មេរៀនទី ១៣ ៖ ថ្ងៃទី ២
យ៉ូហាន ៣
សេចក្តីផ្ដើម
នារាត្រីមួយពួកផារិស៊ីម្នាក់ឈ្មោះ នីកូដេមបានមកឯព្រះយេស៊ូវ ហើយនិយាយជាមួយទ្រង់ ។ ព្រះយេស៊ូវបានបង្រៀននីកូដេមថា មនុស្សទាំងអស់ត្រូវតែកើតជាថ្មីដើម្បីចូលទៅក្នុងនគរនៃព្រះបាន ។ ក្រោយមកយ៉ូហាន បាទីស្ទ បានពន្យល់ដល់ពួកសិស្សរបស់ទ្រង់ថា តួនាទីរបស់លោកគឺរៀបចំផ្លូវថ្វាយព្រះយេស៊ូវគ្រីស្ទ ។
យ៉ូហាន ៣:១-២១
ព្រះយេស៊ូវបង្រៀននីកូដេមពីសេចក្តីពិតខាងវិញ្ញាណ
សូមស្រមៃថានៅថ្ងៃណាមួយ ខណៈដែលអ្នកកំពុងពិភាក្សាអំពីសាសនាជាមួយមិត្តភក្តិមួយចំនួន នោះមានម្នាក់និយាយថា « ដរាបណាខ្ញុំជាមនុស្សល្អ នោះខ្ញុំអាចទៅនគរឋានសួគ៌ » ។ សូមគិតអំពីរបៀបដែលអ្នកនឹងឆ្លើយតបចំពោះសំណួរមិត្តរបស់អ្នក ។
នៅពេលអ្នកសិក្សា យ៉ូហាន ៣ដោយរកមើលអ្វីដែលព្រះយេស៊ូវបានបង្រៀនយើងថាត្រូវតែធ្វើ ដើម្បីចូលទៅក្នុងនគរព្រះ ។
នៅជិតការចាប់ផ្តើមនៃការបម្រើក្នុងជីវិតរមែងស្លាប់របស់ទ្រង់ នោះព្រះអង្គសង្គ្រោះបានយាងទៅក្រុងយេរូសាឡិមដើម្បីប្រារព្ធពិធីបុណ្យរំលង ។ មនុស្សជាច្រើននៅក្នុងក្រុងយេរូសាឡិមបានជឿលើព្រះយេស៊ូវ នៅពេលពួកគេបានឃើញអព្ភូតហេតុដែលទ្រង់បានសម្តែង ( សូមមើល យ៉ូហាន ២:២៣–២៥) ។
សូមអាន យ៉ូហាន ៣:១-២ដោយរកមើលថានរណាបានមកជួបព្រះអង្គសង្គ្រោះ ខណៈដែលទ្រង់គង់នៅក្រុងយេរូសាឡិម ។
ព្រះយេស៊ូវកំពុងមានបន្ទូលជាមួយនីកូដេម
នៅពេល « ចៅហ្វាយសាសន៍យូដាម្នាក់ » (យ៉ូហាន ៣:១) នីកូដេម ជាសមាជិកម្នាក់នៃពួកសានហេឌ្រីន ។ ពួកសានហេឌ្រីនគឺជាក្រុមប្រឹក្សាភិបាលដែលបានបង្កើតឡើងដោយពួកផារិស៊ី និង ពួកសាឌូស៊ី ដែលដឹកនាំកិច្ចការរដ្ឋការ និង សាសនានៃពួកប្រជាជនសាសន៍យូដា ។
ហេតុអ្វីអ្នកគិតថានីកូដេមមកជួបព្រះយេស៊ូវនៅយប់នោះ ?
