Jerbal in karejar n̄an Kōkajoorļo̧k Dolulu ko an Melkisedek Priesthood eo im Doulul ko an Kōrā ro
Kabun̄ eo an Jisōs Kraist im Armej ro Rekwojarjar ilo Raan-ko Āliktata
Opiij eo an Būreejtōnji eo Kein Kajuon
47 East South Temple Street, Salt Lake City, Utah 84150-1200
Eprōļ 2, 2018
N̄an: Ritōl ro Routiej an Kabun̄ in, Būreejtōnji ko Routiej an Radik ko; Eria Jiljilimjuonn̄oul ro, Būreejtōn ro an Stake, Mijen, District; Bisop ro im Branch Būreejtōn ro; Stake im Ward Ko̧o̧njeļ ko
(N̄an riiti ilo kweilo̧k in kwojkwoj eo)
Ro Jeiū im Jatū Rejitōn Bōro:
Jerbal in karejar n̄an Kōkajoorļo̧k Dolulu ko an Melkisedek Priesthood eo im Doulul ko an Kōrā ro
Jerbal in karejar eo an Rilo̧mo̧o̧r eo ej kwaļo̧k ruo kien ko reļļap: “Kwōn yokwe Irooj am̧ Anij kōn aolepen būruom̧, im kōn aolepen am̧, im kōn am̧ ļōmņak otemjej” im Kwōn yokwe ri turum̧ im āinwōt kwe” (Matu 22:37, 39 Ilo jetōb in, Jisōs eaar barāinwōt katakin, “Kom̧ij ro Iaar kāālet er n̄an jerbal n̄an armej rein”(3 Nipai 13:25).
N̄an kalimjōk wōt kijejeto ko an doulul ko an Melkisedek Priesthood eo im Doulul ko an Kōrā ro ilo jerbal in karejar āinwōt an Rilo̧mo̧o̧r eo kar katakin, kōmij kōjjeļļā kaki oktak kein:
- Ilo ward ļābōļ, juon doulul an Melkisedek Priesthood. Ro uwaan doulul eo an elder ro im doulul ko an pris ro routiej rej kiiō koba n̄an juon doulul kōn juon būreejtōnji. Doulul eo kālete “doulul eo an elder ro,” im doulul ko an pris ro routiej rej bōjrak.
- Ilo stake ļābōļ, juon doulul an pris ro routiej. Stake būreejtōnji eo ej wōnm̧aanļo̧k wōt n̄an jerbal āinwōt būreejtōnji eo an doulul eo an pris ro routiej. Ro uwaan doulul jab in rej pris ro routiej rej jerbal kiiō ilo stake būreejtōnji eo, ilo bisoprik ko, ilo ko̧o̧njeļ eo eutiej, im āinwōt petriak ro rej jerbal.
- Jerbal in karejar ej bōk jikin katakin im̧ōko im jerbal in loļo̧k an kōrā ro. Būrookraam̧ ko rejeno̧lo̧k an katakin im̧ōko im katakin loļo̧k an kōrā ro rej kiiō juon jerbal rej ippān doon ba kake āinwōt “jerbal in karejar,” bōk eddo in jān doulul eo an elder ro im būreejtōnji ko an Doulul eo an Kōrā ro ium̧win tōl an bisop eo. Jerbal in karejar ej kōjparok eo āinwōt an Kraist n̄an ro jet im jipan̄ tōpar aikuj ko aer ilo jetōb im kanniōk.
- Kobaik jodikdik ro ilo katakin. Jerbal in karejar emaron̄ in koba ro ilo Laurel ko im Mai Maid ko āinwōt ro m̧ōttami n̄an kōrā ro ilo Doulul eo an Kōrā, im pris ro im rūkaki ro rej wōnm̧aanļo̧k wōt āinwōt ro m̧ōttami n̄an rikabwijer ro an Melkisedek Priesthood eo.
Oktak kein an doulul eo aikuj in kōm̧m̧ane ilo iien eo em̧ōkaj tata. Oktak ko an jerbal in karejar eo emaron̄ bōk jidik iien bōtaab aikuj in bōk jikin ilo iien eo em̧ōkaj n̄e emaron̄. Meļeļe ko rellōn̄ļo̧k rej pād ilo ministering.lds.org/mah.
Ilo kautiej ami,
Būreejitōnji eo Kein Kajuon