មេរៀនទី ៦៨
យ៉ូហាន ៨:៣១-៥៩
សេចក្ដីផ្ដើម
ព្រះអង្គសង្គ្រោះ បានបន្ដបង្រៀននៅព្រះវិហារបរិសុទ្ធបន្ទាប់ពីបុណ្យបារាំ ។ ទ្រង់បានបង្រៀនអំពីសេរីភាពពីអំពើបាប ។ នៅពេលព្រះយេស៊ូវបានប្រកាសថា ទ្រង់គឺជាព្រះយេហូវ៉ាដ៏មហិមា នោះពួកយូដាបានព្យាយាមចោលដុំថ្មលើទ្រង់ ។
យោបល់សម្រាប់ការបង្រៀន
យ៉ូហាន ៨:៣១-៣៦
ព្រះយេស៊ូវបង្រៀនអំពីសេរីភាពពីអំពើបាប ។
ដើម្បីជួយសិស្សចងចាំពីអ្វីដែលពួកគេរៀននៅក្នុងមេរៀនមុនៗ សូមលើកដុំថ្មតូចមួយឡើង ។ សូមអញ្ជើញសិស្សឲ្យសង្ខេបខ្លីៗអំពីរបៀបដែលព្រះអង្គសង្គ្រោះឆ្លើយតប នៅពេលពួកអាចារ្យ និងពួកផារ៉ាស៊ីមួយចំនួន បាននាំស្ត្រីម្នាក់ដែលប្រព្រឹត្តអំពើកំផិតមករកទ្រង់ និងអ្វីដែលទ្រង់បានបង្រៀនបន្ទាប់ពីនោះ ( សូមមើលយ៉ូហាន ៨:១-៣០) ។ ( ព្រះអង្គសង្គ្រោះពុំបានផ្ដន្ទាទោសដល់ស្ត្រីនោះទេ ហើយបានប្រាប់ទៅនាងថា « កុំឲ្យធ្វើបាបទៀតឡើយ » [ខទី ១១] ។ បន្ទាប់មកព្រះយេស៊ូវបានបង្រៀនថា ទ្រង់គឺជា « ពន្លឺលោកីយ៍ » [ខ ១២] ហើយថានៅពេលណាយើងជឿទៅលើទ្រង់ ហើយគោរពតាមការបង្រៀនរបស់ទ្រង់ នោះយើងបានស្គាល់ព្រះវរបិតា ) ។
-
ស្របតាមយ៉ូហាន ៨:៣០តើសកម្មភាព និងព្រះបន្ទូលរបស់ព្រះយេស៊ូវជះឥទ្ធិពលដល់ពួកសាសន៍យូដាយ៉ាងដូចម្ដេច ?
សូមចង្អុលបង្ហាញថា ទោះជាពួកសាសន៍យូដាជាច្រើនជឿទៅលើព្រះយេស៊ូវ ក៏មានពួកយូដាមួយចំនួនបានបន្ដផ្ចាញ់ផ្ចាលទ្រង់ នៅពេលទ្រង់បង្រៀនប្រជាជនអំពីភាពជាសិស្ស សេចក្ដីពិត និងសេរីភាពផ្ទុយពីទាសភាព ។
សូមគូររូបខាងក្រោមនេះដាក់នៅលើក្ដារខៀន ៖
ចូរសុំឲ្យសិស្សម្នាក់អាន យ៉ូហាន ៨:៣១-៣២ ឲ្យឮៗ ។ ចូរសុំឲ្យសិស្សក្នុងថ្នាក់ផ្ទៀងតាម រកមើលនូវអ្វីដែលព្រះយេស៊ូវបានមានបន្ទូល ដែលយើងចាំបាច់ត្រូវធ្វើដើម្បីទទួលបានសេរីភាព ។
សូមអញ្ជើញសិស្សឲ្យឡើងមកក្ដារខៀន ហើយបំពេញក្នុងប្រឡោះទាំងឡាយ ដោយផ្អែកទៅលើអ្វីដែលព្រះយេស៊ូវបានមានបន្ទូលថា យើងចាំបាច់ត្រូវធ្វើ ដើម្បីទទួលបានសេរីភាព ។ រូបដែលបានបំពេញគួរតែមើលទៅស្រដៀងគ្នានឹងរូបដូចខាងក្រោម ៖
-
តើវាមានន័យយ៉ាងណា ដើម្បី « នៅជាប់ក្នុងព្រះបន្ទូល [ របស់ព្រះគ្រីស្ទ ] » ? (ខទី ៣១) ។
-