ការទទួលស្គាល់របស់នីកូដេមដែលថាព្រះយេស៊ូវគឺជា « គ្រូមកពីព្រះពិត » (យ៉ូហាន ៣:២) ជាចំណុចមួយថាលោកចង់រៀនពីព្រះយេស៊ូវគ្រីស្ទ ។
សូមអាន យ៉ូហាន ៣:៣–៥ដោយរកមើលអ្វីដែលព្រះអង្គសង្គ្រោះបានបង្រៀននីកូដេម ។ (យ៉ូហាន ៣:៥ គឺជាចំណេះចំណានខគម្ពីរមួយ ។ អ្នកអាចគូសចំណាំវានៅក្នុងរបៀបមួយ ដែលជួយអ្នកអាចងាយរកវាឃើញនៅពេលខាងមុខ ) ។
ព្រះយេស៊ូវបានបង្រៀននីកូដេមថា មនុស្សគ្រប់រូបត្រូវតែកើតជាថ្មី ។ តើនីកូដេមបានគិតថាមានន័យដូចម្តេចដែលព្រះអង្គសង្គ្រោះមានបន្ទូលដោយឃ្លាថា « កើតជាថ្មី » (យ៉ូហាន ៣:៣) ?
ដើម្បីកើតជាថ្មីគឺថា « មានព្រះវិញ្ញាណនៃព្រះអម្ចាស់បណ្តាលឲ្យមានការផ្លាស់ប្តូរយ៉ាងធំក្នុងដួងចិត្តរបស់មនុស្សម្នាក់ ដើម្បី [ គាត់ ] ពុំមានបំណងប្រាថ្នាធ្វើអាក្រក់ទៀតឡើយ ប៉ុន្ដែមានបំណងស្វែងរកការណ៍នៃព្រះវិញ ( សេចក្ដីណែនាំដល់បទគម្ពីរទាំងឡាយ « Born Again, Born of God » scriptures.lds.orgសូមមើល ម៉ូសាយ ៥:២, ២៧:២៥–២៦) ។
ព្យាការីយ៉ូសែប ស្ម៊ីធ បានបង្រៀនថា « ការកើតជាថ្មីកើតមកពីព្រះវិញ្ញាណនៃព្រះ តាមរយៈពិធីបរិសុទ្ធ » (Teachings of Presidents of the Church: Joseph Smith [ ឆ្នាំ ២០០៧ ] ទំព័រ៩៥) ។
អ្នកអាចគូសចំណាំចំណុចពីរនៅក្នុង យ៉ូហាន ៣:៥ ដែលព្រះយេស៊ូវបានបង្រៀនដែលចាំបាច់ដើម្បីចូលទៅក្នុងនគរនៃព្រះ ។
ការកើតចេញពីទឹកមានន័យថាត្រូវជម្រុជទឹក ហើយការកើតចេញពីព្រះវិញ្ញាណបរិសុទ្ធ មានន័យថាការទទួលអំណោយទាននៃព្រះវិញ្ញាណបរិសុទ្ធ ។
សូមបំពេញសេចក្ដីពិតដូចតទៅនេះ ដោយផ្អែកទៅលើអ្វីដែលអ្នកបានរៀនចេញពី យ៉ូហាន ៣:៥៖ គឺចាំបាច់សម្រាប់ការកើតជាថ្មីខាងវិញ្ញាណ និង ការទទួលបានការលើកតម្កើងនៅក្នុងនគរសេឡេស្ទាល ។ សូមសរសេរសេចក្តីពិតនេះនៅក្នុងព្រះគម្ពីររបស់អ្នកក្បែរ យ៉ូហាន ៣:៥។
ប្រធាន ប៊យដ៍ ឃេ ផាកកឺ ក្នុងកូរ៉ុមនៃពួកសាវកដប់ពីរនាក់បានប្រកាស ៖ « ឥរិយាបថល្អដោយគ្មានពិធីបរិសុទ្ធនៃដំណឹងល្អនឹងពុំអាចសង្គ្រោះ ហើយពុំផ្តល់ភាពលើកតម្កើងមនុស្សលោកឡើយ សេចក្តីសញ្ញា និង ពិធីបរិសុទ្ធគឺចាំបាច់ » (« The Only True Church » Ensign ខែ វិច្ឆិកា ឆ្នាំ ១៩៨៥ ទំព័រ ៨២ ) ។
