយចំពោះសំណួរនីមួយៗ ឬចំណាយពេលច្រើនពេក ដើម្បីពិភាក្សាចម្លើយរបស់ពួកគេនោះទេ ) ។

ព្រះយេស៊ូវគ្រីស្ទនឹងយាងត្រឡប់មកផែនដីនៅថ្ងៃចុងក្រោយ ។
នៅការយាងមកជាលើកទីពីររបស់ទ្រង់ ព្រះយេស៊ូវគ្រីស្ទនឹងលេចមកជួបតែពួកសុចរិតតែប៉ុណ្ណោះ ។
ដោយសារតែព្រះយេស៊ូវនឹងលាក់អត្តសញ្ញាណមិនឲ្យនរណាដឹង នៅពេលទ្រង់យាងមកម្ដងទៀត នោះមនុស្សស្ទើរតែទាំងអស់នឹងមិនដឹងថា ការយាងមកជាលើកទីពីរកើតឡើងទេ ។

អ្នកអាចនឹងចង់រំឭកដោយសង្ខេប អំពីចម្លើយចំពោះសេចក្ដីថ្លែងការណ៍នីមួយៗ ៖ (១) ត្រូវ ( សូមមើល ម៉ូសេ ៧:៦០); (២) ខុស ( សូមមើល យ៉ូសែប ស្ម៊ីធ—ម៉ាថាយ ១:២៦; គ. និង ស. ១០១:២៣); (៣) ខុស ( សូមមើល គ. និង ស. ៤៩:២២–២៣) ។

ចូរពន្យល់ថា អំឡុងការបម្រើនៃជីវិតរមែងស្លាប់របស់ទ្រង់ ព្រះយេស៊ូវគ្រីស្ទ បានព្យាករថា នៅក្នុងថ្ងៃចុងក្រោយ មានមនុស្សមួយចំនួននឹងប្រកាសផ្សាយនូវការបង្រៀនខុសឆ្គងអំពីការយាងមកជាលើកទីពីររបស់ទ្រង់ ( សូមមើលយ៉ូសែប ស្ម៊ីធ—ម៉ាថាយ ១:២២-២៥) ។

តើយើងអាចដឹងថា ការបង្រៀនជាក់លាក់មួយអំពីការយាងមកជាលើកទីពីររបស់ព្រះយេស៊ូវគ្រីស្ទគឺត្រូវ ឬខុសយ៉ាងដូចម្ដេច ? ( ប្រសិនបើយើងស្ដាប់ព្រះបន្ទូលរបស់ព្រះអង្គសង្គ្រោះ និងពាក្យសម្ដីរបស់ពួកព្យាការីរបស់ទ្រង់ នោះយើងអាចចៀសវាងពីការបោកបញ្ឆោត [ សូមមើលយ៉ូសែប ស្ម៊ីធ—ម៉ាថាយ ១:៣៧] ) ។

សូមអញ្ជើញសិស្សឲ្យរកមើល ពេលពួកគេបន្ដសិក្សាកិច្ចការ ១រកមើលសេចក្ដីពិតសំខាន់អំពីការយាងមកជាលើកទីពីររបស់ព្រះយេស៊ូវគ្រីស្ទ ។

សូមរំឭកពួកគេថា ព្រះអង្គសង្គ្រោះ បានណែនាំដល់សិស្សរបស់ទ្រង់អស់រយៈពេល ៤០ ថ្ងៃ បន្ទាប់ពីការរស់ឡើងវិញរបស់ទ្រង់ ( សូមមើលកិច្ចការ ១:៣) ។ សូមដាក់តាំងបង្ហាញរូបភាពការយាងឡើងទៅវិញ (Gospel Art Book [ ឆ្នាំ ២០០៩ ]ទំព័រ ៦២ សូមមើលគេហទំព័រ LDS.org ផងដែរ ) ។

រូបភាព

ការយាងឡើងទៅវិញរបស់ព្រះយេស៊ូវ

សូមអញ្ជើញឲ្យសិស្សម្នាក់អាន កិច្ចការ ១:៩-១២ ឮៗ ។ ចូរសុំសិស្សក្នុងថ្នាក់ឲ្យផ្ទៀងតាម ហើយរកមើលនូវអ្វីដែលបានកើតឡើង បន្ទាប់ពីព្រះអង្គសង្គ្រោះបញ្ចប់ការបង្រៀនដល់ពួកសាវករបស់ទ្រង់ ។

តើអ្វីខ្លះបានកើតឡើង បន្ទាប់ពីព្រះអង្គសង្គ្រោះបញ្ចប់ការបង្រៀនដល់ពួកសាវករបស់ទ្រង់ ?
ប្រសិនបើអ្នកបានឃើញព្រះអង្គសង្គ្រោះយាងឡើងទៅស្ថានសួគ៌វិញ តើអ្នកមានគំនិត និងអារម្មណ៍យ៉ាងណា ?