តើអ្នកនឹងសង្ខេបជាសេចក្ដីថ្លែងការណ៍អំពីគោលការណ៍ការបង្រៀនរបស់ព្រះយេស៊ូវគ្រីស្ទ ដែលបានកត់ត្រានៅក្នុងខទី ៣១-៣២យ៉ាងដូចម្ដេច ? ( សិស្សអាចនឹងប្រើពាក្យផ្សេងៗ ប៉ុន្តែចូរប្រាកដថាវាច្បាស់លាស់ថាប្រសិនបើយើងនៅជាប់ក្នុងព្រះបន្ទូលរបស់ព្រះគ្រីស្ទ នោះយើងនឹងជាពួកសិស្សរបស់ទ្រង់ ហើយស្គាល់សេចក្ដីពិត ដែលនឹងធ្វើឲ្យយើងមានសេរីភាព ។ សូមពិចារណាសរសេរគោលការណ៍នេះនៅលើក្ដារខៀន ។ អ្នកគប្បីចង្អុលបង្ហាញថាយ៉ូហាន ៨:៣៦គូសបញ្ជាក់ថា ដោយសារព្រះយេស៊ូវគ្រីស្ទ ទើបយើងអាចបានមានសេរីភាព ) ។
សូមអញ្ជើញសិស្សម្នាក់ឲ្យអានឮៗពីសេចក្ដីថ្លែងការណ៍ខាងក្រោមនេះដោយអែលឌើរ ប្រ៊ូស អ័រ ម៉ាក់ខន់ឃី ក្នុងកូរ៉ុមនៃពួកសាវកដប់ពីរនាក់ ។ ចូរសុំឲ្យសិស្សក្នុងថ្នាក់ស្ដាប់មើលថា តើយើងអាចមានសេរីភាពពីអ្វី ប្រសិនបើយើងរស់នៅស្របតាមព្រះបន្ទូលរបស់ព្រះអង្គសង្គ្រោះ ៖
រូបភាពអែលឌើរ ប្រ៊ូស អរ ម៉ាក់ខន់ឃី« មានសេរីភាពពីអំណាចដ៏អាក្រក់នៃគោលលទ្ធិក្លែងក្លាយ មានសេរីភាពពីទាសភាពនៃការលោភលន់ និងតណ្ហា មានសេរីភាពពីច្រវ៉ាក់នៃអំពើបាប មានសេរីភាពពីឥទ្ធិពលអាក្រក់ និងពុករលួយគ្រប់យ៉ាង ហើយនិងមានសេរីភាពពីអំណាចគាបសង្កត់ និងចុះអន់ថយគ្រប់យ៉ាង មានសេរីភាពបន្ដនៅក្នុងសេរីភាពគ្មានព្រំដែន ដែលរីករាយនៅក្នុងភាពពេញលេញតែតាមរយៈតួអង្គដ៏លើកតម្កើងតែប៉ុណ្ណោះ » ( Doctrinal New Testament Commentary, វ៉ុលទី ៣ [ ឆ្នាំ ១៩៦៥–៧៣ ], ១:៤៥៦–៥៧ ) ។
សូមអញ្ជើញសិស្សម្នាក់ឲ្យអានយ៉ូហាន ៨:៣៣ឲ្យឮៗ ។ ចូរសុំឲ្យសិស្សក្នុងថ្នាក់ផ្ទៀងតាម រកមើលនូវអ្វីដែលពួកយូដាជឿថាពួកគេទទួលបានសេរីភាព ។
-
តើពួកយូដាជឿថាអ្វីខ្លះ ដែលនឹងធ្វើឲ្យពួកគេមានសេរីភាព ? ( ពួកគេបានជឿដោយខុសឆ្គងថា ការធ្វើជាកូនចៅរបស់អ័ប្រាហាំ និងជាអ្នកគ្រងសេចក្ដីសញ្ញាអ័ប្រាហាំ នោះពួកគេនឹងទទួលបានសេរីភាពខាងវិញ្ញាណដោយងាយ ) ។
ចូរសុំឲ្យសិស្សម្នាក់អាន យ៉ូហាន ៨:៣៤-៣៦ ឲ្យឮៗ ។ សូមឲ្យសិស្សក្នុងថ្នាក់ផ្ទៀងតាម ហើយរកមើលថាព្រះយេស៊ូវបានបង្ហាញពីអ្វី ដែលប្រជាជនចាំបាច់ត្រូវមានសេរីភាពពីវា ។
-
យោងតាមខទី ៣៤តើព្រះអង្គសង្គ្រោះបានបង្ហាញថា ប្រជាជនចាំបាច់ត្រូវមានសេរីភាពពីអ្វី ?