-
នៅក្នុងសៀវភៅកំណត់ហេតុការសិក្សាព្រះគម្ពីររបស់អ្នក សូមសរសេរចម្លើយចំពោះមិត្តរបស់អ្នក ដែលនិយាយថា គ្រាន់តែធ្វើជាមនុស្សល្អ នោះគ្រប់គ្រាន់ដើម្បីចូលនគរឋានសួគ៌ហើយ ។ សូមចាំដើម្បីប្រើអ្វីដែលព្រះយេស៊ូវបានមានបន្ទូលនៅក្នុង យ៉ូហាន ៣:៥ នៅក្នុងចម្លើយរបស់អ្នក ។
នៅក្នុង យ៉ូហាន ៣:៦–១២ យើងអានថា បន្ទាប់ពីព្រះយេស៊ូវបានបង្រៀននីកូដេមថា មនុស្សគ្រប់រូបត្រូវតែបានកើតជាថ្មីខាងវិញ្ញាណ នីកូដេមបានសួរព្រះយេស៊ូវពីអ្វីមនុស្សម្នាក់អាចធ្វើបានដើម្បីកើតជាថ្មីម្តងទៀត ។ ព្រះយេស៊ូវបានឆ្លើយតបដោយការសួរនីកូដេម ថាតើគាត់អាចក្លាយជាអ្នកដឹកនាំសាសនារបស់មនុស្ស ហើយពុំយល់ពីអ្វីដែលទ្រង់កំពុងបង្រៀនដូច្នេះ ។
សូមអាន យ៉ូហាន ៣:១៣-១៥ដោយរកមើលរបៀបដែលព្រះយេស៊ូវបានឆ្លើយសំណួររបស់នីកូដេមអំពីអ្វីដែលអាចធ្វើបានដើម្បីកើតខាងវិញ្ញាណជាថ្មី ។ សូមកត់សម្គាល់នៅក្នុង យ៉ូហាន ៣:១៣ ថាព្រះយេស៊ូវបានថ្លែងទីបន្ទាល់ថា ព្រះអង្គទ្រង់គឺជាព្រះរាជបុត្រានៃព្រះដែលយាងចុះមកពីឋានសួគ៌ ។
នៅក្នុង យ៉ូហាន ៣:១៣ព្រះយេស៊ូវបានបង្រៀននីកូដេមថា គ្មាននរណាម្នាក់អាចឡើងទៅនគរឋានសួគ៌បានតាមការខិតខំផ្ទាល់ខ្លួននោះឡើយ ។ ព្រះគ្រីស្ទគឺជាអង្គតែម្នាក់គត់ដែលអាចឡើងទៅនគរឋានសួគ៌បានដោយខ្លួនទ្រង់ផ្ទាល់ ។
អំឡុងសម័យម៉ូសេ និង កូនចៅអ៊ីស្រាអែលបានដើររសាត់ព្រាត់នៅក្នុងទីរហោស្ថាន នោះព្រះអម្ចាស់បានបញ្ជូនពស់ភ្លើង ឬ ពស់អសិរពិសដោយសារតែលទ្ធផលនៃការប្រព្រឹត្តិអំពើបាបប្រឆាំងនឹងព្រះ ។ ពួកសាសន៍អ៊ីស្រាអែលបានរងពិសពុលនៅពេលសត្វពស់បានចឹកពួកគេ ។ ព្រះអម្ចាស់បានដឹកនាំម៉ូសេ ឲ្យធ្វើសត្វពស់លង្ហិនមួយ ដែលមើលទៅដូចជាសត្វពស់ភ្លើងនោះ ហើយលើកវាដាក់លើបង្គោលមួយ ។ ទ្រង់បានសន្យាថាពួកអ៊ីស្រាអែលណាដែលក្រឡេកមើលទៅសត្វពស់នៅលើបង្គោលនោះនឹងបានជាសះស្បើយ ។ ( សូមមើល ជនគណនា ២១:៤–៩) ។
តើបទពិសោធន៍នៃការលើកពស់លង្ហិនរបស់ម៉ូសេស្រដៀងគ្នាទៅនឹងអ្វីដែលព្រះយេស៊ូវគ្រីស្ទនឹងធ្វើសម្រាប់មនុស្សគ្រប់គ្នាតាមរបៀបណាខ្លះ ?
