មេរៀនទី ១០៤
កូរិនថូសទី ១ ៣-៤
សេចក្តីផ្ដើម
ប៉ុលបានពន្យល់ទៅពួកបរិសុទ្ធនៅកូរិនថូសអំពីតួនាទីរបស់ពួកអ្នកផ្សព្វផ្សាយសាសនានៅក្នុងការស្ថាបនានគរព្រះ ។ លោកបានបង្រៀនថា សាលជំនុំរបស់ពួកគេគឺជាកន្លែងដែលព្រះវិញ្ញាណអាចគង់នៅ ហើយបានដាស់តឿនពួកគេកុំឲ្យគិតថា មានមនុស្សមួយចំនួនល្អជាងមនុស្សដទៃទៀតឲ្យសោះ ។ (កំណត់ចំណាំ ៖ គោលលទ្ធិដែលចែងថា រូបកាយយើងប្រៀបបាននឹងព្រះវិហារបរិសុទ្ធនឹងត្រូវលើកយកមកបង្រៀននៅក្នុងមេរៀនអំពីកូរិនថូសទី១ ៦ ) ។
យោបល់សម្រាប់ការបង្រៀន
កូរិនថូសទី១ ៣
ប៉ុលបានពន្យល់ទៅពួកបរិសុទ្ធនៅកូរិនថូសអំពីតួនាទីរបស់ពួកផ្សព្វផ្សាយសាសនា និងសមាជិកសាសនាចក្រនៅក្នុងការស្ថាបនានគរព្រះ
សូមអញ្ជើញសិស្សឲ្យស្រមៃថា មានមិត្តម្នាក់បានចុះឈ្មោះចូលថ្នាក់គណិតវិទ្យាកម្រិតខ្ពស់ ប៉ុន្តែពុំបានចូលរៀនវគ្គត្រៀម ដូចជាថ្នាក់មូលដ្ឋានពិជគណិតនោះទេ ។
-
តើអ្នកគិតថា មិត្តរបស់អ្នកនឹងទទួលបានជោគជ័យដល់កម្រិតណានៅក្នុងថ្នាក់គណិតវិទ្យាកម្រិតខ្ពស់នេះ ? ហេតុអ្វី ?
-
ហេតុអ្វីវាជារឿងចាំបាច់ ដើម្បីយល់ពីគំនិតមូលដ្ឋាននៃប្រធានបទមួយពីមុនអ្នកអាចចេះស្ទាត់នូវរឿងដែលមានកម្រិតខ្ពស់ជាងនោះ ?
សូមអញ្ជើញសិស្សម្នាក់អាន កូរិនថូសទី ១ ៣:១-៣ឲ្យឮៗ ។ សូមឲ្យសិស្សក្នុងថ្នាក់ផ្ទៀងតាមរកមើលរឿងប្រៀបធៀប ដែលប៉ុលបានប្រើដើម្បីបង្ហាញដល់ពួកបរិសុទ្ធនៅកូរិនថូសថា ពួកគេមិនទាន់ត្រៀមខ្លួនរួចរាល់សម្រាប់សេចក្ដីពិតនៃដំណឹងល្អដែលមានកម្រិតខ្ពស់ជាងនៅឡើយទេ ។ សូមពន្យល់ថា ឃ្លា « ត្រូវតែនិយាយដូចនឹងមនុស្សខាងឯសាច់ឈាមវិញ » នៅក្នុង ខទី ១ សំដៅទៅលើមនុស្សខាងសាច់ឈាម ឬ « ជនណាមួយដែលជ្រើសរើសដើម្បីនៅក្រោមឥទ្ធិពលនៃតណ្ហា សេចក្ដីប៉ងប្រាថ្នា សេចក្ដីស្រេកឃ្លាន និងវិស័យខាងសាច់ឈាម ជាជាងនៅក្រោមការដាស់តឿននៃព្រះវិញ្ញាណបរិសុទ្ធ ។ ជនបែបនេះអាចយល់សេចក្ដីខាងសាច់ឈាម ប៉ុន្តែមិនយល់សេចក្ដីខាងវិញ្ញាណឡើយ » ( សេចក្ដីណែនាំដល់បទគម្ពីរទាំងឡាយ « មនុស្សខាងសាច់ឈាម » scriptures.lds.org ) ។
សូមសរសេរពាក្យ ទឹកដោះគោ និង សាច់ នៅលើក្ដារខៀន ។
-
នៅក្នុងចំណោមអាហារទាំងនេះ តើអាហារណាមួយដែលអ្នកនឹងយកមកបញ្ចុកទារក ? ហេតុអ្វី ?