ចូរពន្យល់ថា នៅក្នុងជំនាន់អ៊ីស្រាអែលពីបុរាណ ពេលខ្លះដុំពពកមួយដុំគឺជាការតំណាងអំពីវត្តមាន និងសិរីល្អនៃព្រះដែលមើលឃើញនឹងភ្នែក ( សូមមើលនិក្ខមនំ ៤០:៣៤) ។ ពពកដែលប្រាប់នៅក្នុងកិច្ចការ ១:៩គឺជាពពកនៃសិរីល្អ ( សូមមើល Bible Dictionary« Cloud ») ហើយបុរសពីរនាក់ដែលប្រាប់នៅក្នុងខ ១០គឺជាពួកទេវតា ។

តើពួកទេវតាប្រាប់ពួកសាវកអំពីអ្វីខ្លះ ?
តើអ្នកគិតថា វាមានន័យយ៉ាងណាដែលព្រះយេស៊ូវនឹងយាងមក « តាមបែបនោះ » (កិច្ចការ ១:១១) នៅពេលទ្រង់យាងឡើងទៅវិញ ? ( បន្ទាប់ពីសិស្សបានឆ្លើយ សូមសរសេរសេចក្ដីពិតខាងក្រោមនៅលើក្ដារខៀន ៖នៅឯការយាងមកជាលើកទីពីររបស់ទ្រង់ ព្រះអង្គសង្គ្រោះនឹងយាងចុះមកពីស្ថានសួគ៌នៅក្នុងសិរីល្អ ។

ចូរចង្អុលបង្ហាញថា ការយាងឡើងទៅវិញរបស់ព្រះអង្គសង្គ្រោះ បានកើតឡើងនៅលើភ្នំដើមអូលីវ ( សូមមើលខ ១២) ។ ចូរពន្យល់ថា នៅពេលព្រះអង្គសង្គ្រោះយាងមកម្ដងទៀត ការលេចមករបស់ទ្រង់ នឹងមាននៅពេលទ្រង់នឹងយាងឡើងទៅវិញ ហើយគង់នៅលើភ្នំដើមអូលីវ ( សូមមើលសាការី ១៤:៤,គ. និង ស. ៤៥:៤៧-៥៣,គ. និង ស. ១៣៣:១៩-២០) ។ នេះនឹងកើតឡើងពីមុនការយាងមកដ៏អស្ចារ្យ និងមហិមារបស់ទ្រង់ចំពោះពិភពលោក ( សូមមើលអេសាយ ៤០:៥) ។

តើការស្គាល់លក្ខណៈនៃការយាងមកវិញរបស់ព្រះអង្គសង្គ្រោះ អាចជួយយើងចៀសផុតពីការបោកបញ្ឆោត ខណៈដែលយើងរង់ចាំការយាងមកជាលើកទីពីររបស់ទ្រង់យ៉ាងដូចម្ដេច ?

កិច្ចការ ១:១៣-២៦

ម៉ាធាស ត្រូវបានជ្រើសរើសដើម្បីបំពេញកិច្ចការនៅក្នុងកូរ៉ុមនៃពួកសាវកដប់ពីរនាក់

ចូរពន្យល់ថា បន្ទាប់ពីពួកសាវកបានត្រឡប់មកដល់ទីក្រុងយេរូសាឡិមវិញ ពួកគេបានជួបជុំគ្នាជាមួយនឹងពួកបុរស និងស្ត្រីស្មោះត្រង់មួយចំនួន រួមទាំងម៉ារា ដែលជាមាតារបស់ព្រះយេស៊ូវដើម្បីអធិស្ឋាន និងថ្វាយបង្គំ ។ សូមអញ្ជើញសិស្សឲ្យអានកិច្ចការ ១:១៣ដោយស្ងាត់ស្ងៀម ហើយរាប់ចំនួនពួកសាវកដែលបានសរសេរនោះ ។ សូមឲ្យសិស្សរាយការណ៍ពីអ្វីដែលពួកគេរកឃើញ ។