សូមចង្អុលបង្ហាញថា ភាសាក្រិក បកប្រែជាកិរិយាសព្ទថាជា « បានប្រព្រឹត្ត » នៅក្នុងខទី ៣៤ដែលផ្ដល់គំនិតអំពីការបន្ដនៅក្នុងបាបជាជាងការប្រែចិត្ត ។
-
តើគោលការណ៍អ្វីដែលយើងរៀនមកពី ខទី ៣៤នេះ ? ( បន្ទាប់ពីសិស្សបានឆ្លើយ សូមសរសេរគោលការណ៍ដូចខាងក្រោមនៅលើក្ដារខៀន ៖ ប្រសិនបើយើងប្រព្រឹត្តអំពើបាប ហើយពុំប្រែចិត្ត នោះយើងនឹងក្លាយទៅជាបាវបម្រើនៃអំពើបាប )។
-
តើ « បាវបម្រើនៃអំពើបាប » មានន័យយ៉ាងណា ? ( អ្នកគប្បីចង្អុលបង្ហាញថា ពាក្យដែលបានបកប្រែថាជា « បាវបម្រើ » អាចនឹងគិតថាជា « ទាសករ » ) ។
ដើម្បីជួយសិស្សមើលឃើញពីទំនាក់ទំនងរវាងគោលការណ៍ពីរ ដែលពួកគេបានស្គាល់ សូមគូររូបដូចខាងក្រោមនៅលើក្ដារខៀន ៖
-
ហេតុអ្វីមនុស្សមួយចំនួននាសព្វថ្ងៃនេះ បដិសេធសេចក្ដីពិតទាំងនេះដោយជឿថា ការដើរតាមព្រះអង្គសង្គ្រោះដាក់យើងនៅក្នុងទាសភាព ខណៈដែលការប្រព្រឹត្តអំពើបាបនាំឲ្យមានសេរីភាពដូច្នេះទៅវិញ ?
ដើម្បីជួយឲ្យសិស្សយល់ដឹងបន្ថែមអំពីគោលការណ៍ពីរដែលពួកគេបានប្រាប់ សូមអញ្ជើញសិស្សម្នាក់ឲ្យអានឮៗនូវសេចក្ដីថ្លែងការណ៍ខាងក្រោមដោយអែលឌើរ ឌី ថត គ្រីស្តូហ្វឺសិន នៃកូរ៉ុមនៃពួកសាវកដប់ពីរនាក់ ៖
រូបភាពអែលឌើរ ឌី ថត គ្រីស្តូហ្វឺសិន« ការធ្វើតាមការល្បួងរបស់ [ សាតាំង ] នាំទៅរកជម្រើសកាន់តែតូចចង្អៀតទៅៗរហូតដល់គ្មានសល់ជម្រើសសោះ ហើយនាំទៅរកការញៀនដែលយើងគ្មានអំណាចដើម្បីទប់ទល់សោះ ។ …
«… ពិភពលោកមើលទៅអ្វីៗតាមរយៈកែវភ្នែករបស់កូរីហូរ ដោយគិតថាការគោរពប្រតិបត្តិចំពោះក្រិត្យវិន័យរបស់ព្រះ និងពិធីបរិសុទ្ធរបស់ព្រះ គឺជា ‹ ទាសភាព › (អាលម៉ា ៣០:២៤, ២៧) ។ …
«… តើមាននរណាម្នាក់សង្ស័យទេថា លទ្ធផលមួយនៃ ការមានពន្លឺ និងសេចក្ដីពិតទាំងអស់ ហើយព្រះជាម្ចាស់លើសេរីភាពដ៏ខ្ពស់បំផុតដើម្បីឲ្យប្រែក្លាយ និងធ្វើនោះ ?
« ក៏ដូចគ្នាផងដែរថា នៅពេលការយល់ដឹងរបស់យើងអំពីគោលលទ្ធិ និងគោលការណ៍នានានៃដំណឹងល្អកើនឡើង នោះសិទ្ធិសេរីភាពរបស់យើងនឹងរីកកាន់តែធំ ។ ដំបូងឡើយ យើងមានជម្រើសជ្រើស ហើយអាចសម្រេចបានកាន់តែច្រើន និងទទួលបានពរជ័យកាន់តែច្រើន ដោយសារយើងមានក្រិត្យវិន័យកាន់តែច្រើនដែលយើងអាចគោរពតាម ។ … ទីពីរ ដោយមានការយល់ដឹងបន្ថែម នោះយើងអាចមានជម្រើសល្អៗកាន់តែឈ្លាសវៃ ដោយសារតែយើងមើលឃើញកាន់តែច្បាស់ មិនគ្រាន់តែជាជម្រើស ប៉ុណ្ណោះទេ ប៉ុន្តែក៏ជាលទ្ធផលប្រកបដោយសក្ដានុពលផងដែរ » (« Moral Agency » Ensign ខែ មិថុនា ឆ្នាំ ២០០៩ ទំព័រ ៤៩, ៥០–៥១ ) ។