-
តើឃ្លាថា « កូនខ្ចីក្នុងព្រះគ្រីស្ទ » នៅក្នុង ខទី ១ ប្រាប់អ្វីខ្លះអំពីការធំដឹងក្ដីខាងវិញ្ញាណរបស់ពួកបរិសុទ្ធនៅកូរិនថូស ?
ដើម្បីជួយសិស្សឲ្យយល់ថា ពួកបរិសុទ្ធពុំទាន់ត្រៀមខ្លួនដើម្បីទទួលយកសេចក្ដីពិតដែលកាន់តែអស្ចារ្យ សូមរំឭកពួកគេថា ពួកបរិសុទ្ធនៅកូរិនថូសខ្វះសាមគ្គីភាព ហើយថាពួកគេមួយចំនួនបានដាក់បញ្ចូលនូវជំនឿ និងទំនៀមទម្លាប់ឥតសាសនា ( ទុច្ចរិត ) ទៅក្នុងការគោរពប្រតិបត្តិតាមដំណឹងល្អ ។ សូមពន្យល់ថា ប៉ុលបានប្រើពាក្យប្រៀបធៀបមួយចំនួនដើម្បីបង្រៀនពួកបរិសុទ្ធទាំងនេះនូវសារៈសំខាន់នៃការមានសាមគ្គីភាព ដើម្បីកែតម្រូវជំនឿ និងទម្លាប់ខុសឆ្គង និងដើម្បីពង្រឹងសេចក្ដីជំនឿរបស់ពួកគេលើដំណឹងល្អរបស់ព្រះយេស៊ូវគ្រីស្ទ ។
សូមបំបែកសិស្សជាក្រុមដែលមានគ្នាបីនាក់ ។ សូមចាត់សិស្សម្នាក់ៗនៅក្នុងក្រុមឲ្យធ្វើ គម្រោងបង្រៀនដូចខាងក្រោមនេះ ។ សូមឲ្យឯកសារស្ដីពីគម្រោងបង្រៀនដល់សិស្សម្នាក់ ហើយទុកពេលពីរបីនាទីឲ្យសិស្សអានវា ។ បន្ទាប់ពីមានពេលគ្រប់គ្រាន់ហើយ សូមអញ្ជើញសិស្សម្នាក់ៗឲ្យប្រើគម្រោងនោះ ដើម្បីបង្រៀនសិស្សពីរនាក់ទៀតនៅក្នុងក្រុមខ្លួន ។ ( ប្រសិនបើពុំអាចមានសិស្សបីនាក់ក្នុងមួយក្រុមទេ អ្នកគួរបំបែកសិស្សជាគូៗ ហើយចាត់គម្រោងបង្រៀនពីរដល់សិស្សម្នាក់ៗនៅក្នុងគូនីមួយៗ ) ។
សិស្សទី ១
ព្រះគម្ពីរសញ្ញាថ្មី សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា—មេរៀនទី ១០៤
សូមអញ្ជើញក្រុមរបស់អ្នកឲ្យនឹកស្រមៃថា ពួកគេបានចូលរួមក្នុងការប្រជុំសាក្រាម៉ង់មួយ ដែលមានអ្នកទើបតែត្រឡប់មកពីបេសកកម្មម្នាក់បានឡើងនិយាយអំពីបេសកកម្មរបស់គាត់ ។ ខណៈពេលគាត់កំពុងនិយាយ គាត់បានលើកឡើងថា គាត់បានជ្រមុជទឹកឲ្យមនុស្សពីរបីនាក់ ។ លុះមួយសប្ដាហ៍ក្រោយមក មានអ្នកទើបត្រឡប់មកពីបេសកកម្មម្នាក់ទៀតបានឡើងនិយាយនៅក្នុងការប្រជុំសាក្រាម៉ង់អំពីបេសកកម្មរបស់នាង ហើយបានលើកឡើងថា នាងបានបង្រៀនមនុស្សជាច្រើន ហើយនៅទីបំផុតមនុស្សទាំងនោះបានជ្រមុជទឹកបន្ទាប់ពីនាងបានផ្លាស់ចេញទៅតំបន់ផ្សេង ។
-
តើអ្នកនឹងឆ្លើយតបបែបណា ប្រសិនបើមានមនុស្សម្នាក់និយាយថា អ្នកផ្សព្វផ្សាយសាសនាដែលជ្រមុជទឹកមនុស្សបានពីរបីនាក់នៅក្នុងបេសកកម្ម មានភាពជោគជ័យច្រើនជាងអ្នកផ្សព្វផ្សាយសាសនាដែលអ្នករៀនរបស់នាងមិនបានជ្រមុជទឹកសោះរហូតដល់នាងបានចាកចេញពីតំបន់នោះ ?
