Givhan wetem Ol Kworom blong Melkesedek Prishud mo Ol Rilif Sosaeti we Oli Kam Strong Moa
Jos blong Jisas Kraes blong Ol Lata-dei Sent
Ofis blong Fas Presidensi
47 East South Temple Street, Salt Lake City, Utah 84150-1200
2 Epril 2018
I go long: Ol Jeneral Atoriti; Ol Jeneral Okseleri Presidensi; Ol Eria Seventi; Ol Stek, Misin, mo Distrik Presiden; Ol Bisop mo Ol Branj Presiden; Ol Stek mo Wod Kaonsel
(Blong oli ridim long sakramen miting)
Ol Dia Brata mo Sista:
Givhan wetem Ol Kworom blong Melkesedek Prishud mo Ol Rilif Sosaeti we Oli Kam Strong Moa
Seves blong Sevya, hem i eksampol blong tufala bigfala stamba komanmen: “Yu mas lavem Hae God ya we i God blong yu [wetem ful hat, mo wetem ful sol, mo wetem ful tingting blong yu]” mo. … “Yu mas lavem ol [neiba] blong yu, [mo] mekem i gud long olgeta olsem we yu stap mekem i gud long yu” (Matiu 22:37, 39). Folem semfala tingting ia, Jisas i tijim tu se: “yufala i olgeta ia we mi bin jusum blong wok blong pipol ia” (3 Nifae 13 :25).
Blong lukluk nomo long ol hadwok blong ol kworom blong Melkesedek Prishud mo ol Rilif Sosaeti blong givhan olsem we Sevya i bin tijim, mifala i stap anaonsem olgeta samting ia blong mas stretem mo jenisim: 1.
- Long level blong wod, wan Melkesedek Prishud kworom. Ol memba blong kworom blong ol elda, mo grup blong ol hae pris, naoia, bambae oli kombaen long wan kworom wetem wan presidensi nomo. Kworom ia, oli singaotem “kworom blong ol elda,” mo hae pris blong wod, i nomo gat.
- Long level blong stek, wan kworom blong ol hae pris. Ol stek presidensi bambae oli gohed blong stap olsem presidensi blong kworom blong ol hae pris. Ol memba blong kworom ia, oli ol hae pris ia nomo we oli holem wok long stek presidensi, long bisoprik, long hae kaonsel, mo ol petriak we oli stap wok naoia.
- Givhan i tekem ples blong hom tijing mo visiting tijing. Ol seperet program blong hom tijing mo visiting tijing oli wan kombaen wok we oli singaotem “givhan,” we wok blong hem, ol presidensi blong kworom blong ol elda mo Rilif Sosaeti oli lukluk long hem anda long daereksen blong bisop. Givhan, i wei olsem hemia blong Kraes blong kea long ol narawan mo blong help lukluk long ol nid long saed blong spirit mo laef.
- Yusum ol yut long wok blong givhan. Wok blong givhan, oli save yusum ol Lorel mo ol Maea Med olsem kompanion blong ol sista blong Rilif Sosaeti, mo ol pris mo tija oli gohed blong stap olsem ol kompanion blong olgeta we oli kasem Melkesedek Prishud.
Ol jenis long kworom ia, oli mas mekem naoia. Ol jenis long wok blong givhan, bae i save tekem sam taem, be hem i mas stat naoia. Moa infomesen i stap long Intanet long ministering.lds.org/bis.
Wetem tru tingting,
Fas Presidensi