សូមចែកសិស្សជាគូ ។ សូមអញ្ជើញដៃគូសិស្សនីមួយៗដែលបានចាត់ឲ្យទទួលវគ្គនៃកូនសៀវភៅ( កូនសៀវភៅ ឆ្នាំ ២០១១ ) ។ ចូរសុំឲ្យសិស្សគូរតារាងដូចខាងក្រោមនៅក្នុងសៀវភៅកំណត់ចំណាំក្នុងថ្នាក់ ឬសៀវភៅកំណត់ត្រាការសិក្សាព្រះគម្ពីររបស់ពួកគេ ( អ្នកគប្បីគូរវានៅលើក្ដារខៀន ) ។ សូមអញ្ជើញដៃគូនីមួយៗអានជាមួយគ្នា នូវវគ្គដែលបានចាត់ឲ្យក្នុងកូនសៀវភៅដើម្បីកម្លាំងនៃយុវជន ហើយបំពេញវានៅក្នុងតារាង ។
បទដ្ឋានដែលបានពិភាក្សានៅក្នុងកូនសៀវភៅដើម្បីកម្លាំងនៃយុវជន ៖ |
តើការរស់នៅតាមបទដ្ឋាននេះ អាចនាំមកនូវសេរីភាពតាមរបៀបណា ? |
តើការមិនរស់នៅតាមបទដ្ឋាននេះ អាចនាំមកនូវទាសភាពតាមរបៀបណា ? |
---|---|---|
បន្ទាប់ពីផ្ដល់ពេលគ្រប់គ្រាន់ហើយ សូមអញ្ជើញដៃគូសិស្សនីមួយៗប្ដូរដៃគូគ្នាជាមួយនឹងដៃគូផ្សេង ហើយបង្រៀនអំពីអ្វីដែលពួកគេបានរៀនអំពីបទដ្ឋានដែលពួកគេបានសិក្សា ។ ក្រោយពីមានពេលគ្រប់គ្រាន់ហើយ សូមអញ្ជើញសិស្សពីរបីនាក់ប្រាប់ចម្លើយដែលពួកគេបានរៀនដល់សិស្សក្នុងថ្នាក់ ។
-
តើសេរីភាពអ្វីខ្លះ ដែលបានសន្យានៅក្នុងកូនសៀវភៅដើម្បីកម្លាំងនៃយុវជនដែលអ្នកបានទទួលបទពិសោធន៍ផ្ទាល់ខ្លួន ?
សូមអញ្ជើញសិស្សឲ្យសរសេរពីរបៀបជាក់លាក់មួយ ដែលពួកគេនឹងស្វែងរកសេរីភាព ក្នុងការរស់នៅស្របតាមព្រះបន្ទូលរបស់ព្រះអង្គសង្គ្រោះ ។
យ៉ូហាន ៨:៣៧–៥៩
ព្រះយេស៊ូវបានថ្លែងទីបន្ទាល់អំពីភាពជាព្រះរបស់ទ្រង់
សូមអញ្ជើញសិស្សឲ្យឆ្លើយសំណួរខាងក្រោមដោយសង្ខេប ៖
-
តើនរណាដែលអ្នកស្គាល់ ដែលមានចរិតលក្ខណៈស្រដៀងគ្នា ស្ទើរតែបេះបទនឹងឪពុករបស់ខ្លួន ?
សូមអញ្ចើញឲ្យសិស្សពីរបីនាក់ប្ដូរវេនគ្នាអានឮៗចេញមកពី យ៉ូហាន ៨:៣៧-៤០, ៤៤–៤៥។ ចូរសុំឲ្យសិស្សក្នុងថ្នាក់ផ្ទៀងតាម ហើយរកមើលពីរបៀបដែលពួកអ្នកដឹកនាំយូដា ជំទាស់នឹងព្រះអម្ចាស់ ខុសពីព្យាការីអ័ប្រាហាំដ៏អស្ចារ្យក្នុងគម្ពីរសញ្ញាចាស់ ដែលពួកគេអះអាងថាជាឪពុករបស់ពួកគេនោះ ។
-
យោងតាមខទី ៣៩តើព្រះអង្គសង្គ្រោះមានបន្ទូលដូចម្តេចខ្លះ ដែលថាពួកគេនឹងធ្វើ ប្រសើនបើពួកគេគឺជាកូនចៅរបស់អ័ប្រាហាំ ?
-
យោងតាមខទី ៤០តើពួកគេព្យាយាមធ្វើអ្វីខ្លះ ដែលអ័ប្រាហាំនឹងមិនធ្វើនោះ ?
-
យោងតាមខទី ៤៤-៤៥តើនរណាដែលព្រះយេស៊ូវមានបន្ទូលថាជាឪពុករបស់ពួកគេ ? ( អារក្ស ) ។ តើពួកគេធ្វើតាមអារក្សតាមរបៀបណា ?