សូមសរសេរពាក្យ បានដាំដុះ និង បានស្រោចទឹក នៅលើក្រដាសមួយសន្លឹក ហើយបង្រៀនវាដល់ក្រុមរបស់អ្នក ។ សូមពន្យល់ថា ប៉ុលបានប្រៀបធៀបពួកអ្នកផ្សព្វផ្សាយសាសនាទៅនឹងមនុស្សដែលបានដាំគ្រាប់ពូជ ហើយស្រោចទឹកវា ។ សូមរំឭកក្រុមរបស់អ្នកថា ពួកបរិសុទ្ធនៅកូរិនថូសបានចាប់ផ្ដើមបំបែកខ្លួនជាក្រុមតាមអ្នកដែលបានជ្រមុជទឹកឲ្យពួកគេ ។ ពួកគេបានជឿថា ស្ថានភាពរបស់ពួកគេនៅក្នុងសាសនាចក្រគឺពឹងផ្អែកទៅលើសារៈសំខាន់នៃបុគ្គលដែលបានជ្រមុជទឹកឲ្យពួកគេនោះ ។ ( សូមមើល កូរិនថូសទី ១ ១:១០-១៦ ) ។
សូមប្តូរវេនជាមួយនឹងមិត្តរួមក្រុមអ្នកអាននៅក្នុង កូរិនថូសទី ១ ៣:៤–៩ឲ្យឮៗ ។ ចូរសុំឲ្យក្រុមអ្នកផ្ទៀងតាមរកមើលថា ប៉ុលបាននិយាយអ្វីខ្លះ អំពីពួកអ្នកផ្សព្វផ្សាយសាសនាដែលធ្លាប់បង្រៀន ហើយបានជ្រមុជទឹកដល់ប្រជាជននៅកូរិថូស ។
-
យោងតាម ខទី ៥ តើប៉ុលបាននិយាយថាលោក និងអ័ប៉ុឡូសជានរណា ? ( សូមពន្យល់ថា អ្នកបម្រើ មានន័យថា ពួកអ្នកបម្រើអ្នកទទួលភារៈកិច្ចតាមបង្គាប់អ្នកប្រើ ) ។
-
យោងតាម ខទី ៦–៧ តើប៉ុលបាននិយាយអ្វីខ្លះអំពីពួកអ្នកផ្សព្វផ្សាយសាសនា ដែលបានដាំដុះគ្រាប់ពូជនៃដំណឹងល្អ និងពួកអ្នកផ្សព្វផ្សាយសាសនាដែលជួយគ្រាប់ពូជទាំងនោះឲ្យលូតលាស់ ?