សូមកត់ចំណាំថាពរជ័យដែលបានថ្លែងនៅក្នុង យ៉ូហាន ៣:១៥ ដែលកើតមានដល់អស់អ្នកដែលមើលទៅព្រះអង្គសង្គោះ ។
ព្រះយេស៊ូវបានបង្រៀននីកូដេមថា មនុស្សលោកគ្រប់រូបអាចទទួលបានជីវិតដ៏នៅអស់កល្បជានិច្ចតាមរយៈដង្វាយធួនរបស់ព្រះយេស៊ូវគ្រីស្ទ ។
ព្រះអង្គសង្គ្រោះក៏បានបង្រៀននីកូដេមផងដែរពីគោលលទ្ធិសំខាន់មួយអំពីព្រះវរបិតាសួគ៌ ។ សូមមើល យ៉ូហាន ៣:១៦–១៧ដោយរកមើលគោលលទ្ធិដែលយើងអាចរៀនអំពីព្រះវរបិតាសួគ៌ ។
យ៉ូហាន ៣:១៦–១៧ បង្រៀនថា ព្រះវរបិតាសួគ៌ស្រឡាញ់កូនចៅរបស់ទ្រង់ដល់ម្ល៉េះ បានជាទ្រង់ប្រទានព្រះរាជបុត្រាទ្រង់តែមួយ ឲ្យរងទុក្ខសម្រាប់អំពើបាបរបស់ពួកគេ ។
សូមពិចារណាពីរបៀបនៃការបញ្ជូនព្រះរាជបុត្រារបស់ទ្រង់ព្រះយេស៊ូវគ្រីស្ទមកលើផែនដី បង្ហាញជម្រៅនៃសេចក្ដីស្រឡាញ់របស់ព្រះវរបិតាសួគ៌សម្រាប់យើងរាល់គ្នា ។
នៅពេលអ្នកអានសេចក្ដីថ្លែងការណ៍ខាងក្រោមដោយអែលឌើរ ដាល្លិន អេក អូក ក្នុងកូរ៉ុមនៃពួកសាវកដប់ពីរនាក់សូមពិចារណាពីរបៀបដែលអ្នកមានអារម្មណ៍ នៅពេលអ្នកដឹងពីជម្រៅដ៏ធំធេងនៃសេចក្តីស្រឡាញ់របស់ព្រះវរបិតាសួគ៌ចំពោះអ្នក ៖ « គ្មានភស្តុតាងណាមួយប្រសើរជាងព្រះចេស្តា និង ភាពឥតខ្ចោះដែលពុំអាចប្រៀបផ្ទឹមបាននៃសេចក្តីស្រឡាញ់របស់ព្រះជាងការប្រកាសដោយសាវកយ៉ូហានឡើយ ៖ ‹ ដ្បិតព្រះទ្រង់ស្រឡាញ់មនុស្សលោកដល់ម្ល៉េះបានជាទ្រង់ប្រទានព្រះរាជបុត្រាទ្រង់តែមួយ › (យ៉ូហាន ៣:១៦) ។ … សូមគិតថាតើវាមានការឈឺចាប់ខ្លាំងប៉ុណ្ណាដែលព្រះវរបិតាសួគ៌របស់យើងបានបញ្ជូនបុត្រាតែមួយរបស់ទ្រង់ឲ្យស៊ូទ្រាំនឹងការរងទុក្ខដ៏ខ្លោចផ្សាដែលពុំអាចយល់បាន សម្រាប់អំពើបាបរបស់យើងនោះ ។ នោះគឺភស្តុតាងដ៏អស្ចារ្យបំផុតនៃសេចក្ដីស្រឡាញ់របស់ទ្រង់ចំពោះពួកយើងម្នាក់ៗ ! » (« Love and Law » Ensign ឬ Liahona ខែ វិច្ឆិកា ឆ្នាំ ២០០៩ ទំព័រ ២៦ ) ។