សូមសង្ខេបយ៉ូហាន ៨:៤៦-៥០ដោយពន្យល់ថា ព្រះអង្គសង្គ្រោះបានបង្រៀនថា អ្នកទាំងឡាយដែលជារបស់ផងព្រះ ទទួលយកព្រះបន្ទូលទ្រង់ ។ ពួកអ្នកដឹកនាំយូដាបានព្យាយាមប្រមាថព្រះយេស៊ូវដោយហៅទ្រង់ថាជា សាសន៍សាម៉ារី ( ជាសាសន៍សាម៉ារីដែលត្រូវបានពួកសាសន៍យូដាស្អប់ជាទូទៅនោះ ) ហើយបានប្រកាសថាទ្រង់មានវិញ្ញាណអារក្ស ។
សូមអញ្ជើញឲ្យសិស្សម្នាក់អាន យ៉ូហាន ៨:៥១–៥៣ ឲ្យឮៗ ។ ចូរសុំឲ្យសិស្សក្នុងថ្នាក់ផ្ទៀងតាម រកមើលសំណួរដែលអ្នកដឹកនាំយូដាបានសួរព្រះយេស៊ូវ ។
-
តើពួកគេបានសួរសំណួរព្រះយេស៊ូវអ្វីខ្លះ ? ( អ្នកគប្បីអញ្ជើញសិស្សឲ្យគូសចំណាំសំណួរ « តើអ្នកធំជាងលោកអ័ប្រាហាំ ជាឰយុកោយើង និងពួកហោរា ដែលស្លាប់ទៅហើយនោះឬអី ?» នៅក្នុងខទី ៥៣) ។
សូមអញ្ជើញឲ្យសិស្សម្នាក់អាន យ៉ូហាន ៨:៥៦-៥៨ ឲ្យឮៗ ។ ចូរសុំឲ្យសិស្សក្នុងថ្នាក់ផ្ទៀងតាម រកមើលការឆ្លើយតបរបស់ព្រះអង្គសង្គ្រោះចំពោះសំណួររបស់ពួកយូដា ។
-
តើព្រះយេស៊ូវឆ្លើយយ៉ាងណា ចំពោះសំណួរថា « តើអ្នកធំជាងលោកអ័ប្រាហាំ ជាឰយុកោយើង និងពួកហោរា ដែលស្លាប់ទៅហើយនោះឬអី » នោះ ? ( អ្នកគប្បីអញ្ជើញសិស្សឲ្យគូសចំណាំឃ្លា « មុនដែលលោកអ័ប្រាហាំកើតមក នោះមានខ្ញុំហើយ » នៅក្នុងខទី ៥៨) ។
សូមអញ្ជើញសិស្សឲ្យអានយ៉ូហាន ៨:៥៨ លេខយោងខដោយស្ងាត់ស្ងៀម ហើយរកមើលអត្ថន័យនៃពាក្យ « ខ្ញុំ » ។ បន្ទាប់មក សួរសំណួរដូចខាងក្រោមនេះ ៖
-
តើពាក្យ « ខ្ញុំ » មានន័យយ៉ាងណា ? ( ពាក្យនោះប្រាប់អំពីព្រះយេហូវ៉ា ព្រះនៃអ័ប្រាហាំ អ៊ីសាក និងយ៉ាកុប អ្នកអាចនឹងចាំបាច់ត្រូវពន្យល់ថា Septuagint គឺជាការបកប្រែភាសាក្រិកនៃគម្ពីរសញ្ញាចាស់ ។ អ្នកគប្បីអញ្ជើញសិស្សឲ្យសរសេរនៅក្នុងគម្ពីររបស់ពួកគេនូវសេចក្ដីពិតដូចខាងក្រោម ៖ ព្រះយេស៊ូវគ្រីស្ទ គឺជាព្រះយេហូវ៉ា ជាព្រះនៃគម្ពីរសញ្ញាចាស់ )។
-
ផ្អែកទៅលើការសិក្សារបស់អ្នកអំពីខទី ៥៨តើចម្លើយរបស់ព្រះយេស៊ូវគឺជាអ្វី ចំពោះសំណួរថាតើទ្រង់ធំជាងអ័ប្រាហាំទេឬអីនោះ ?
សូមដាក់តាំងរូបភាពជាច្រើនមកពីសៀវភៅសិល្បៈដំណឹងល្អ( [ ឆ្នាំ ២០០៩ ] សូមមើលផងដែរLDS.org) ដែលបង្ហាញពីអព្ភូតហេតុដែលបានកត់ត្រានៅក្នុងគម្ពីរសញ្ញាចាស់ ( ដូចជាបុរសបីនាក់នៅក្នុងគុកភ្លើងលេខ២៥ឬដានីយ៉ែលនៅក្នុងរូងសិង្ហលេខ២៦) ។
-
ប្រសិនបើអ្នកឈរនៅចំពោះមុខព្រះយេស៊ូវ ហើយបានស្ដាប់ឮទ្រង់ប្រកាសថា ទ្រង់គឺជាអង្គដែលបាននាំឲ្យមានអព្ភូហេតុ ដែលបានកត់ត្រានៅក្នុងគម្ពីរសញ្ញាចាស់ តើអ្នកនឹងឆ្លើយតបចំពោះទ្រង់យ៉ាងដូចម្ដេច ?