ប្រសិនបើចាំបាច់ សូមចង្អុលបង្ហាញឃ្លា « អ្នកសាបព្រោះ និងអ្នកដែលស្រោច នោះមិនមែនជាអ្វីទេ » នៅក្នុង ខទី ៧ ហើយពន្យល់ថា ប៉ុលបានប្រើឃ្លាទាំងនេះដើម្បីបង្រៀនថា តួនាទីទាំងនេះ គ្មានតួនាទីណាមួយសំខាន់ជាងតួនាទីរបស់ព្រះឡើយ ។
-
តើ « ស្រេចហើយនឹងព្រះដែលធ្វើឲ្យដុះវិញទេតើ » ( ខទី ៧ ) មានន័យដូចម្ដេច ? ( គឺជាព្រះទេតើដែលបណ្ដាលចិត្តមនុស្សឲ្យផ្លាស់ប្ដូរតាមរយៈព្រះវិញ្ញាណបរិសុទ្ធ ហើយដឹកនាំពួកគេទៅរកការប្រែចិត្តជឿ ពុំជាអស់អ្នកបង្រៀន ហើយជ្រមុជទឹកនោះឡើយ ) ។
-
តើយើងអាចរៀនសេចក្ដីពិតអ្វីខ្លះនៅក្នុង កូរិនថូសទី ១ ៣:៦–៧ អំពីតួនាទីរបស់យើង និងតួនាទីរបស់ព្រះនៅក្នុងការជួយមនុស្សដទៃឲ្យប្រែចិត្តជឿលើដំណឹងល្អនៃព្រះយេស៊ូវគ្រីស្ទ ? ( បន្ទាប់ពីក្រុមរបស់អ្នកបានឆ្លើយហើយ សូមអញ្ជើញពួកគេឲ្យសរសេរសេចក្ដីពិតខាងក្រោមនេះនៅក្នុងព្រះគម្ពីររបស់ពួកគេក្បែរ កូរិនថូសទី ១ ៣:៦–៧ ៖ យើងអាចជួយមនុស្សដទៃទៀតឲ្យរៀនអំពីដំណឹងល្អនៃព្រះយេស៊ូវគ្រីស្ទបាន ប៉ុន្តែមនុស្សបានប្រែចិត្តជឿតែតាមរយៈព្រះចេស្ដានៃព្រះវិញ្ញាណបរិសុទ្ធប៉ុណ្ណោះ ) ។
សូមបញ្ជាក់ថា ដើម្បីឲ្យមនុស្សទទួលបានព្រះវិញ្ញាណបរិសុទ្ធ ហើយប្រែចិត្តជឿ ពួកគេត្រូវធ្វើផ្នែករបស់ខ្លួនដោយអនុវត្តសេចក្ដីជំនឿ ហើយធ្វើតាមព្រះបញ្ញត្តិទាំងឡាយរបស់ព្រះ ។
-
តើអ្នកគិតថា ការដឹងសេចក្ដីពិតនេះអាចជួយពួកបរិសុទ្ធនៅកូរិនថូសឲ្យកាន់តែមានសាមគ្គីភាពខ្លាំងឡើងយ៉ាងដូចម្ដេច ?
ចូរសួរដល់ក្រុមរបស់អ្នកថា តើសេចក្ដីពិតនេះអាចជួយពួកគេឲ្យឆ្លើយតបនៅក្នុងសាច់រឿងអំពីមនុស្សពីរនាក់ ដែលទើបត្រឡប់មកពីបេសកកម្មវិញបានយ៉ាងដូចម្ដេច ?
-
ហេតុអ្វីវាជារឿងសំខាន់ចំពោះយើងដើម្បីមានការយល់ដឹងថា ព្រះវិញ្ញាណបរិសុទ្ធជាអង្គដែលធ្វើឲ្យមានការប្រែចិត្តជឿពុំមែនជាអំណាចផ្ទាល់ខ្លួនរបស់យើងនោះទេ ?
© 2015 by Intellectual Reserve, Inc. All rights reserved.
សិស្សទី ២
ព្រះគម្ពីរសញ្ញាថ្មី សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា—មេរៀនទី ១០៤
សូមសរសេរពាក្យ គ្រឹះ នៅលើក្រដាសមួយសន្លឹក ហើយបង្រៀនវាដល់ក្រុមរបស់អ្នក ។
-
ហេតុអ្វីគ្រឹះគឺជាផ្នែកមួយដ៏សំខាន់នៃអគារ ?
-
តើមានអ្វីនឹងកើតឡើង ប្រសិនបើគ្រឹះនោះមានបញ្ហា ?