-
សូមអាន យ៉ូហាន ៣:១៦ និង គោលលទ្ធិ និង សេចក្តីសញ្ញា ៣៤:៣ដោយរកមើលអ្វីដែលអាចរៀនអំពីសេចក្តីស្រឡាញ់របស់ព្រះវរបិតា និង សេចក្តីស្រឡាញ់របស់ព្រះយេស៊ូវគ្រីស្ទ ។ បន្ទាប់មកនៅក្នុងសៀវភៅកំណត់ហេតុសិក្សាព្រះគម្ពីររបស់អ្នក សូមសរសរពីអារម្មណ៍ដែលអ្នកដឹងថាព្រះវរបិតាសួគ៌ស្រឡាញ់អ្នកយ៉ាងខ្លាំង បានជាទ្រង់ប្រទានព្រះរាជបុត្រាទ្រង់តែមួយ ឲ្យរងទុក្ខសម្រាប់អំពើបាបរបស់អ្នក ។
គោលការណ៍មួយដែលយើងអាចរៀនចេញពី យ៉ូហាន ៣:១៦–១៧ គឺថា ប្រសិនបើយើងជឿលើព្រះយេស៊ូវគ្រីស្ទ ដែលរួមបញ្ចូលទាំងការប្រែចិត្តចេញពីអំពើបាបរបស់យើង ព្រមទាំងគោរពតាមព្រះបន្ទូលរបស់ទ្រង់ នោះយើងអាចមានជីវិតអស់កល្បជានិច្ច តាមរយៈដង្វាយធួនរបស់ទ្រង់ ។
-
សូមមើលសេចក្តីដែលបានសរសេរនៅក្នុងមេរៀននេះឡើងវិញ ដែលព្រះយេស៊ូវបានបង្រៀននីកូដេម ។ សូមសរសេរក្នុងសៀវភៅកំណត់ហេតុការសិក្សាព្រះគម្ពីររបស់អ្នក អំពីរបៀបដែលសេចក្តីពិតទាំងនេះទាក់ទងគ្នា ។ សូមសរសេរឃ្លាដូចតទៅនេះ ៖ ខ្ញុំនឹងបង្ហាញសេចក្តីជំនឿរបស់ខ្ញុំលើព្រះយេស៊ូវគ្រីស្ទតាមរយៈ សូមបំពេញឃ្លានេះដោយការសរសេរពីអ្វីដែលអ្នកនឹងធ្វើដើម្បីបង្ហាញសេចក្តីជំនឿរបស់អ្នកលើព្រះយេស៊ូវគ្រីស្ទ ។
![]()
រូបភាពscripture mastery icon
-
វគ្គចំណេះចំណានខគម្ពីរនៅក្នុង យ៉ូហាន ៣:៥ បង្រៀនពីគោលលទ្ធិសំខាន់មួយ ដែលត្រូវការដោយកូនចៅទាំងអស់របស់ព្រះវរបិតាសួគ៌ ។ ការទន្ទេញចាំវានឹងជួយអ្នកឲ្យចែកចាយវាជាមួយមនុស្សដទៃពេញមួយជីវិតអ្នក ។ សូមសរសេរខគម្ពីរទាំងមូលទៅក្នុងសៀវភៅកំណត់ហេតុការសិក្សាព្រះគម្ពីររបស់អ្នក ។ សូមសូត្រខគម្ពីរនោះសារចុះសារឡើង ហើយគូសលុបពីរ ឬ បីពាក្យរាល់ពេលអ្នកសូត្រវា ។ សូមធ្វើដូច្នេះរហូតដល់អ្នកអាចទន្ទេញចាំមាត់ ។ អ្នកអាចសូត្រវាជាមួយសមាជិកគ្រួសារ ឬ មិត្តភក្តិដើម្បីប្រាកដថាអ្នកចេះវា ។