សូមអញ្ជើញសិស្សម្នាក់ឲ្យអានយ៉ូហាន ៨:៥៩ឲ្យឮៗ ។ ចូរសុំឲ្យសិស្សក្នុងថ្នាក់ផ្ទៀងតាម ហើយរកមើលរបៀបដែលអ្នកដឹកនាំពួកយូដាបានឆ្លើយតបចំពោះការប្រកាសរបស់ព្រះយេស៊ូវថា ទ្រង់ជាព្រះយេហូវ៉ា ។ សូមឲ្យសិស្សរៀបរាប់ពីអ្វីដែលពួកគេរកឃើញ ។
-
ហេតុអ្វីអ្នកមានអារម្មណ៍ថា វាសំខាន់សម្រាប់យើងដើម្បីដឹងថា ព្រះយេស៊ូវគ្រីស្ទគឺជាព្រះយេហូវ៉ា ជាព្រះនៃគម្ពីរសញ្ញាចាស់ ?
សូមពិចារណាធ្វើការអញ្ជើញសិស្សពីរបីនាក់ឲ្យចែកចាយទីបន្ទាល់របស់ពួកគេអំពីព្រះយេស៊ូវគ្រីស្ទ ជាមួយនឹងសិស្សក្នុងថ្នាក់ ។ អ្នកអាចបញ្ចប់មេរៀននេះដោយការចែកទីបន្ទាល់ផ្ទាល់ខ្លួនរបស់អ្នកផងដែរ ។
រូបភាពរូបសញ្ញាចំណេះចំណានខគម្ពីរ ការរំឭកពីចំណេះចំណានខគម្ពីរ
សំណួរ និង ការប្រលងផ្តល់ឱកាសឲ្យសិស្សសាកល្បងការចងចាំអំពីចំណេះចំណានខគម្ពីររបស់ពួកគេ ។ តម្រុយអាចរួមមាន ពាក្យគន្លឹះ ឬ សេចក្តីយោងព្រះគម្ពីរ ការដកស្រង់ពីវគ្គបទគម្ពីរ ឬ រឿងប្រឌិតដែលគូសបង្ហាញពីសេចក្តីពិតដែលបានបង្រៀននៅក្នុងវគ្គបទគម្ពីរទាំងនោះ ។ សំណួរ និង ការប្រលងនានាអាចត្រូវបានធ្វើឡើងដោយផ្ទាល់មាត់ នៅលើក្តារខៀន ឬនៅលើក្រដាស ។ បន្ទាប់ពីសិស្សបានធ្វើសំណួរ ឬការសាកល្បងរួចហើយ ចូរពិចារណាធ្វើការចាប់ដៃគូសិស្ស ដែលមានបញ្ហាក្នុងការទន្ទេញចាំចំណេះចំណានខគម្ពីរ ធ្វើការជាមួយនឹងអ្នកដែលទទួលបានពិន្ទុខ្ពស់ ។ សិស្សដែលបានពិន្ទុខ្ពស់អាចដើរតួធ្វើជាអ្នកបង្ហាត់ ដើម្បីជួយសិស្សដែលមានពិន្ទុទាបឲ្យសិក្សា និង កែលម្អឲ្យបានល្អប្រសើរឡើង ។ ( ប្រសិនបើអ្នកធ្វើដូចនេះ ចូរប្រាកដថា ធ្វើវាក្នុងរបៀបមួយដែលពុំធ្វើឲ្យសិស្សដែលកំពុងមានបញ្ហាមានការខ្មាស់អៀនឡើយ ) ។
សេចក្តីពន្យល់ និង ព័ត៌មានសាច់រឿង
យ៉ូហាន ៨:៣៣ ។ « យើងរាល់គ្នាជាពូជលោកអ័ប្រាហាំ »
ការប្រកាសរបស់ពួកយូដាថា ពួកគេជាពូជលោកអ័ប្រាហាំ បង្ហាញនូវការយល់ខុសជាទូទៅមួយទាក់ទងនឹងសេចក្ដីសញ្ញាអ័ប្រាហាំ និងគោលលទ្ធិនៃការតែងតាំងពីមុនមក ។ ការពន្យល់ដូចខាងក្រោមមកពីវចនានុក្រមគម្ពីរប៊ីប បញ្ជាក់អំពីការសន្យាទាំងឡាយដែលបានធ្វើ និងការទទួលខុសត្រូវរបស់ពូជអំបូរអ័ប្រាហាំ ៖