តើហេតុអ្វីមានតែពួកសាវក ១១ នាក់នៅជំនាន់នោះ ? ( យ៉ូដាស អេស្ការីយ៉ុត បានក្បត់ព្រះយេស៊ូវគ្រីស្ទ រួចហើយបានបញ្ចប់ជីវិតរបស់ខ្លួន [ សូមមើល ម៉ាថាយ ២៧:៣-៥] ) ។

សូមសង្ខេបកិច្ចការ ១:១៥-២០ដោយពន្យល់ថា ពេត្រុស បានឈរនៅចំពោះមុខពួកសិស្ស ១២០ នាក់ ហើយបានដំណាលអំពីការស្លាប់របស់ យ៉ូដាស អេស្ការីយ៉ុត ។ ដោយសារ យូដាស គឺជាសាវកម្នាក់ក្នុងចំណោមដប់ពីរនាក់ នោះពួកសាវកបានជួបជុំគ្នាដើម្បីជ្រើសរើសសាវកថ្មី ។

សូមអញ្ជើញសិស្សឲ្យពិពណ៌នាអំពីរបៀបផ្សេងៗ ដែលអ្នកដឹកនាំមួយចំនួនដូចខាងក្រោមត្រូវបានជ្រើសរើស ៖ ជាមេក្រុម អ្នកដឹកនាំក្នុងរដ្ឋាភិបាលមូលដ្ឋាន ជាស្ដេច ឬម្ចាស់ក្សត្រី និងជាប្រធានក្រុមហ៊ុនជាដើម ។

តើអ្វីខ្លះជាគុណសម្បត្តិមួយចំនួននៃតំណែងអ្នកដឹកនាំទាំងនេះ ?

សូមបង្ហាញរូបភាពមួយ ឬរូបថតរបស់គណៈប្រធានទីមួយបច្ចុប្បន្ន និងកូរ៉ុមនៃពួកសាវកដប់ពីរនាក់ ហើយថ្លែងទីបន្ទាល់ថា បុរសម្នាក់ៗទាំងនេះគឺជាសាវករបស់ព្រះយេស៊ូវគ្រីស្ទ ។ ចូរសុំឲ្យសិស្សពិចារណាអំពីរបៀប ដែលសាវកម្នាក់របស់ព្រះយេស៊ូវត្រូវបានជ្រើសរើស និងគុណសម្បត្តិអ្វីខ្លះដែលមនុស្សម្នាក់មាន ដើម្បីបម្រើជាសាវកមួយរូបនោះ ។

សូមបំបែកសិស្សឲ្យធ្វើការជាដៃគូ ។ សូមអញ្ជើញពួកគេឲ្យអានកិច្ចការ ១:២១-២៦ឮៗ ជាមួយនឹងឪពុកម្ដាយរបស់ពួកគេ ហើយរកមើលរបៀបដែលសាវកថ្មីត្រូវបានជ្រើសរើសបន្ទាប់ពីការស្លាប់របស់ យូដាស អេស្ការីយ៉ុត ។

តើការណ៍ដែល « ពួកគេចាប់ឆ្នោត » មានន័យយ៉ាងណា ? (ខ ២៦) ។

អ្នកអាចនឹងចង់ពន្យល់ថា ការចាប់ឆ្នោតពីបុរាណមានន័យដោយស្មោះថា ជាការបង្កើតការសម្រេចចិត្តមួយ ដែលបានបង្ហាញនូវការទុកចិត្តទៅលើព្រះក្នុងការដឹកនាំលទ្ធផល ( សូមមើលកិច្ចការ ១:២៦,សូមមើលផងដែរសុភាសិត ១៦:៣៣) ។ « ប្រសិនបើពួកគេចាប់ឆ្នោត វាគឺជាឧទាហរណ៍មួយដែលថា ព្រះអម្ចាស់បានជ្រើសរើសលទ្ធផល ។ ទោះជាយ៉ាងណាក៏ដោយ ប្រហែលជា ‹ ពួកគេចាប់ឆ្នោត › នោះដោយសន្មតថាជា ‹ ការគាំទ្រដល់ការបោះឆ្នោត › ដើម្បីលើកតម្កើងដល់អ្នកដែលព្រះបានជ្រើសរើសឲ្យបម្រើនៅក្នុងភាពជាសាវកដ៏ពិសិដ្ឋ » ( Bruce R. McConkie, Doctrinal New Testament Commentary វ៉ុលទី ៣ [ ឆ្នាំ ១៩៦៥–៧៣ ] ២:៣២ ) ។

