ការងារបម្រើ បានជួយពង្រឹងដល់កូរ៉ុមបព្វជិតភាពមិលគីស្សាដែក និង សមាគមសង្គ្រោះ
សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ
ការិយាល័យគណៈប្រធានទីមួយ
47 East South Temple Street, Salt Lake City, Utah 84150-1200
ថ្ងៃទី ២ ខែ មេសា ឆ្នាំ ២០១៨
ជូនចំពោះ ៖ ពួកអ្នកមានសិទ្ធិអំណាចទូទៅ គណៈប្រធានអង្គការជំនួយទូទៅ ពួកចិតសិបនាក់ប្រចាំតំបន់ ប្រធានស្តេក ប្រធានបេសកកម្ម និងប្រធានមណ្ឌល ប៊ីស្សព និងប្រធានសាខា ព្រមទាំងក្រុមប្រឹក្សាស្ដេក និងវួដ
( សូមអាននៅក្នុងការប្រជុំសាក្រាម៉ង់ )
បងប្អូនប្រុសស្រីជាទីស្រឡាញ់ ៖
ការងារបម្រើជាមួយកូរ៉ុមបព្វជិតភាពមិលគីស្សាដែក និង សមាគមសង្គ្រោះដែលបានពង្រឹង
ការងារបម្រើរបស់ព្រះអង្គសង្គ្រោះបង្ហាញនូវគំរូនៃព្រះបញ្ញត្តិធំៗចំនួនពីរគឺ « ស្រឡាញ់ព្រះអម្ចាស់ជាព្រះនៃឯងឲ្យអស់អំពីចិត្ត អស់ពីព្រលឹង ហើយអស់អំពីគំនិតឯង » ហើយ « ស្រឡាញ់ អ្នកជិតខាងដូចខ្លួនឯង » ( ម៉ាថាយ ២២:៣៧, ៣៩) ។ នៅក្នុងស្មារតីនោះ ព្រះយេស៊ូវបានត្រាស់បង្រៀនថា « អ្នករាល់គ្នាជាអ្នកដែលយើងបានរើសដើម្បីធ្វើការងារបម្រើដល់ប្រជាជននេះ » ( នីហ្វៃទី៣ ១៣:២៥ ) ។
ដើម្បីផ្ដោតកិច្ចខិតខំរបស់កូរ៉ុមបព្វជិតភាពមិលគីស្សាដែក និង សមាគមសង្គ្រោះទៅលើការបម្រើដូចដែលព្រះអង្គសង្គ្រោះបានបង្រៀន នោះយើងសូមប្រកាសការកែប្រែដូចខាងក្រោម ៖
- នៅកម្រិតវួដ, មានកូរ៉ុមបព្វជិតភាពមិលគីស្សាដែកមួយ ។ ឥឡូវនេះ សមាជិកក្នុងកូរ៉ូមអែលឌើរ និង ក្រុមសង្ឃជាន់ខ្ពស់ត្រូវបានដាក់បញ្ចូលទៅជាមួយកូរ៉ុមតែមួយ ដោយមានគណៈប្រធានមួយ ។ កូរ៉ុមនោះត្រូវបានចាត់តាំងជា « កូរ៉ុមអែលឌើរ » ចំណែកឯក្រុមសង្ឃជាន់ខ្ពស់វួដឈប់មានទៀតហើយ ។
- នៅកម្រិតស្តេក, មានកូរ៉ុមសង្ឃជាន់ខ្ពស់មួយ ។ គណៈប្រធានស្តេកបន្តបម្រើជាគណៈប្រធានកូរ៉ុមសង្ឃជាន់ខ្ពស់ ។ សមាជិកក្នុងកូរ៉ុមនោះគឺមានតែសង្ឃជាន់ខ្ពស់ទាំងឡាយណា ដែលកំពុងបម្រើនៅក្នុងគណៈប្រធានស្តេក គណៈប៊ីស្សព ក្រុមប្រឹក្សាជាន់ខ្ពស់ និង លោកអយ្យកោស្តេកដែលកំពុងបំពេញមុខងារប៉ុណ្ណោះ ។
- ការងារបម្រើជំនួសឲ្យការបង្រៀនតាមផ្ទះ និងការបង្រៀនសួរសុខទុក្ខ ។ ឥឡូវនេះ កម្មវិធីដាច់ដោយឡែកពីការបង្រៀនតាមផ្ទះ និងការបង្រៀនសួរសុខទុក្ខ គឺជាកិច្ចខិតខំសហប្រតិបត្តិការគ្នាមួយ ដែលត្រូវបានហៅថា « ការងារបម្រើ » ដែលត្រូវបានមើលខុសត្រូវដោយគណៈប្រធានកូរ៉ុមអែលឌើរ និងសមាគមសង្គ្រោះ នៅក្រោមការដឹកនាំរបស់ប៊ីស្សព ។ ការងារបម្រើគឺជាការមើលថែដូចដែលព្រះគ្រីស្ទបានធ្វើដល់មនុស្សដទៃ និងការជួយបំពេញសេចក្ដីត្រូវការខាងវិញ្ញាណ និងខាងសាច់ឈាមរបស់ពួកគេ ។
- ការដាក់បញ្ចូលយុវវ័យនៅក្នុងការងារបម្រើ ។ ការងារបម្រើអាចដាក់បញ្ចូលក្រុមឡូរ៉ល និង ក្រុមម៉ៃម៉េតឲ្យធ្វើជាដៃគូជាមួយបងប្អូនស្រីសមាគមសង្គ្រោះ ហើយសង្ឃ និង គ្រូ បន្តធ្វើជាដៃគូជាមួយអ្នកកាន់បព្វជិតភាពមិលគីស្សាដែក ។
ការកែប្រែកូរ៉ុមគួរតែត្រូវបានអនុវត្តភ្លាមៗ ។ ការកែប្រែការងារបម្រើអាចចំណាយពេលមួយរយៈ ប៉ុន្តែវាគួរតែអនុវត្តឲ្យបានឆាប់តាមដែលអាចធ្វើទៅបាន ។ ព័ត៌មានបន្ថែមមាននៅលើគេហទំព័រ ministering.lds.org/khm ។
ដោយសេចក្ដីស្មោះស្ម័គ្រ
គណៈប្រធានទីមួយ