« ដំបូងឡើយ អ័ប្រាហាំបានទទួលដំណឹងល្អតាមរយៈពិធីបុណ្យជ្រមុជទឹក ( ដែលជាសេចក្ដីសញ្ញានៃសេចក្ដីសង្គ្រោះ ) ។ បន្ទាប់មក គាត់បានទទួលបព្វជិតភាពខ្ពស់ជាង ហើយគាត់បានចូលទៅក្នុងអាពាហ៍ពិពាហ៍សេឡេស្ទាល ( ដែលជាសេចក្ដីសញ្ញានៃការតម្កើងឡើង ) ដោយទទួលបាននូវការអះអាងដូច្នោះ ថាគាត់នឹងមានការរីកចម្រើនដ៏អស់កល្បជានិច្ច ។ ទីបំផុត គាត់បានទទួលការសន្យាមួយថា រាល់ពរជ័យទាំងអស់នឹងត្រូវបានប្រគល់ដល់កូនចៅខាងសាច់ឈាមរបស់គាត់ទាំងអស់ (គ. និង ស. ១៣២:២៩-៥០អ័ប្រា. ២:៦-១១) ។ … កូនចៅរបស់អ័ប្រាហាំ នឹងទទួលបានទឹកដីជាក់លាក់ជាមរតកដ៏អស់កល្បជានិច្ច (លោកុ. ១៧, ១១:១៥–១៨, កាឡាទី ៣, អ័ប្រា. ២) ។ ការសន្យាទាំងនេះរួមគ្នាគឺត្រូវបានហៅថាសេចក្ដីសញ្ញាអ័ប្រាហាំ ។ …
« ចំណែកនៃសេចក្ដីសញ្ញាដែលទាក់ទងនឹងសេចក្ដីសង្គ្រោះផ្ទាល់ខ្លួន និងការរីកចម្រើនដ៏អស់កល្បជានិច្ច គឺត្រូវបានរំឭកជាមួយនឹងបុគ្គលម្នាក់ៗដែលទទួលពិធីបរិសុទ្ធនៃអាពាហ៍ពិពាហ៍សេឡេស្ទាល ( សូមមើលគ. និង ស. ១៣២:២៩–៣៣) ។ អ្នកទាំងឡាយដែលពុំមែនជាពូជពង្សអ៊ីស្រាអែល ជាទូទៅត្រូវបានគេស្គាល់ថាជាសាសន៍ដទៃ គឺត្រូវបានទទួលចូលមកក្នុងពូជពង្សអ៊ីស្រាអែល ហើយបានក្លាយទៅជាអ្នកទទួលមរតកនៃសេចក្ដីសញ្ញា និងពូជអ័ប្រាហាំ តាមរយៈពិធីបរិសុទ្ធទាំងឡាយនៃដំណឹងល្អ (កាឡាទី ៣:២៦–២៩) ។
« ការធ្វើជាអ្នកទទួលមរកតសេចក្ដីសញ្ញាអ័ប្រាហាំ ពុំធ្វើឲ្យមនុស្សម្នាក់ក្លាយទៅជា ‹ មនុស្សជម្រើស › ដោយស្វ័យប្រវត្តិនោះទេ ប៉ុន្តែបង្ហាញថា មនុស្សជម្រើសនោះមានទំនួលខុសត្រូវ ដើម្បីនាំដំណឹងល្អទៅកាន់មនុស្សទាំងអស់នៅលើផែនដី ។ ពូជអ័ប្រាហាំបានអនុវត្តសកម្មភាពផ្សព្វផ្សាយសាសនា នៅគ្រប់ជាតិសាសន៍ទាំងអស់ ចាប់តាំងពីជំនាន់អ័ប្រាហាំមក ។ (ម៉ាថាយ ៣:៩, អ័ប្រា. ២:៩–១១) » ( Bible Dictionary « Abraham, Covenant of ») ។
យ៉ូហាន ៨:៥៨ ។ តើឃ្លា « មុនដែលលោកអ័ប្រាហាំកើតមក នោះមានខ្ញុំហើយ » មានន័យយ៉ាងណា ?