ស្របតាមខ ២១-២២តើគុណសម្បត្តិអ្វីខ្លះដែលពេត្រុសបាននិយាយថា សាវកថ្មីត្រូវតែមាន ? ( គាត់ត្រូវតែជាអ្នកដើរតាមព្រះយេស៊ូវគ្រីស្ទ ក៏ជាសាក្សីអំពីការបម្រើ និងការរស់ឡើងវិញរបស់ទ្រង់ផងដែរ ) ។
តើអ្វីខ្លះដែលធ្វើឲ្យអ្នកចាប់អារម្មណ៍យ៉ាងខ្លាំង ចំពោះការអធិស្ឋានរបស់ពួកសាវកដែលបានកត់ត្រានៅក្នុងខ ២៤-២៥?
តើសេចក្ដីពិតអ្វីខ្លះ ដែលយើងអាចរៀនមកពីខ ២៤អំពីរបៀបដែលសាវកម្នាក់របស់ព្រះយេស៊ូវគ្រីស្ទត្រូវបានហៅ ? ( សិស្សអាចនឹងប្រើពាក្យផ្សេងៗ ប៉ុន្តែចូរប្រាកដថា ត្រូវគូសបញ្ជាក់ថាពួកសាវករបស់ព្រះយេស៊ូវត្រូវបានហៅដោយព្រះតាមរយៈវិវរណៈ ។ ចូរសរសេរសេចក្ដីពិតនេះនៅលើក្ដារខៀន ហើយអញ្ជើញសិស្សឲ្យពិចារណាអំពីការសរសេរវានៅក្នុងគម្ពីររបស់ពួកគេនៅជិតនឹងខ ២៤) ។
ហេតុអ្វីក៏អ្នកគិតថា វាសំខាន់ដែលសាវកម្នាក់ត្រូវបានហៅដោយព្រះ តាមរយៈវិវរណៈជំនួសឲ្យការជ្រើសរើសនៅក្នុងរបៀបមួយ ស្រដៀងទៅនឹងការជ្រើសរើសអ្នកដឹកនាំដទៃទៀតនៅក្នុងលោកិយនេះ ?

ដើម្បីបង្ហាញពីរបៀបដែលសាវកថ្មីម្នាក់ ត្រូវបានហៅដោយព្រះតាមរយៈវិវរណៈ សូមអញ្ជើញសិស្សម្នាក់ឲ្យអានអំពីដំណើររឿងដូចខាងក្រោមមកពីជីវិតរបស់ប្រធាន ហ៊ីប៊ើរ ចេ ក្រាន្ត ៖

រូបភាព
ប្រធាន ហ៊ីប៊ើរ ចេ ក្រាន្ត

« ប្រធាន [ ហ៊ីប៊ើរ ចេ ] ក្រាន្ត បានទទួលវិវរណៈក្នុងនាមជាប្រធានសាសនាចក្រដើម្បីដឹកនាំសាសនាចក្រទាំងមូល ។ វិវរណៈដូច្នេះមានបន្ទាប់ពីលោកត្រូវបានញែកចេញជាប្រធាននៃសាសនាចក្រ នៅពេលលោកបានស្វែងយល់ពីព្រះឆន្ទៈរបស់ព្រះអម្ចាស់ នៅក្នុងការតែងតាំងសមាជិកថ្មីនៃកូរ៉ុមនៃពួកសាវកដប់ពីរនាក់ ។ នៅពេលលោកបានពិចារណាអំពីការទទួលខុសត្រូវនេះ គំនិតរបស់លោកបានគិតម្ដងហើយម្ដងទៀតអំពីមិត្តជិតស្និទ្ធម្នាក់ឈ្មោះ រីឆាដ ដ័បុលយូ យ៉ង់ ជាពួកបរិសុទ្ធថ្ងៃចុងក្រោយស្មោះត្រង់ម្នាក់ និងជាអ្នកដឹកនាំល្អម្នាក់ ។ ប្រធាន ក្រាន្ដ បានពិភាក្សាអំពីលទ្ធភាពនេះជាមួយនឹងទីប្រឹក្សារបស់លោក ដែលបានគាំទ្រដល់ការសម្រេចចិត្តរបស់លោក ។ នៅទីបំផុត ពេលលោកបានមានទំនុកចិត្តដើម្បីធ្វើកិច្ចការនេះ ដូច្នេះលោកក៏បានសរសេរឈ្មោះរបស់មិត្តលោកនៅលើក្រដាសមួយសន្លឹក ហើយបាននាំយកក្រដាសនោះទៅជាមួយលោកទៅក្នុងការប្រជុំក្នុងព្រះវិហារបរិសុទ្ធប្រចាំសប្ដាហ៍ជាមួយគណៈប្រធានទីមួយ និងកូរ៉ុមនៃពួកដប់ពីរនាក់ ។ ទោះជាយ៉ាងណាក៏ដោយ នៅពេលលោកហៀបនឹងបង្ហាញឈ្មោះ ដើម្បីទទួលបានការអនុមតិពីបងប្អូនប្រុសរបស់លោក លោកពុំអាចធ្វើដូច្នោះបានទេ ។ ផ្ទុយទៅវិញលោកបានបង្ហាញឈ្មោះរបស់ មែលវិន ជេ បាឡឺដ ដែលជាបុរសម្នាក់លោកពុំសូវស្គាល់ជំនួសឲ្យឈ្មោះ រីឆាដ ដ័បុលយូ យ៉ង់ ។ ក្រោយមកប្រធាន ក្រាន្ដ បានប្រាប់អំពីឥទ្ធិពលនៃបទពិសោធន៍នេះដែលមានមកលើលោក ៖