សូមអញ្ជើញសមាជិកក្រុមរបស់អ្នកម្នាក់ឲ្យអាន កូរិនថូសទី១ ៣:១០ ឮៗ ហើយសួរសមាជិកក្រុមផ្សេងទៀតឲ្យរកមើលថា ប៉ុលបាននិយាយអ្វីខ្លះអំពីកិច្ចការផ្សព្វផ្សាយសាសនារបស់លោកនៅក្នុងចំណោមពួកកូរិនថូស ។
-
តើប៉ុលបាននិយាយថា លោកបានធ្វើអ្វីខ្លះ កាលធ្វើជាអ្នកផ្សព្វផ្សាយសាសនាម្នាក់នៅកូរិនថូស ?
-
តើអ្នកគិតថា ប៉ុលចង់មានន័យដូចម្តេច នៅពេលលោកមានប្រសាសន៍ថា « មានម្នាក់ទៀតជាអ្នកសង់ពីលើ » ?
សូមអញ្ជើញសមាជិកក្រុមរបស់អ្នកម្នាក់ទៀតអាន កូរិនថូសទី១ ៣:១១ ឮៗ ហើយសួរសមាជិកក្រុមផ្សេងទៀតឲ្យរកមើលថា ប៉ុលបានសង់គ្រឹះអ្វីសម្រាប់ពួកបរិសុទ្ធនៅកូរិនថូស ។
-
តើប៉ុលបានសង់គ្រឹះអ្វី កាលលោកបានបង្រៀននៅកូរិនថូស ?
-
យោងតាម ខទី ១១ តើនរណាគប្បីធ្វើជាគ្រឹះនៃជីវិតរបស់យើង ? ( សូមប្រាកដថា ក្រុមអ្នកស្គាល់ពីសេចក្ដីពិតដូចតទៅនេះ ៖ ព្រះយេស៊ូវគ្រីស្ទគឺជាគ្រឹះដែលយើងត្រូវសង់លើ ។ សូមពិចារណាអញ្ជើញក្រុមរបស់អ្នកឲ្យគូសចំណាំសេចក្ដីពិតនេះនៅក្នុង ខទី ១១ ) ។
-
តើការសង់នៅលើគ្រឹះរបស់ព្រះយេស៊ូវគ្រីស្ទអាចជួយយើងឲ្យស៊ូទ្រាំនឹងការល្បួង និងការសាកល្បងបានដោយរបៀបណា ? ( សូមមើល ហេលេមិន ៥:១២ ) ។
-
តើយើងអាចធ្វើឲ្យប្រាកដថា ជីវិតរបស់យើងត្រូវបានសង់នៅលើគ្រឹះនៃព្រះយេស៊ូវគ្រីស្ទបានយ៉ាងដូចម្ដេច ?
សូមអញ្ជើញសមាជិកក្រុមម្នាក់ឲ្យចែកចាយអំពីមនុស្សម្នាក់ដែលគាត់ស្គាល់ ហើយមានជីវិតឆ្លុះបញ្ចាំងពីការសង់លើគ្រឹះនៃព្រះយេស៊ូវគ្រីស្ទ ។ ចូរសុំឲ្យសិស្សម្នាក់នេះពន្យល់ពីរបៀបដែលការសង់គ្រឹះលើព្រះគ្រីស្ទបានប្រទានពរដល់បុគ្គលម្នាក់នេះ ។
សូមអញ្ជើញសមាជិកក្រុមឲ្យដាក់គោលដៅមួយ ដែលនឹងជួយគាត់ឲ្យសង់លើគ្រឹះនៃព្រះយេស៊ូវគ្រីស្ទ ។
© 2015 by Intellectual Reserve, Inc. All rights reserved.
