Rilb’aleb’ li komon rik’ineb’ li kawob’resinb’il molam re li tijonelil re Melkisedek ut eb’ li Komonil re Tenq’ank
Lix Iglees li Jesukristo rehebʼ laj Santil Paabʼanel saʼ Rosoʼjikebʼ li Kutan
Office of the First Presidency
47 East South Temple Street, Salt Lake City, Utah 84150-1200
2 abril, 2018
Re: Eb’ li jolomil aj b’eresinel, eb’ li jolomil awa’b’ejil reheb’ li k’anjenel ch’uut, eb’ laj Setenta re area, eb’ li awa’b’ej re oqech, mision ut distrito, eb’ li obiisp ut awa’b’ej re uq’ej, eb’ li ch’utam re oqech ut re teep
(Re xyaabʼasinkil saʼ li chʼutam re li loqʼlaj waʼak)
Ex qas qiitzʼin:
Rilb’aleb’ li komon rik’ineb’ li kawob’resinb’il molam re li tijonelil re Melkisedek ut eb’ li Komonil re Tenq’ank
Rik’in li k’anjel kixb’aanu li Kolonel, k’utb’il xyaalal li wiib’ xninqal ru taqlahom: “Taara li Qaawa’ laa Dios chi anchal laa ch’ool, chi anchal laa waam, ut chi anchal laa k’a’uxl,” ut “Taara laa was aawiitz’in jo’ naq nakara aawib’ laa’at” (Mateo 22:37, 39). Chi jo’kan ajwi’, li Jesus kixye, “Laa’ex li xinsik’ ru chi k’anjelak chiru li tenamit a’in” (3 Nefi 13:25).
Re xjayalinkil lix k’anjeleb’ lix molam li tijonelil re Melkisedek ut eb’ li Komonil re Tenq’ank rik’in rilb’aleb’ li komon jo’ kixk’ut li Kolonel, naqaye resil li jalok a’in:
- Sa’eb’ li teep, jun ajwi’ li molam re li Tijonelil re Melkisedek. Eb’ li komon sa’eb’ lix molameb’ li xb’eenil ut sa’eb’ li ch’uut reheb’ li taqenaqil aj tij wankeb’ chik chi junajinb’il sa’ jun ajwi’ li molam rik’in jun ajwi’ li awa’b’ejil. Li molam a’in, “xmolameb’ li xb’eenil” k’ab’a’inb’il, ut ink’a’ chik te’wanq li ch’uut reheb’ li taqenaqil aj tij.
- Sa’eb’ li oqech, jun ajwi’ lix molameb’ li taqenaqil aj tij. Li awa’b’ejil re oqech toj taak’anjelaq jo’ awa’b’ejil re lix molameb’ li taqenaqil aj tij. Sa’ li molam a’an, ka’ajwi’ wankeb’ li taqenaqil aj tij li yookeb’ chi k’anjelak sa’ li awa’b’ejil re oqech, sa’eb’ li obiispil, sa’ li taqenaqil ch’utam, ut jo’ yuwa’b’ejil aj k’anjel.
- Li k’anjel re rilb’aleb’ li komon tixk’ul xna’ajeb’ laj tzolol ochochnal ut eb’ li ixq aj ula’. Lix k’anjeleb’ laj tzolol ochochnal ut eb’ li ixq aj ula’ te’wanq chik jo’ jun ajwi’ li k’anjel, a’an “rilb’aleb’ li komon” xk’ab’a’, ut b’eresinb’il xb’aaneb’ li awa’b’ejil sa’eb’ lix molameb’ li xb’eenil ut sa’ li Komonil re Tenq’ank, chi jolominb’il xb’aan li obiisp. Rilb’aleb’ li komon naraj naxye rilb’aleb’ li qas qiitz’in jo’ kixb’aanu li Kristo, ut xtenq’ankileb’ chixk’ulb’al li neke’raj ru sa’ musiq’ej ut sa’ tz’ejwalej.
- Chan ru naq te’okenq li saaj sa’ rilb’aleb’ li komon. Sa’ rilb’aleb’ li komon naru te’tz’aqonq li Laurel ut li Damita rochb’eeneb’ li ixq sa’ li Komonil re Tenq’ank, ut eb’ laj tij ut laj tzolonel toj te’rochb’eeniheb’ li neke’k’amok re li tijonelil re Melkisedek.
Tento taab’anumanq sa’ junpaat li jalok a’in sa’eb’ li molam. Maare taab’ayq b’ayaq li jalok choq’ re li k’anjel re rilb’aleb’ li komon, a’ut tento taab’aanumanq sa’ junpaat jo’ naru. Naru natawman xkomon chik li na’leb’ sa’ ministering.lds.org/kek.
Chi anchal qachʼool,
Li Xbʼeenil Awaʼbʼejil