« ‹ ខ្ញុំបានដឹងពីការបំផុសគំនិតនៃការដឹកនាំរបស់ព្រះដ៏មានព្រះជន្មរស់នៅក្នុងកិច្ចការរបស់ខ្ញុំ ។ ចាប់តាំងពីថ្ងៃដែលខ្ញុំបានជ្រើសរើសមនុស្សម្នាក់ដែលប្រៀបផ្ទឹមបានជាមនុស្សចម្លែក ឲ្យធ្វើជាសាវក ជំនួសឲ្យមិត្តជិតស្និទ្ធ និងជាទីស្រឡាញ់របស់ខ្ញុំ នោះខ្ញុំបានដឹងថា ដរាបណាខ្ញុំនៅរស់ នោះខ្ញុំត្រូវបានទទួលនូវពន្លឺ និងការបំផុសគំនិត និងការណែនាំរបស់ព្រះនៅក្នុងការដឹកនាំកិច្ចការរបស់ទ្រង់នៅលើផែនដីនេះ › » (Teachings of Presidents of the Church: Heber J. Grant [ ឆ្នាំ ២០០២ ], ១៨១–៨២)។

តើសេចក្ដីពិតដែលបានបង្រៀននៅក្នុងកិច្ចការ ១:២៤បានគួសបង្ហាញនៅក្នុងដំណើររឿងនេះ ដែលពិពណ៌នាអំពីការហៅបម្រើរបស់ពួកសាវកសម័យទំនើបយ៉ាងដូចម្ដេច ?
តើការហៅបម្រើរបស់សាវកម្នាក់បង្ហាញថា ព្រះអង្គសង្គ្រោះបន្ដដឹកនាំសាសនាចក្ររបស់ទ្រង់យ៉ាងដូចម្ដេច ? ( អ្នកអាចនឹងចង់រំឭកសិស្សអំពីសេចក្ដីពិត ដែលបានបង្រៀននៅក្នុងកិច្ចការ ១:២—ថាព្រះយេស៊ូវដឹកនាំសាសនាចក្ររបស់ទ្រង់ ដោយការបើកសម្ដែងអំពីព្រះឆន្ទៈរបស់ទ្រង់តាមរយៈព្រះវិញ្ញាណបរិសុទ្ធ ) ។

សូមយោងទៅរូបភាព ឬរូបថតដែលអ្នកដាក់បង្ហាញពីមុនអំពីពួកសាវកដែលនៅរស់ ។ អ្នកអាចនឹងចង់ចំណាយពេលដើម្បីជួយសិស្សរៀន ឬរំឭកឈ្មោះរបស់ពួកគេ ។

សូមសរសេរសំណួរខាងក្រោមនេះនៅលើ ក្តារខៀន ៖

តើបទពិសោធន៍អ្វីខ្លះដែលបានជួយអ្នកស្គាល់ថា ពួកសាវកនៅរស់ត្រូវបានហៅដោយព្រះ ?

ហេតុអ្វីក៏វាសំខាន់ដែលអ្នកត្រូវមានទីបន្ទាល់មួយថា ពួកសាវកនៅរស់ត្រូវបានហៅដោយព្រះនោះ ?