សិស្សទី ៣
ព្រះគម្ពីរសញ្ញាថ្មី សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា—មេរៀនទី ១០៤
សូមសរសេរពាក្យ ព្រះវិហារបរិសុទ្ធ នៅលើក្រដាសមួយសន្លឹក ហើយបង្រៀនវាដល់ក្រុមរបស់អ្នក ។ សូមពន្យល់ថា ប៉ុលប្រៀបប្រដូចអំពីព្រះវិហារបរិសុទ្ធជារឿយៗ ។ ដូចដែលបានកត់ត្រានៅក្នុង កូរិនថូសទី ១ ៣:១៦–១៧ លោកបានប្រើពាក្យ ព្រះវិហារបរិសុទ្ធ ដើម្បីសំដៅទៅលើក្រុមជំនុំរបស់សាសនាចក្រ ។
ចូរអញ្ជើញសមាជិកក្រុមអ្នកម្នាក់ឲ្យអានកូរិនថូស ទី១ ៣:១៦–១៧ឮៗ ។ សូមឲ្យសិស្សក្នុងក្រុមផ្សេងទៀតផ្ទៀងតាមរកមើលថា តើប៉ុលបាននិយាយថា សមាជិកសាសនាចក្រនៅកូរិនថូសត្រូវការយល់ដឹងពីអ្វីខ្លះ ។ សូមពន្យល់ថា ខ្លួនអុ្នករាល់គ្នា ( ខទី ១៦ ) សំដៅទៅលើក្រុមជំនុំរបស់សាសនាចក្រ ហើយថាឃ្លា « បើអ្នកណាបង្ខូចព្រះវិហារនៃព្រះ » ( ខទី ១៧ ) សំដៅទៅលើមនុស្សគ្រប់គ្នាដែលព្យាយាមបំផ្លាញរាស្ត្ររបស់ព្រះ ។
-
យោងតាមខទី ១៦តើប៉ុលចង់ឲ្យសមាជិកសាសនាចក្រយល់អំពីអ្វីខ្លះ ទាក់ទងនឹងក្រុមជំនុំរបស់ពួកគេ ?
ទោះជាកូរិនថូស ទី១ ៣:១៦-១៧ទំនងជាសំដៅទៅលើសាសនាចក្រទាំងមូលថាជាក្រុមជំនុំមួយក្ដី ប៉ុន្តែខគម្ពីរទាំងនេះក៏អាចអនុវត្តទៅនឹងរូបកាយរបស់យើងបានដែរ ។
-
តើកូរិនថូសទី១ ៣:១៦-១៧អាចអនុវត្តចំពោះរូបកាយរបស់យើងបានយ៉ាងដូចម្ដេច ? តើអ្វីជាលទ្ធផលនៃបង្ខូចរូបកាយរបស់យើង ?
សូមសង្ខេបកូរិនថូស ទី១ ៣:១៨-២៣ដោយពន្យល់ទៅក្រុមរបស់អ្នកថា ប៉ុលបានបង្រៀនពួកបរិសុទ្ធថា ប្រាជ្ញាពិតគឺមាននៅក្នុងព្រះយេស៊ូវគ្រីស្ទ ហើយប្រាជ្ញាខាងលោកិយគឺ « ជាសេចក្តីល្ងង់ល្ងើនៅចំពោះព្រះ » ( ខទី ១៩ ) ។
© 2015 by Intellectual Reserve, Inc. All rights reserved.
បន្ទាប់ពីផ្ដល់ពេលគ្រប់គ្រាន់ហើយ សូមអញ្ជើញសិស្សពីរបីនាក់ឲ្យប្រាប់ពីអ្វីដែលពួកគេបានរៀននៅក្នុងក្រុមរបស់ពួកគេ និងអ្វីដែលពួកគេនឹងធ្វើដោយសារតែអ្វីដែលពួកគេបានរៀន ។
កូរិនថូសទី ១ ៤
ប៉ុលប្រាប់ពួកបរិសុទ្ធនៅកូរិនថូសកុំឲ្យគិតថា មានមនុស្សខ្លះល្អជាងអ្នកដទៃផ្សេងទៀត
សូមពន្យល់ថា ដោយផ្អែកទៅលើពាក្យទូន្មានរបស់ប៉ុល ដែលបានកត់ត្រានៅក្នុងកូរិនថូសទី១ ៤:១-៣ វាបង្ហាញថា មានសមាជិកសាសនាចក្រមួយចំនួននៅកូរិនថូសបានកាត់សេចក្ដីចំពោះការងាររបស់ប៉ុល ក្នុងនាមជាអ្នកផ្សព្វផ្សាយសាសនា និងជាថ្នាក់ដឹកនាំមួយរូបរបស់សាសនាចក្រ ។ ពួកគេអាចនឹងងឿងឆ្ងល់ពីការកាត់សេចក្ដី ឬគំនិតរបស់លោកដែលថា ប្រហែលជាមានមនុស្សម្នាក់ទៀតអាចធ្វើកិច្ចការមួយបានប្រសើរជាង ។
សូមអញ្ជើញសិស្សម្នាក់អាន កូរិនថូសទី ១ ៤:៣-៥ឲ្យឮៗ ។ ចូរសុំសិស្សក្នុងថ្នាក់ឲ្យផ្ទៀងតាម រកមើលថា ប៉ុលបានឆ្លើយតបទៅនឹងការកាត់សេចក្ដីរបស់ពួកគេយ៉ាងដូចម្ដេច ។
-
តើប៉ុលបានឆ្លើយតបទៅនឹងការកាត់សេចក្ដីរបស់ពួកគេយ៉ាងដូចម្ដេច ?