យ៉ូហាន ៣:២២-៣៦
យ៉ូហាន បាទីស្ទបង្រៀនថា ព្រះយេស៊ូវគឺជាព្រះគ្រីស្ទ
ប្រសិនបើអាច សូមចាក់ទឹកឲ្យពេញកែវ ឬ ធុងមួយ ហើយដាក់លក្ខណ៍ពណ៌សម្រាប់ដាក់អាហារទៅក្នុងទឹកនោះមួយ ឬពីរតំណក់ ។ សូមមើលពីពណ៌ដែលសាយភាពពេញទាំងធុងទឹកនោះ ។ សូមគិតអំពីរបៀបដែលពណ៌របស់អាហារអាចប្រៀបទៅនឹងឥទ្ធិពលរបស់យើងចំពោះមនុស្សដទៃ ។
សូមអានសេចក្ដីថ្លែងការណ៍ខាងក្រោមដោយប្រធាន ដេវីឌ អូ មិកឃេ ដោយរកមើលអ្វីដែលអ្នកអាចរៀនអំពីឥទ្ធិពលរបស់អ្នកនៅក្នុងជីវិតរបស់មនុស្សដទៃ ៖
« មនុស្សគ្រប់រូបដែលរស់នៅក្នុងពិភពលោកនេះកាន់ជាប់នូវឥទ្ធិពលមួយ វាអាចជាឥទ្ធិពលល្អ ឬ អាក្រក់ ។ ពុំមែនតែអ្វីដែលគាត់និយាយតែមួយមុខនោះទេ ហើយពុំមែនតែអ្វីដែលគាត់ធ្វើតែមុខឡើយ ។ គឺជាអ្វីអំពីខ្លួនគាត់នោះឯង » (Teachings of Presidents of the Church ៖ David O. McKay [ ឆ្នាំ ២០០៣ ]ទំព័រ ២២៧) ។
« ផលប៉ះពាល់នៃពាក្យសម្តី និង ទង្វើរបស់យើងគឺធំធេងណាស់នៅលើពិភពលោកនេះ ។ នៅក្នុងវិនាទីទាំងអស់នៃជីវិតអ្នកកំពុងផ្លាស់ប្តូរទៅរកកម្រិតមួយនៃជីវិតមនុស្សទូទាំងពិភពលោក » (Teachings: David O. McKayទំព័រ ២២៧) ។
ដូចដែលបានកត់ត្រានៅក្នុង យ៉ូហាន ៣:២២–២៦ពួកសិស្សមួយចំនួនរបស់យ៉ូហាន បាទីស្ទបានមានកង្វល់ ។ ពួកគេបានប្រាប់យ៉ូហានថា ព្រះយេស៊ូវបានជ្រមុជទឹក ហើយថាទ្រង់ « ទទួលមនុស្សទាំងអស់ដែលមកឯទ្រង់ » ( ការបកប្រែដោយយ៉ូសែប ស្ម៊ីធ យ៉ូហាន ៣:២៧ [ នៅក្នុង យ៉ូហាន ៣:២៦ លេខយោងក] ) ។ ពួកគេមានកង្វល់ថាមនុស្សជាច្រើនបានធ្វើតាមព្រះយេស៊ូវគ្រីស្ទជួសឲ្យការធ្វើតាមយ៉ូហាន បាទីស្ទ ។
សូមអាន យ៉ូហាន ៣:២៧-៣០ដោយរកមើលរបៀបដែលយ៉ូហាន បាទីស្ទបានពិពណ៌នាយ៉ាងរាបទាបពីតួនាទីរបស់លោកទាក់ទងនឹងព្រះយេស៊ូវគ្រីស្ទ ។