សូមអញ្ជើញពួកគេឲ្យសរសេរចម្លើយ ឆ្លើយសំណួរមួយ ចូលក្នុងសៀវភៅកំណត់ចំណាំក្នុងថ្នាក់ ឬសៀវភៅកំណត់ត្រាការសិក្សាព្រះគម្ពីររបស់ពួកគេ ។ សូមអញ្ជើញសិស្សពីរបីនាក់ឲ្យចែកចាយចម្លើយរបស់ពួកគេនៅក្នុងថ្នាក់ ។

សូមបញ្ចប់ដោយការថ្លែងទីបន្ទាល់ អំពីសេចក្ដីពិតដែលសិស្សបានប្រាប់នៅក្នុងកិច្ចការ ១:៩-២៦ ។

រូបភាព
រូបសញ្ញាចំណេះចំណានខគម្ពីរ
ការរំឭកពីចំណេះចំណានខគម្ពីរ

ដើម្បីជួយសិស្សរំឭកចំណេះចំណានខគម្ពីរចំនួន ១០ ដំបូង ចូរសរសេរនូវសេចក្ដីយោងដូចខាងក្រោម និងពាក្យគន្លឹះឆ្លើយឆ្លងនៅលើក្ដារខៀន ( ប្រសិនបើអ្នកចង់បាន អ្នកអាចផ្ដល់ដល់សិស្សនូវច្បាប់ចម្លងនៃតារាង) ៖

ម៉ាថាយ ៥:១៤–១៦	ចូរឲ្យពន្លឺរបស់អ្នករាល់គ្នាបានភ្លឺ ។	លូកា ២៤:៣៦–៣៩	រូបកាយដែលបានរស់ឡើងវិញ គឺមាននូវសាច់ និងឆ្អឹង ។
ម៉ាថាយ ១១:២៨–៣០	ចូរមកឯខ្ញុំ ។	យ៉ូហាន ៣:៥	កើតអំពីទឹក និងអំពីព្រះវិញ្ញាណ
ម៉ាថាយ ១៦:១៥–១៩	កូនសោនៃនគរស្ថានសួគ៌	យ៉ូហាន ១៤:៦	ជាផ្លូវ ជាសេចក្តីពិត និងជាជីវិត
ម៉ាថាយ ២២:៣៦–៣៩	ស្រឡាញ់ព្រះអម្ចាស់ស្រឡាញ់អ្នកជិតខាងខ្លួន ។	យ៉ូហាន ១៤:១៥	បអនករលគនសរឡញខញចរកនតមបញញតតរបសខញច
ម៉ាថាយ ២៨:១៩–២០	បង្រៀន និង ជ្រមុជទឹកឲ្យគ្រប់សាសន៍ទាំងអស់ ។	យ៉ូហាន ១៧:៣	ការស្គាល់ព្រះ និងព្រះយេស៊ូវគ្រីស្ទ គឺជាជីវិតដ៏នៅអស់កល្បជានិច្ច ។

សូមបំបែកសិស្សឲ្យធ្វើការជាដៃគូ ។ ចូរសុំឲ្យសិស្សរំឭកជាមួយដៃគូរបស់ពួកគេអំពីចំណេះចំណានខគម្ពីរ ដែលបានសរសេរនៅលើក្ដារខៀន ។ អ្នកអាចនឹងផ្ដល់យោបល់ឲ្យដៃគូម្នាក់អានឮៗនូវពាក្យគន្លឹះមកពីចំណេះចំណានខគម្ពីរ ហើយដៃគូម្នាក់ទៀត ប្រាប់អំពីសេចក្ដីយោងដែលឆ្លើយឆ្លងគ្នានោះ ។ សូមអញ្ជើញសិស្សឲ្យឆ្លាស់តួនាទីគ្នារហូតដល់ពួកគេបានរំឭកវគ្គបទគម្ពីរទាំង ១០ ។

ប្រសិនបើមានពេល សូមពិចារណាធ្វើការផ្ដល់ចំណោទមួយដល់សិស្ស ។ សូមផ្ដល់ក្រដាសមួយសន្លឹកដល់សិស្ស ដែលរួមមានទាំងពាក្យគន្លឹះសម្រាប់ចំណេះចំណានខគម្ពីរនីមួយៗ ដែលមាននូវបន្ទាត់ទទេមួយ ។ សូមអញ្ជើញសិស្សឲ្យសរសេរសេចក្ដីយោងឆ្លើយឆ្លងគ្នានៅលើបន្ទាត់ទទេនោះ ។ បន្ទាប់ពីផ្ដល់ពេលគ្រប់គ្រាន់ហើយ សូមពិនិត្យមើលចំណោទនោះ ។