អែលឌើរ រ័សុល អិម ណិលសុន នៃកូរ៉ុមនៃពួកសាវកដប់ពីរនាក់ បានពន្យល់អំពីអត្ថន័យ និងសារៈសំខាន់នៃពាក្យ « ខ្ញុំ » ៖
« ព្រះយេស៊ូវគឺជាព្រះយេហូវ៉ា … ( សូមមើល និក្ខ. ៦:៣, សុភា. ៨៣:១៨, អេសាយ ១២:២, អេសាយ ២៦:4) ។ ការប្រើព្រះនាមដ៏បរិសុទ្ធនេះ ក៏ត្រូវបានបញ្ជាក់នៅក្នុងគម្ពីរសម័យទំនើបផងដែរ ( សូមមើលមរ៉ូ. ១០:៣៤, គ. និង ស. ១០៩:៦៨, គ. និង ស. ១១០:៣, គ. និង ស. ១២៨:៩) ។ ព្រះយេហូវ៉ា ត្រូវបានដកចេញមកពីភាសាហេព្រើរនូវពាក្យhayahដែលមានន័យថា ‹ ធ្វើជា › ឬ ‹ មាននៅ › ។ ពាក្យថាhayahនៅក្នុងអត្ថបទភាសាហេព្រើរនៃគម្ពីរសញ្ញាចាស់ ត្រូវបានបកប្រែថា ខ្ញុំ ( សូមមើលនិក្ខ. ៣:១៤) ។
« គួរអស្ចារ្យណាស់ ពាក្យ ខ្ញុំ ត្រូវបានប្រើដោយព្រះយេហូវ៉ា ជានាមមួយសម្រាប់ទ្រង់ផ្ទាល់ ( សូមមើលគ. និង ស. ២៩:១,គ. និង ស. ៣៨:១,គ. និង ស. ៣៩:១) ។ សូមអានការសន្ទនាដ៏គួរចាប់អារម្មណ៍មកពីគម្ពីរសញ្ញាចាស់ ។ ម៉ូសេទើបបានទទួលការចាត់តាំងដ៏ទេវភាពមួយដែលគាត់ពុំបានស្វែងរក ជាការអនុញ្ញាតឲ្យដឹកនាំកូនចៅអ៊ីស្រាអែលចេញពីទាសភាព ។ ទិដ្ឋភាពនេះកើតឡើងនៅលើភ្នំស៊ីណាយ ៖
« ‹ ម៉ូសេទូលទៅព្រះថា តើទូលបង្គំជាអ្វី ដែលព្រះអង្គឲ្យទូលបង្គំទៅឯផារ៉ោន ហើយឲ្យទូលបង្គំនាំពួកកូនចៅអ៊ីស្រាអែលចេញពីស្រុកអេស៊ីព្ទមកដូច្នេះ ? ›
« ដោយពុំសង្ស័យទេ ដែលម៉ូសេមានអារម្មណ៍ថាពុំមានសមត្ថភាពគ្រប់គ្រាន់ចំពោះការហៅរបស់គាត់ ទោះជាអ្នក និងខ្ញុំក្ដី ក៏អាចមានពេលមួយដែលទទួលបានការចាត់តាំងដ៏លំបាកដែរ ។
« ‹ ម៉ូសេក៏ទូល [ ម្ដងទៀត ] ទៅព្រះថា មើល កាលណាទូលបង្គំទៅប្រាប់ពួកកូនចៅអ៊ីស្រាអែលថា ព្រះនៃឰយុកោអ្នករាល់គ្នាទ្រង់បានចាត់ខ្ញុំឲ្យមកឯអ្នករាល់គ្នា ហើយគេសួរទូលបង្គំថា តើព្រះទ្រង់ព្រះនាមជាអ្វី នោះតើត្រូវឲ្យទូលបង្គំប្រាប់គេថាដូចម្តេច ?
« ‹ ព្រះទ្រង់មានព្រះបន្ទូលទៅម៉ូសេថា ខ្ញុំជាព្រះដ៏ជាព្រះ ៖ រួចទ្រង់មានព្រះបន្ទូលទៀតថា ឯងត្រូវឆ្លើយប្រាប់ដល់ពួកកូនចៅអ៊ីស្រាអែលដូច្នេះថា ព្រះដ៏ជាព្រះទ្រង់បានចាត់ឲ្យខ្ញុំមកឯអ្នករាល់គ្នា ។
« ‹ ព្រះទ្រង់ក៏មានព្រះបន្ទូលនឹងម៉ូសេទៀតថា ចូរនិយាយនឹងពួកកូនចៅអ៊ីស្រាអែលដូច្នេះថា ព្រះយេហូវ៉ាជាព្រះនៃពួកឰយុកោអ្នករាល់គ្នា គឺជាព្រះនៃអ័ប្រាហាំ ជាព្រះនៃអ៊ីសាក ហើយជាព្រះនៃយ៉ាកុបទ្រង់បានចាត់ឲ្យខ្ញុំមកឯអ្នករាល់គ្នា នោះជាឈ្មោះយើងនៅអស់កល្បជានិច្ច (និក្ខ. ៣:១១, ១៣–១៥) ។
« ព្រះយេហូវ៉ាបានបើកបង្ហាញដល់ម៉ូសេនូវនាមនេះថា ទ្រង់ត្រូវបានជ្រើសរើសដោយរាបសារ និងដោយរមទម្យសម្រាប់អត្តសញ្ញាណពីមុនជីវិតរមែងស្លាប់ដោយព្រះអង្គទ្រង់ផ្ទាល់ ៖ ‹ ខ្ញុំ › » (« Jesus the Christ: Our Master and More » Ensign ខែ មេសា ឆ្នាំ ២០០០ ទំព័រ ៦–៧ ) ។