-
ហេតុអ្វីប៉ុលពុំបានខ្វល់ខ្វាយអំពីការកាត់សេចក្ដីរបស់អ្នកដទៃ ?
-
តើយើងអាចរៀនសេចក្ដីពិតអ្វីខ្លះនៅក្នុងខទី ៥ អំពីរបៀបដែលព្រះអម្ចាស់នឹងកាត់សេចក្ដីយើង ? ( សិស្សអាចនឹងប្រើពាក្យខុសគ្នា ប៉ុន្តែត្រូវប្រាកដថាពួកគេស្គាល់ពីសេចក្ដីពិតមួយដែលស្រដៀងនឹងសេចក្ដីពិតខាងក្រោមនេះ ៖ ព្រះអម្ចាស់នឹងកាត់សេចក្ដីយើងដោយយុត្តិធម៌ ដោយសារទ្រង់ជ្រាបពីគ្រប់ការណ៍ទាំងអស់រួមទាំងគំនិត និងចេតនានៅក្នុងដួងចិត្តរបស់យើងទៀតផង ) ។
-
តើការជឿលើសេចក្ដីពិតនេះអាចជួយដល់មនុស្សម្នាក់ដែលត្រូវបានកាត់សេចក្ដីដោយអយុត្តិធម៌បានយ៉ាងដូចម្ដេច ?
សូមអញ្ជើញសិស្សម្នាក់ឲ្យអាន កូរិនថូស ទី១ ៤:៦–៧ ឮៗ ហើយសុំឲ្យសិស្សក្នុងថ្នាក់រកមើលថាប៉ុលបានបង្រៀនពួកបរិសុទ្ធអំពីអ្វីខ្លះទាក់ទងនឹងទំនាក់ទំនងរបស់ពួកគេជាមួយនឹងសមាជិកដទៃទៀត រួមទាំងថ្នាក់ដឹកនាំសាសនាចក្រផងដែរ ។
-
យោងតាម ខទី ៦ តើប៉ុលបានប្រាប់ពួកបរិសុទ្ធកុំឲ្យធ្វើអ្វីខ្លះ នៅពេលពួកគេសង្កេតឃើញនូវភាពខុសគ្នានៅក្នុងពួកអ្នកផ្សព្វផ្សាយសាសនា និងថ្នាក់ដឹកនាំសាសនាចក្រ ? ( ពួកគេពុំគួរ « មានសេចក្ដីអំនួត » ហើយគិតថាមនុស្សខ្លះល្អជាងមនុស្សផ្សេងទៀតនោះទេ ) ។
-
ដោយផ្អែកលើសំណួររបស់ប៉ុលដែលបានកត់ត្រានៅក្នុងខទី ៧ តើនរណាដែលប្រទានឲ្យមនុស្សនូវទេពកោសល្យ និងសមត្ថភាពខុសៗគ្នាទាំងនោះ ?
-
តើពាក្យទូន្មានរបស់ប៉ុលអាចជួយយើងយ៉ាងដូចម្ដេច នៅពេលយើងគិតអំពីថ្នាក់ដឹកនាំ និងពួកគ្រូបង្រៀនក្នុងសាសនាចក្ររបស់យើង ?