សេចក្តីពន្យល់ និង ព័ត៌មានសាច់រឿង

កិច្ចការ ១:១៨ ។ ការស្លាប់របស់យូដាស

ការបកប្រែរបស់ យ៉ូសែប ស្ម៊ីធ ជួយបញ្ជាក់អំពីភាពខុសគ្នារវាងម៉ាថាយ ២៧:៣-៥ដែលកត់ត្រាថា យូដាស បានចងកខ្លួនឯង ហើយកិច្ចការ ១:១៨ដែលកត់ត្រាថា យូដាសបានដួល ហើយ « ធ្លាយពោះ ហើយពោះវៀនក៏ចេញទ្រេល » ។ ការបកប្រែរបស់ យ៉ូសែប ស្ម៊ីធ អំពីម៉ាថាយ ២៧:៦អានដូចខាងក្រោមនេះ ៖ « វាក៏បោះប្រាក់ចោលទៅក្នុងព្រះវិហារ រួចចេញទៅក្រៅ ហើយបានចងកខ្លួនឯងនៅលើដើមឈើមួយ ។ ហើយបានធ្លាក់ចុះមកក្រោម ហើយធ្លាយពោះស្លាប់ទៅ » ។

កិច្ចការ ១:២១–២២ ។ « ធ្វើជាទីបន្ទាល់ ជាមួយនឹងយើង ពីដំណើរដែលទ្រង់មានព្រះជន្មរស់ឡើងវិញ »

ប្រធាន យ៉ូសែប ហ្វីលឌីង ស្ម៊ីធ បានបង្រៀនថា សាក្សីដ៏អស្ចារ្យបំផុតអំពីភាពជាព្រះរបស់ព្រះអង្គសង្គ្រោះកើតមានមកពីព្រះវិញ្ញាណបរិសុទ្ធ ៖

« ពួកលោក [ ពួកសាវកដប់ពីរនាក់ ] គឺជាសាក្សីពិសេសសម្រាប់ព្រះយេស៊ូវគ្រីស្ទ ។ វាគឺជាសិទ្ធិរបស់ពួកគេដើម្បីស្គាល់សេចក្ដីពិត និងដើម្បីមានសាក្សីពិតមួយ ។ នេះគឺជាកាតព្វកិច្ចដ៏ពិតមួយចំពោះពួកលោក ដើម្បីដឹងដោយពិតថា ព្រះយេស៊ូវគ្រីស្ទគឺជាព្រះរាជបុត្រាសំណព្វតែមួយគត់របស់ព្រះ និងជាព្រះប្រោសលោះនៃពិភពលោក ។ …

« សំណួរជាញឹកញាប់បានលើកឡើង ៖ ‹ តើវាចាំបាច់ឲ្យសមាជិកម្នាក់នៃក្រុមប្រឹក្សានៃពួកដប់ពីរនាក់ មើលឃើញព្រះអង្គសង្គ្រោះដើម្បីក្លាយជាសាវកមួយរូបឬ ? វាគឺជាឯកសិទ្ធិរបស់ពួកលោកដើម្បីមើលឃើញទ្រង់ ប្រសិនបើស្ថានភាពតម្រូវ ប៉ុន្តែព្រះអម្ចាស់បានបង្រៀនថា វាមាននូវសាក្សីរឹងមាំជាងការមើលឃើញតួអង្គ ទោះជាការមើលឃើញព្រះរាជបុត្រានៃព្រះក្នុងការនិមិត្តក្ដី ។ ការបញ្ជាក់មកលើព្រលឹង ដែលកើតមកពីព្រះវិញ្ញាណបរិសុទ្ធ គឺសំខាន់ជាជាងការនិមិត្តមួយ » ( « The First Presidency and the Council of the Twelve » Improvement Era ខែ វិច្ឆិកា ឆ្នាំ ១៩៦៦ ទំព័រ ៩៧៩ ) ។

កិច្ចការ ១:២៤–២៦។ តើពួកសាវកត្រូវបានហៅនៅក្នុងជំនាន់របស់យើងយ៉ាងដូចម្ដេច ?