នៅក្នុងរឿងប្រៀបប្រដូចរបស់យ៉ូហាន បាទីស្ទ កូនកម្លោះតំណាងឲ្យព្រះយេស៊ូវ ហើយកូនក្រមុំអាចតំណាងឲ្យអស់អ្នកដែលមកឯព្រះគ្រីស្ទ ហើយមិត្តភក្តិរបស់កូនកម្លោះតំណាងឲ្យយ៉ូហាន បាទីស្ទ ។ តើយ៉ូហាន បាទីស្ទបានយល់អ្វីខ្លះពីតួនាទីរបស់ខ្លួននៅក្នុងទំនាក់ទំនងជាមួយព្រះយេស៊ូវគ្រីស្ទនោះ ? តើឥទ្ធិពលបែបណាដែលអ្នកគិតថា ពាក្យសម្តីរបស់យ៉ូហានអាចមានមកលើអ្នក ប្រសិនបើអ្នកជាកូនសិស្សម្នាក់របស់យ៉ូហាននោះ ?
សេចក្តីពិតមួយដែលយើងរៀនពីគំរូរបស់យ៉ូហាន បាទីស្ទ នោះគឺថា យើងអាចជះឥទ្ធិពលដល់មនុស្សដទៃសម្រាប់ការល្អ តាមរយៈការនាំពួកគេទៅរកព្រះយេស៊ូវគ្រីស្ទ ។
ហេតុអ្វីការប្រើឥទ្ធិពលរបស់យើងដើម្បីដឹកនាំមនុស្សដទៃឲ្យទៅឯព្រះគ្រីស្ទសំខាន់ ?
-
សូមគិតពីមនុស្សម្នាក់ដែលអ្នកបានឃើញថាបានដឹកនាំមនុស្សដទៃឲ្យទៅឯព្រះគ្រីស្ទ ។ នៅក្នុងសៀវភៅកំណត់ហេតុការសិក្សាព្រះគម្ពីររបស់អ្នក សូមពិពណ៌នាពីចរិតលក្ខណៈទាំងឡាយ នៃបុគ្គលម្នាក់នោះដែលបានរួមចំណែកជួយដល់គាត់ដើម្បីអាចជះឥទ្ធិពលដល់មនុស្សដទៃ ឲ្យស្រឡាញ់ឲ្យទទួលយកព្រះអង្គសង្គ្រោះ ។
សូមពិចារណាពីរបៀបនានាដែលអ្នកអាចដឹកនាំមនុស្សដទៃទៅរកព្រះអង្គសង្គ្រោះ ? អ្នកអាចស្វែងរកការដឹកនាំពីព្រះវិញ្ញាណបរិសុទ្ធក្នុងការខិតខំធ្វើកិច្ចការនោះ ។
នៅក្នុង យ៉ូហាន ៣:៣១–៣៦យ៉ូហាន បាទីស្ទ បានប្រកាសថាព្រះយេស៊ូវបានបញ្ជូនពីព្រះ ហើយថាអស់អ្នកដែលជឿលើទ្រង់អាចទទួលជីវិតអស់កល្បជានិច្ច ។
-
សូមសរសេរឃ្លាខាងក្រោមនេះ ពីខាងក្រោមកិច្ចការថ្ងៃនេះនៅក្នុងសៀវភៅកំណត់ហេតុការសិក្សាព្រះគម្ពីររបស់អ្នក ៖
ខ្ញុំបានសិក្សា យ៉ូហាន ៣ ហើយបានបញ្ចប់មេរៀននេះនៅ ( កាលបរិច្ឆេទ ) ។
សំណួរ គំនិត និង ការយល់ដឹងបន្ថែមដែលខ្ញុំចង់ចែកចាយជាមួយគ្រូរបស់ខ្ញុំ ៖