សូមសង្ខេប កូរិនថូសទី១ ៤:៨–២១ ដោយពន្យល់ថា ប៉ុលបានប្រាប់ដល់ពួកបរិសុទ្ធនៅកូរិនថូសថា ពួកសាវករបស់ព្រះយេស៊ូវគ្រីស្ទត្រូវបានហៅឲ្យរងទុក្ខ ដោយសារតែសេចក្ដីទុច្ចរិតនៃលោកិយនេះ ។ លោកិយកាត់សេចក្ដីពួកសាវក និងថ្នាក់ដឹកនាំផ្សេងទៀតក្នុងសាសនាចក្រថាជា « មនុស្សល្ងង់ល្ងើ » ( ខទី ១០ ) ដោយសារការខិតខំដើរតាមព្រះគ្រីស្ទ ។
សូមបញ្ចប់មេរៀនដោយថ្លែងទីបន្ទាល់អំពីសេចក្ដីពិត ដែលបានបង្រៀននៅក្នុងមេរៀននេះ ។
សេចក្តីពន្យល់ និង ព័ត៌មានសាច់រឿង
កូរិនថូសទី១ ៣:១៦-១៧ ។ « ខ្លួនអ្នករាល់គ្នាជាព្រះវិហារនៃព្រះ »
« ប៉ុលបានបង្រៀនថា ‹ តើអ្នករាល់គ្នាមិនដឹងទេឬអី ថាខ្លួនអ្នករាល់គ្នាជាព្រះវិហារនៃព្រះ ? › ( កូរិនថូសទី១ ៣:១៦ ) ។ នៅក្នុងខគម្ពីរនេះ ប៉ុលបានប្រើពាក្យខ្លួនអ្នករាល់គ្នា សព្វនាមពហុវចនៈ ដើម្បីហៅពួកបរិសុទ្ធនៅកូរិនថូសទាំងអស់ថាជាព្រះវិហារបរិសុទ្ធរបស់ព្រះ ។ គំនិតរបស់ប៉ុលគឺថា ក្រុមជំនុំរបស់សាសនាចក្របានដំណើរការជាព្រះវិហារបរិសុទ្ធ ជាទីកន្លែងដែលព្រះវិញ្ញាណនៃព្រះអាចគង់នៅបាន ( សូមមើល កូរិនថូសទី២ ៦:១៦, អេភេសូ ២:២១ ) ។ រឿងប្រៀបធៀបនេះគឺខុសគ្នាពីរឿងមួយដែលប៉ុលបានប្រើនៅពេលក្រោយមកទៀតនៅក្នុង កូរិនថូស ទី១ ៦:១៩ ដែលលោកបានប្រៀបធៀបរូបកាយរបស់មនុស្សទៅនឹងព្រះវិហារបរិសុទ្ធ » ( New Testament Student Manual [ Church Educational System manual ឆ្នាំ ២០១៤ ] ទំព័រ ៣៦៥ ) ។
កូរិនថូសទី១ ៤:៩–១០ ។ សេចក្ដីស្លាប់របស់ពួកសាវក
« នៅពេលប៉ុលបានបង្រៀនថា ពួកសាវក ‹ បានតម្រូវឲ្យស្លាប់ › ( កូរិនថូសទី១ ៤:៩ ) នោះលោកបានឲ្យជាតម្រុយថា ការហៅរបស់លោកជាសាវកនឹងដឹកនាំលោកទៅរកសេចក្ដីស្លាប់ ។ លោកក៏បានលើកឡើងផងដែរថា មានមនុស្សជាច្រើននៅកូរិនថូសបានមើលឃើញខ្លួនឯងថាជាមនុស្សឆ្លាត ហើយរឹងមាំ ហើយបានចាត់ទុកប៉ុល និងពួកសាវកផ្សេងទៀតថាជាមនុស្សល្ងង់ល្ងើ ទន់ខ្សោយ ហើយគួរឲ្យស្អប់ ( សូមមើល កូរិនថូសទី១ ៤:១០ ) ។ កត្តាទាំងពីរនេះ—សេចក្ដីស្លាប់របស់ពួកសាវក និងការបដិសេធរបស់សមាជិកសាសនាចក្រចំពោះសិទ្ធិអំណាចជាសាវក—នៅទីបំផុតនឹងបង្កើតជាការក្បត់សាសនាដ៏ធំ » ( New Testament Student Manual [ Church Educational System manual ឆ្នាំ ២០១៤ ] ទំព័រ ៣៦៥ ) ។