បន្ទាប់ពីការហៅ និងការគាំទ្ររបស់អែលឌើរ រ៉ូបឺត ឌី ហែល ជាសាវកមួយរូប នោះប្រធាន ហ្គរដុន ប៊ី ហ៊ិងគ្លី បានពន្យល់អំពីរបៀបដែលសាវកមួយរូបត្រូវបានហៅនៅជំនាន់នេះ ៖

« នៅក្រោមផែនការរបស់ព្រះអម្ចាស់ អ្នកទាំងឡាយណាដែលមានការទទួលខុសត្រូវដើម្បីជ្រើសរើសអ្នកកាន់តំណែង គឺត្រូវបានស្វែងរកចម្លើយដោយសំនួរដ៏សំខាន់បំផុតមួយ ៖ ‹ តើនរណាដែលព្រះអម្ចាស់បានជ្រើសរើស ? › មាននូវការពិភាក្សាយ៉ាងល្អិតល្អន់ និងដោយស្ងាត់ស្ងៀម ។ ហើយមាននូវការអធិស្ឋានយ៉ាងច្រើនដើម្បីទទួលបានការបញ្ជាក់ពីព្រះវិញ្ញាណបរិសុទ្ធថា ការជ្រើសរើសនោះត្រឹមត្រូវ ។

« … នៅក្នុងការបំពេញ [ តំណែងនៅក្នុងកូរ៉ុមនៃពួកដប់ពីរនាក់ ] សមាជិកម្នាក់ៗនៃគណៈប្រធានទីមួយ និងកូរ៉ូមនៃពួកដប់ពីរនាក់ អាចផ្ដល់យោបល់ដោយសេរី ។ ខ្ញុំមានទំនុកចិត្តថា នៅគ្រប់ករណីទាំងអស់នឹងមាននូវការអធិស្ឋានដ៏ឱឡារិក និងដោយស្មោះបំផុត ។ ក្រោយមក ការជ្រើសរើសត្រូវបានធ្វើឡើងដោយគណៈប្រធានទីមួយ បន្ទាប់ពីការអធិស្ឋានដោយឱឡារិក និងហ្មត់ចត់បំផុតម្ដងទៀតនោះ ។ ការជ្រើសរើសនេះ ត្រូវបានគាំទ្រដោយក្រុមប្រឹក្សានៃពួកដប់ពីរនាក់ ។ ថ្ងៃនេះ សមាជិកភាពនៃសាសនាចក្រនៅក្នុងសន្និសីទជួបជុំគ្នាដើម្បីគាំទ្រនូវការជ្រើសរើសនោះ ។

« ខ្ញុំសូមផ្ដល់ដល់បងប្អូននូវទីបន្ទាល់របស់ខ្ញុំ …ថាការបញ្ជាក់ឲ្យហៅបងប្រុស ហេល មកកាន់តំណែងដ៏ខ្ពស់ និងពិសិដ្ឋនេះ កើតឡើងដោយព្រះវិញ្ញាណបរិសុទ្ធ តាមរយៈវិញ្ញាណនៃការព្យាករ និងវិវរណៈ ។ បងប្រុស ហេល ពុំបានឲ្យឈ្មោះខ្លួនឯងមកទេ ។ ឈ្មោះរបស់គាត់ត្រូវបានប្រាប់ដោយព្រះវិញ្ញាណ » (« God Is at the Helm »Ensign ខែ ឧសភា ឆ្នាំ ១៩៩៤ ទំព័រ ៥៣–៥៤ ) ។

កិច្ចការ ១:២៤–២៦។ ពួកសាវកត្រូវបានហៅនៅក្នុងជំនាន់របស់យើង

ទោះជាសមាជិកភាពទូទៅនៃសាសនាចក្រពុំជ្រើសរើសសាវកបន្ទាប់ ឬអ្នកដឹកនាំបព្វជិតភាពក្នុងមូលដ្ឋានរបស់សាសនាចក្រក្ដី ក៏យើងមានឱកាសដើម្បីគាំទ្រដល់អ្នកទាំងឡាយដែលព្រះបានហៅផងដែរ ។ ប្រធាន ហ្គរដុន ប៊ី ហ៊ិងគ្លី បានបង្រៀនអំពីអត្ថន័យដើម្បីគាំទ្រដល់អ្នកដទៃថា ៖ « នីតិវិធីនៃការគាំទ្រគឺលើសពីការលើកដៃគាំទ្រជាទំនៀមទំលាប់មួយទៅទៀត ។ វគជករតងចតតមយដមបលកសទយគទរជយដលអនកទងឡយដលតរវបនជរសរសThisWorkIsConcernedwithPeopleEnsignខឧសភឆន១៩៩៥ទពរ៥១